8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ

- 040812 2017l - 8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ
- Untitled design - 8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ

ທ່ານເຄີຍສົງໄສຫລືບໍ່ວ່າ ທັງຫລຸດນຳ້ໜັກ ແລະ ອອກກຳລັງກາຍໜັກປານໃດ ພຸງກໍຍັງບໍ່ເປລົງ ຍັງເປັນກົມໆຄືກັບຫາກໍກິນ ເຂົ້າອີ່ມຕະຫລອດເວລາ ທີ່ເປັນແບບນັ້ນກໍຍ້ອນວ່າ ພຸງນັ້ນເກີດຈາກຫລາຍສາເຫດ ບໍ່ໄດ້ຈຳກັດແຕ່ປະລິມານອາຫານ, ປະເພດອາ ຫານທີ່ກິນ, ເວລາທີ່ກິນ ຫລື ແມ່ນແຕ່ວິໄນ ແລະ ຄວາມຟິດໃນການອອກກຳລັງກາຍເພື່ອປ່ຽນໄຂມັນເປັນກ້າມຊີ້ນ ອາການລົງພຸງນັ້ນສາມາດເກີດໄດ້ແມ່ນແຕ່ຈາກການຫຍຳ້ໝາກຝຣັ່ງ ແລະ ການກິນອາຫານດ້ວຍຄວາມໄວ.

  1. ເຮືອບິນ : ບໍ່ໜ້າເຊື່ອວ່າການຂຶ້ນເຮືອບິນກໍເຮັດໃຫ້ມີພຸງໄດ້ ທີ່ເປັນແບບນັ້ນກໍຍ້ອນເວລາຢູ່ເທິງທ້ອງຟ້າ ແກ໊ສໃນລຳໄສ້ຈະຂະຫຍາຍໂຕ ເຮັດໃຫ້ເຮົາຮູ້ສຶກອຶດອັດ ຢາກຈະປົດກະດຸມໂສ້ງ ຫລື ຂະຫຍາຍສາຍແອວອອກໃຫ້ໄວ.

– ວິທີແກ້ : ດື່ມນຳ້ໃຫ້ຫລາຍ ໂດຍອາດເປັນຊາເປບເປີມິ້ນ ແລະ ຫລີກເວັ້ນການກິນເຂົ້າໜົມທີ່ບໍ່ດີຕໍ່ສຸຂະພາບທີ່ສາຍການບິນມັກຈະແຈກເປັນອາຫານວ່າງ.

- Wave100S AD to Website 2020 0 - 8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ
  1. ຢາ : ບັນດາຢາທັງຫລາຍ ນັບແຕ່ຢາແກ້ອັກເສບ, ຢາແກ້ປວດ ໄປຈົນເຖິງຢາຄຸມ ສາມາດເຮັດໃຫ້ມີພຸງໄດ້ໝົດ ໂດຍຢາແກ້ອັກເສບຈະໄປເຮັດປະຕິກິລິຍາກັບແບັກທີເຣຍໃນທ້ອງ ເຮັດໃຫ້ພຸງໃຫຍ່ຂຶ້ນ. ສ່ວນຢາແກ້ປວດຈະໄປເຮັດໃຫ້ລະບົບທາງເດີນອາຫານຂອງເຮົາເຮັດວຽກຊ້າລົງ.

– ວິທີແກ້ : ກິນ Probiotic ເພື່ອກຳຈັດ Antibiotics ທີ່ກິນເຂົ້າໄປ ແລະ ດື່ມນຳ້ໃຫ້ຫລາຍໆ.

