​ເກີດເຫດຄາດຕະກໍາໂຫດຢູ່ບ້ານໂຄກສະອາດ

​ຫົວໜ້າຫ້ອງຕໍາຫລວດ ປກສ ນະຄອນຫລວງວຽງຈັນ ລາຍງານໃຫ້ຮູ້ວ່າ: ເວລາ​ປະມານ 22:00 ​ໂມງຂອງ​ວັນ​ທີ 1 ທັນວານີ້, ໄດ້​ເກີດ​ເຫດເມຍຄາດຕະກໍາຜົວຢ່າງໂຫດຫ້ຽມຢູ່ເຂດບ້ານໂຄກສະອາດເມືອງໄຊທານີນະຄອນຫລວງວຽງຈັນ, ໂດຍເຫດສະເທືອນຂວັນດັ່ງກ່າວເກີດຂຶ້ນຢູ່ຖຽງນາຫລັງໜຶ່ງ, ເຊິ່ງຜູ້ເສຍຊີວິດຊື່ທ້າວ ກາ ອາຍຸ 41 ປີ, ສະພາບພົບແມ່ນ​ຫົວ​ມີ​ຮອຍ​ແຕກ, ຄໍ, ມື​ ແລະ ຂາທັງສອງເບື້ອງ​ຖືກ​ຕັດເປັນສິ້ນສ່ວນ ແລະ ພົບເຫັນພ້າ 1 ດວງ ແລະ ຄ້ອນຕີໜຶ່ງອັນມີ​ເລືອດຕິດຖືກຖີ້ມປະໄວ້​ຂ້າງ​​ສົບ ແລະ ຜ່ານການສືບສວນ-ສອບສວນປະຊາຊົນຢູ່ໃກ້ຄຽງບອກວ່າ: ຜູ້ກໍ່ເຫດແມ່ນນາງ ສອນ ອາຍຸ 43 ປີເປັນເມຍຂອງຜູ້ຕາຍ, ໂດຍເຈົ້າໜ້າ​ທີ່​ໄດ້​ກັກ​ຕົວມາສືບສວນ-ສອບສວນເພື່ອຫາເຫດຈູງໃຈໃນການກໍ່ເຫດສະເທືອນຂວັນຄັ້ງນີ້.