ທ່ານ ທຣຳ ເຜີຍເປັນຄົນສັ່ງຍິງຈະຫລວດຖະຫລົ່ມຖານທັບອາກາດຊີຣີ

- advert banner 728 90 728x90 - ທ່ານ ທຣຳ ເຜີຍເປັນຄົນສັ່ງຍິງຈະຫລວດຖະຫລົ່ມຖານທັບອາກາດຊີຣີ

- 1491533259424 960x0 300x169 - ທ່ານ ທຣຳ ເຜີຍເປັນຄົນສັ່ງຍິງຈະຫລວດຖະຫລົ່ມຖານທັບອາກາດຊີຣີ       ປາລ໌ມບິ 7 ​ເມສາ: ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ​ເປີດ​ເຜີຍ​ວ່າ: ​ເປັນ​ຜູ້​ສັ່ງ​ໃຫ້​ໃຊ້​ຈະ​ຫລວດ​ໂຈມ​ຕີ​ຖານ​ທັບ​ອາກາດ​ຊີຣີ ​ເພື່ອ​ປົກ​ປ້ອງ​ຜົນ​ປະ​ໂຫຍ​ດຄວາມ​ໝັ້ນຄົງ​ແຫ່ງ​ຊາດ​ຂອງ​ອາ​ເມ​ລິ​ກາ​ຈາກ​ປະທານາທິບໍດີ ບາ​ຊາ ອານ ອັດ​ຊັດ ຂອງ​ຊີຣີ.

- new3 - ທ່ານ ທຣຳ ເຜີຍເປັນຄົນສັ່ງຍິງຈະຫລວດຖະຫລົ່ມຖານທັບອາກາດຊີຣີ

ປະທານາທິບໍດີ ທຣຳ ຖະ​ແຫລ​ງຂ່າວ​ຢູ່​ເມືອງ​ປາລ໌ມບີ ລັດ​ຟໍລິ​ດາ ລະຫວ່າງ​ຕ້ອນຮັບ​ປະທານ​ປະ​ເທດ ສີ​ຈິ້ນຜິ​ງ ຂອງ​ຈີນ ​ແລະ ພັນ​ລະ​ຍາ ຢູ່​ຄະ​ລື​ຫາດ​ມາ​ລະອາ​ໂກ​ຂອງ​ທ່ານ​ວ່າ: ຄວາມ​ພະຍາຍາມ​ຫລາ​ຍປີຜ່ານມາ ​ເພື່ອ​ປ່ຽນ​ແປງ​ພຶດຕິ​ກຳ ອານ ອັດ​ຊັດ  ຫລົ້ມ​ເຫ​ລວຢ່າງ​ໜັກ, ທ່ານ​ຈຶ່ງ​ໄດ້​ສັ່ງ​ໃຫ້​ໃຊ້​ປະຕິບັດ​ການ​ທາງ​ທະຫານ​ແບບ​ເຈາະ​ຈົງ​ຕໍ່​ຖານ​ທັບ​ອາກາດ​ຊີຣີທີ່​ເປັນ​ສະຖານ​ທີ່​ເປີດ​ສາກ​ໂຈມ​ຕີ​ດ້ວຍ​ອາວຸດ​ເຄມີ. ການ​ປ້ອງ​ກັນ ​ແລະ ລະງັບ​ການ​ແຜ່​ກະຈາຍ ​ແລະ ​ໃຊ້​ອາວຸດ​ເຄມີ​ຮ້າຍ​ແຮງ​ເປັນ​ຜົນ​ປະ​ໂຫຍ​ດຄວາມ​ໝັ້ນຄົງ​ແຫ່ງ​ຊາດ​ທີ່​ສຳຄັນ​ຢ່າງ​ຍິ່ງ​ຂອງ​ອາ​ເມ​ລິ​ກາ ​ເພາະ​ເປັນ​ທີ່​ຮູ້​ກັນ​​ແລ້ວ​ວ່າ: ຊີຣີ​ໃຊ້​ອາວຸດ​ເຄມີ​ຕ້ອງ​ຫ້າມ, ລະ​ເມີດ​ພັນ​ທະ​ກິດ​ຕາມ​ອະນຸ​ສັນຍາ​ຫ້າມ​ອາວຸດ​ເຄມີ ​ແລະ ​ເມີ​ນ​ເສີຍ​ຕໍ່​ຄຳ​ເຕືອນ​ຂອງ​ສະພາ​ຄວາມ​ໝົ້ນຄົງ​ແຫ່ງ​ສະຫະ​ປະຊາ​ຊາດ.

​ເຈົ້າໜ້າ​ທີ່​ອາ​ເມ​ລິ​ກາ​ເປີດ​ເຜີຍ​ວ່າ: ​ເຮືອ​ຮົບ​ຂອງ​ກອງທັບ​​ເຮືອ​ໄດ້​ຍິງ​ຈະ​ຫລວດ​ໂທ​ມາ​ຮອກປະມານ 50 ລູກ​ຈາກ​ທະ​ເລ​ເມ​ດິ​ເຕລາ​ນຽນ ຖະຫລົ່ມ​ເປົ້າໝາຍ​ຫລາຍ​ຢ່າງ ທັງ​ທາງ​ແລ່ນ​ເຮືອບິນ, ​ເຮືອບິນ, ສະຖານີ​ນ້ຳມັນ​ໃນ​ຖານ​ທັບ​ອາກາດ​ຢູ່​ແຂວງ​ຮອມ ທາງ​ຕອນ​ກາງຂອງ​ຊີຣີ ນັບ​ແຕ່​ເວລາ 20:45 ​ໂມງ ວັນ​ທີ 7​ເມສາ ຕາ​ມ​ເວລາ​ຕາ​ເວັນ​ອອກ​ອາ​ເມ​ລິ​ກາ ກົງ​ກັບ​ເວລາ 07:45 ​ໂມງ ວັນ​ທີ 7 ​ເມສາ ຕາມ​ເວລາ​ຢູ່​ລາວ.

ສ່ວນ​ສະຖານີ​ໂທລະພາບ​ຂອງ​ທາງ​ການ​ຊີຣີລາຍ​ງານ​ວ່າ: ອາ​ເມ​ລິ​ກາ​ໄດ້​ຮຸກ​ຮານ​ໂດຍ​ການ​ຍິງ​ລູກ​ສອນ​ໄຟ​ຈຳນວນ​ໜຶ່ງ​ຖະຫລົ່ມ​ຖານ​ທັບ​ຊີຣີ ​ແລະ ອ້າງ​ແຫ​ລ່ງຂ່າວ​ກອງທັບ​ວ່າ​ເກີດ​ຄວາມ​ສູນ​ເສຍ​ຈາກ​ການ​ໂຈມ​ຕີ​ດັ່ງກ່າວ.

error: Content is protected !!