  1. ບໍ່ອອກກຳລັງກາຍ : ເວົ້າສັ້ນໆໃຫ້ເຂົ້າໃຈງ່າຍກໍໍຄື ຍິ່ງຮ່າງກາຍເຄື່ອນໄຫວໜ້ອຍເທົ່າໃດ ລະບົບຍ່ອຍອາຫານກໍຈະເຮັດວຽກຊ້າລົງເທົ່ານັ້ນ ສະນັ້ນ ທ່ານຄວນອອກກຳລັງກາຍເປັນປະຈຳເພື່ອໃຫ້ລະບົບຍ່ອຍອາຫານເຮັດວຽກຄ່ອງແຄ້ວ ໂດຍອາດເລືອກຍ່າງຊ້າໆເປັນການອອກກຳລັງກາຍກໍໄດ້ ບໍ່ຈຳເປັນຕ້ອງສະໝັກຟິດເນສ ຫລື ຈ້າງຄູຝຶກໃຫ້ເປືອງເງິນ.
  2. ກິນອາຫານໄວ : ອາດຟັງເບິ່ງຕະຫລົກ ແຕ່ການກິນອາຫານຢ່າງວ່ອງໄວ ນອກຈາກຈະເຮັດໃຫ້ກິນອາຫານຫລາຍກ່ວາປົກກະຕິແລ້ວ ຍັງເຮັດໃຫ້ເຮົາກືນອາກາດເຂົ້າສູ່ຮ່າງກາຍຫລາຍຂຶ້ນນຳ ຜົນທີ່ຕາມມາຈຶ່ງເປັນພຸງສວດອອກທີ່ເຕັມໄປດ້ວຍອາກາດ.
  3. ບໍ່ດື່ມນຳ້ຈາກປາກຈອກ : ນິໄສຂໍໍ້ນີ້ຄ້າຍຄືກັບການກິນອາຫານໄວ ຄືເມື່ອເຮົາບໍ່ໄດ້ດື່ມ ຫລື ຈິບນ້ຳຈາກປາກຈອກ ເຊັ່ນ ໃຊ້ຫລອດດູດແທນ ກໍເຮັດໃຫ້ອາກາດເຂົ້າສູ່ຮ່າງກາຍ ແລະ ໄປຕົກຄ້າງຢູ່ພຸງໄດ້ເຊັ່ນກັນ.
  4. ຫຍຳ້ໝາກຝຣັ່ງ : ຄືກັນກັບການກິນອາຫານ ແລະ ການໃຊ້ຫລອດດູດໃນການດື່ມນຳ້ ໝາກຝຣັ່ງແມ່ນອີກໜຶ່ງສາເຫດທີ່ເຮັດໃຫ້ອາກາດໄປຢູ່ໃນທ້ອງຈົນເກີດເປັນພຸງສວດໆ.
  5. ດື່ມນຳ້ເຢັນ : ນຳ້ເຢັນຈະໄປເຮັດປະຕິກິລິຍາເຮັດໃຫ້ໄຂມັນກ້າມ ເຮັດໃຫ້ລະບົບການຍ່ອຍອາຫານພາຍໃນຮ່າງກາຍເຮັດວຽກຊ້າລົງ. ຂະນະດຽວກັນ ນຳ້ເຢັນກໍໍໄປເຮັດໃຫ້ຮ່າງກາຍຕ້ອງໃຊ້ພະລັງງານໃນການດູດຊຶມນຳ້ຫລາຍຂຶ້ນນຳ ເມື່ອທຸກຢ່າງເຮັດວຽກຊ້າ ພຸງກໍໍສວດອອກມາ.
  6. ຮໍໂມນ : ເວລາເປັນປະຈຳເດືອນ ທ້ອງນ້ອຍຂອງທ່ານຈະສວດອອກເປັນພິເສດ ສາເຫດກໍໍຍ້ອນລະດັບຮໍໍໂມນນັ້ນອ່າວບໍ່ຄົງທີ່ ເຊິ່ງສົ່ງຜົນກະທົບຕໍ່ຂະບວນການກອງນຳ້ຂອງໝາກໄຂ່ຫລັງ ເຮັດໃຫ້ຮ່າງກາຍດຶງນຳ້ໄວ້ໃນຮ່າງກາຍຫລາຍກ່ວາປົກກະຕິ.
- WhatsApp Image 2020 05 27 at 5 - 8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ
- WhatsApp Image 2020 05 27 at 5 - 8 ພຶດຕິກຳທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!