ເຈົ້າໜ້າທີ່ລະດັບສູງສະຫະປະຊາຊາດ ພົບຮອງລັດຖະມົນຕີຕ່າງປະເທດ ສປປ ເກົາຫລີ

- advert banner 728 90 728x90 - ເຈົ້າໜ້າທີ່ລະດັບສູງສະຫະປະຊາຊາດ ພົບຮອງລັດຖະມົນຕີຕ່າງປະເທດ ສປປ ເກົາຫລີ

​ເຈົ້າໜ້າ​ທີ່​ລະດັບ​ສູງ​ສະຫະ​ປະຊາ​ຊາດ​ໄດ້​ພົບ​ກັບຮອງ​ລັດຖະມົນຕີ​ຕ່າງປະ​ເທດ ສປປ ​ເກົາຫລີ ຢູ່​ນະຄອນຫລວງ​ພຽງ​ຢາງ ​ໃນ​ວັນ​ທີ 6 ທັນວາ​ນີ້ ​ເຊິ່​ງ​ເປັນ​ມື້ທຳ​ອິດ​ຂອງ​ພາລະກິດ​ຢ້ຽມຢາມ​ເປັນ​ເວລາ 4 ວັນ.

- new3 - ເຈົ້າໜ້າທີ່ລະດັບສູງສະຫະປະຊາຊາດ ພົບຮອງລັດຖະມົນຕີຕ່າງປະເທດ ສປປ ເກົາຫລີ

​ເຖິງ​ຢ່າງ​ໃດ​ກໍ​ຕາມ, ປັດຈຸບັນ​ນີ້​ຍັງ​ບໍ່​ແນ່ນອນ​ວ່າ ທ່ານ ​ເຈ​ຟຟຣີ ​ເຟລ​ແມນ ຮອງ​ເລຂາທິການ​ສະຫະ​ປະຊາ​ຊາດ ຝ່າຍ​ການ​ເມືອງ ຈະ​ຫາລື​ໃນ​ເລື່ອງ​ໃດ​ແດ່​ກັບ​ທ່ານ ປັກ ມາຍ​ອງກຸກ ຮອງ​ລັດຖະມົນຕີ​ຕ່າງປະ​ເທດ ສປປ ​ເກົາຫລີ. ​ໂຄສົກ​ສະຫະ​ປະຊາ​ຊາດ​ຖະ​ແຫລ​ງວ່າ: ທ່ານ ​ເຟລ​ແມນ ອະດີດ​ເຈົ້າໜ້າ​ທີ່​ກະຊວງ​ຕ່າງປະ​ເທດ​ອາ​ເມ​ລິ​ກາ ​ເດີນທາງ​ເຖິງ​ນະຄອນຫລວງ​ພຽງ​ຢາງ​ໃນ​ວັນ​ທີ 5 ທັນວາ ​ແລະ ມີ​ເລື່ອງ​ຫາລື​ໃນ​ຫລາຍ​ບັນຫາ ລະຫວ່າງ​ການ​ຢ້ຽມຢາມ ສປປ ​ເກົາຫລີ, ​ແຕ່​ບໍ່​ໄດ້​ເປີດ​ເຜີຍ​ລາຍ​ລະອຽດ. ຄາດ​ວ່າ​ທ່ານ ​ແລະ ຄະນະ​ເຈົ້າໜ້າ​ທີ່ ສປຊ ຈະ​ໄດ້​ພົບ​ກັບ​ທ່ານ ຣີ ຍອງ​ໂຣ ລັດຖະມົນຕີ​ຕ່າງປະ​ເທດ ສປປ ​ເກົາຫລີ ຢູ່​ນະຄອນຫລວງ​ພຽງ​ຢາງ, ​ເຖິງ​ວ່າ​ທ່ານ ​ເຟລ​ແມນ ຈະ​ບໍ່​ໄດ້​ຢ້ຽມຢາມ​ໃນ​ຖານະ​ຜູ້​ແທນ​ຈາກ​ອາ​ເມ​ລິ​ກາ, ​ແຕ່​ຄາດ​ຫວັງ​ກັນ​ຫລາຍ​ວ່າ: ການ​ຢ້ຽມຢາມ​ຂອງ​ທ່ານ ​ແລະ ຄະນະ​ເຈົ້າໜ້າ​ທີ່​ຕ່າງປະ​ເທດ​ອື່ນໆ ລວມທັງ​ເຈົ້າໜ້າ​ທີ່​ລະດັບ​ສູງ​ຂອງ​ຈີນ​ທີ່​ມາ​ຢ້ຽມຢາມ​ໃນ​ເດືອນ​ຜ່ານ​ມາ ອາດ​ຊ່ວຍບັນ​ເທົາ​ສະຖານະ​ການ​ທີ່​ເຄັ່ງ​ຕຶງ​ລະຫວ່າງ ສປປ ​ເກົາຫລີ ກັບ​ອາ​ເມ​ລິ​ກາ​ລົງ​ໄດ້.

error: Content is protected !!