ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ

- IMG 0777 - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ
- Untitled design - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ

ໃນວັນທີ 6 ທັນວານີ້, ບໍລິສັດ ເອັສທີ ກຣຸບ (ST) ໄດ້ມອບເງິນອັດສີດຈຳນວນ 25 ລ້ານກີບໃຫ້ 3 ນັກກິລາປັນຈັກສີລັດ ທີມຊາດລາວ ທີ່ສາມາດສ້າງຜົນງານໃນງານ ມະຫາກຳກິລາຊີເກມ ຄັ້ງທີ 29, ເມື່ອເດືອນສິງຫາຜ່ານມານີ້, ທີ່ປະເທດມາເລເຊຍ ດ້ວຍການຄວ້າຜູ້ລະ 1 ຫລຽນທອງ, ການມອບ-ຮັບເງິນດັ່ງກ່າວ ມີຂຶ້ນລະຫວ່າງທ່ານ ໄຊຍະສັກ ຣາຊຈັກ ຕາງໜ້າບໍລິສັດ ເອັສທີ ກຣຸບ ແລະ ທ່ານ ອຸ່ນເຮືອນ ສີວົງສົດ ຮອງປະທານສະຫະພັນປັນຈັກສີລັດແຫ່ງຊາດລາວ, ມີບັນດາຄູຝຶກ, ນັກກິລາ ແລະ ພາກສ່ວນກ່ຽວຂ້ອງເຂົ້າຮ່ວມ.

ຮອງປະທານສະຫະພັນປັນຈັກສີລັດແຫ່ງຊາດລາວ ໃຫ້ຮູ້ວ່າ: ຂໍສະແດງຄວາມ ຂອບໃຈຕໍ່ກັບກຸ່ມບໍລິສັດ ເອັສທີ ຈຳກັດ ທີ່ໄດ້ໃຫ້ການສະໜັບສະໜູນທັບນັກກິລາປັນຈັກ ສີລັດ ຕະຫລອດມາ ແລະ ຄັ້ງນີ້ກໍເປັນອີກຄັ້ງໜຶ່ງທີ່ເອັສທີ ໄດ້ໃຫ້ການອຸປະຖຳຕໍ່ນັກກິລາ ຜູ້ທີ່ມີຜົນງານ ແລະ ເປັນກຳລັງໃຈໃຫ້ກັບນັກກິລາພວກເຮົາ ກໍຄືຄະນະນຳ, ຄູຝຶກທີ່ໄດ້ ເບິ່ງແຍງໃນການຝຶກສອນ, ຈົນສາມາດຍາດໄດ້ລາງວັນໃນລະດັບດັ່ງກ່າວ. ຢ່າງໃດ ກໍຕາມ ນັກກິລາພວກເຮົາຈະສືບຕໍ່ຝຶກຊ້ອມຢ່າງຕໍ່ເນື່ອງ ເພື່ອກຽມເຂົ້າຮ່ວມ ເອຊຽນເກມ 2018 ທີ່ປະເທດອິນໂດເນເຊຍ.- IMG 0787 - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ

ສຳລັບການອັດສີດຄັ້ງນີ້ ເອັສທີ ກຣຸບ ມອບເງິນໃຫ້ຈຳນວນ 25 ລ້ານກີບ ຈາກ ຜົນງານ 3 ຫລຽນທອງຂອງກິລາປັນຈັກສີລັດລາວ ຍາດໄດ້ໃນງານມະຫາກຳກິລາຊີ ເກມ ຄັ້ງທີ29 ທີ່ມາເລເຊຍ ເປັນເຈົ້າພາບລະຫວ່າງວັນທີ 19-30 ສິງຫາຜ່ານມາ, ຊຶ່ງທັບນັກກິລາປັນຈັກສີລັດລາວ ຍາດໄດ້ 3 ຫລຽນທອງຄື: ປັນຈັກສີລັດ ເພດຊາຍ ຮຸ່ນ 55 ກິໂລ ໄດ້ຈາກທ້າວ ໂບ້ ທຳມະວົງສາ; ປັນຈັກສີລັດ ເພດຊາຍ ຮຸ່ນ 65 ກິໂລ ໄດ້ຈາກ ທ້າວ ໜູຄິດ ລາດຊະເພົາ ແລະ ປັນຈັກສີລັດ ເພດຍິງ ຮຸ່ນ 65-70 ກິໂລ ໄດ້ຈາກນາງ ປາລອຍ ບັກກຳ.

- Wave100S AD to Website 2020 0 - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ
- WhatsApp Image 2020 05 27 at 5 - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ
- WhatsApp Image 2020 05 27 at 5 - ເອັສທີ ກຣຸບ ອັດສີດ 3 ຫລຽນທອງ ປັນຈັກສີລັດ ຈາກຊີເກມ 25 ລ້ານກີບ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!