ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ

- 030812 2017l - ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ
- Untitled design - ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ

ຜົນການສຶກສາຈາກສະຫະລັດອາເມລິກາ ລະບຸວ່າການດື່ມກາເຟຢ່າງໜ້ອຍ 4 ຈອກຕໍ່ມື້ຈະຊ່ວຍປ້ອງກັນພະຍາດໜິ້ວໃນຖົງ ນຳ້ບີ ທັງຍັງໃຊ້ໄດ້ດີທັງຊາຍ ແລະ ຍິງນຳອີກ.

ຈາກການທົດລອງໃຊ້ນາງພະຍາບານໃນສະຫະລັດອາເມລິກາ ດື່ມກາເຟທີ່ມີສານກາເຟອີນຢ່າງໜ້ອຍມື້ລະ 4 ຈອກ ພົບວ່າ : ສາມາດຫລຸດຄວາມຈຳເປັນໃນການເຂົ້າຮັບການຜ່າຕັດໜິ້ວໃນຖົງນຳ້ບີໄດ້ປະມານ 25% ເມື່ອປຽບທຽບກັບຄົນທີ່ບໍ່ດື່ມ ເຊິ່ງປະກົດຜົນຄືກັນກັບການສຶກສາກ່ອນໜ້າທີ່ທົດລອງໃນຜູ້ຊາຍ ແຕ່ຜົນດັ່ງກ່າວຊຳ້ພັດບໍ່ປະກົດໃນກຸ່ມຜູ້ຊາຍທີ່ດື່ມກາເຟບໍ່ມີກາເຟອີນ ດັ່ງນັ້ນ ກາເຟອີນຈຶ່ງໜ້າຈະເປັນປັດໄຈສຳຄັນໃນການປ້ອງກັນໜິ້ວໃນຖົງນຳ້ບີ ເຊິ່ງ ດຣ. ມິຄາເອລ ເອຟ ເລອິດມານ ຈາກມະຫາວິທະຍາໄລຮາເວີດ ບອສຕັນ ແຂວງແມສຊາຊູເຊດ ປະເທດສະຫະລັດອາເມລິກາ ຜູ້ຂຽນລາຍງານ ກ່າວ.

ທັງນີ້ ລາຍງານຂອງ ດຣ. ເລ ອິດມານ ບໍ່ໄດ້ຊັກຊວນໃຫ້ແມ່ຍິງທີ່ບໍ່ດື່ມກາເຟຫັນມາດື່ມເພື່ອປ້ອງກັນພະຍາດໜິ້ວໃນຖົງນຳ້ບີ ແຕ່ແນະນຳວ່າຖ້າແມ່ຍິງທີ່ດື່ມກາເຟຢູ່ແລ້ວຈະດື່ມຕໍ່ໄປກໍໍໄດ້ ເພື່ອຫລຸດຄວາມສ່ຽງຕໍ່ການເປັນພະຍາດນີ້ ນິ້ວໃນຖົງນຳ້ບີປະກອບຂຶ້ນຈາກຄໍເລສເຕີໂຣນ, ເກືອການຊຽມ ຫລື ນຳ້ບີທີ່ກໍ່ໂຕໃນຖົງນຳ້ບີ ຫາກກ້ອນໜິ້ວມີຂະໜາດນ້ອຍກໍອາດຈະບໍ່ເປັນອັນຕະລາຍ ແຕ່ຖ້າເປັນກ້ອນໃຫຍ່ກໍອາດຈະໄປປິດກັ້ນຊ່ອງຂອງຖົງນຳ້ບີ ເຊິ່ງອາດເຮັດໃຫ້ປວດ ແລະ ອັກເສບໄດ້.

- Wave100S AD to Website 2020 0 - ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ

ປະຊາກອນອາເມລິກາເປັນພະຍາດໜິ້ວໃນຖົງນຳ້ບີເຖິງ 20 ລ້ານຄົນ ໂດຍໃນແຕ່ລະປີຈະມີຜູ້ປ່ວຍມາຂໍໍຮັບການຜ່າຕັດເອົາ ກ້ອນໜິ້ວອອກປະມານ 8 ແສນຄົນ ແລະ ແມ່ຍິງກໍໍມີໂອກາດເປັນພະຍາດນີ້ໄດ້ງ່າຍກ່ວາຜູ້ຊາຍເຖິງ 2 ເທົ່າ. ນອກຈາກນີ້ ໃນການວິໄຈກ່ອນໜ້ານີ້ ດຣ. ເລອິດມານ ແລະ ຄະນະ ກໍລາຍງານວ່າ ຄວາມສ່ຽງຕໍ່ການເປັນໜິ້ວໃນຖົງນຳ້ບີຈະຫລຸດລົງ 45% ເມື່ອຜູ້ຊາຍດື່ມກາເຟທີ່ມີກາເຟອີນຢ່າງໜ້ອຍ 4 ຈອກຕໍ່ມື້.

- WhatsApp Image 2020 05 27 at 5 - ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ
- WhatsApp Image 2020 05 27 at 5 - ດື່ມກາເຟແນວໃດຈຶ່ງຈະຊ່ວຍປ້ອງກັນໜິ້ວ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!