ກອງປະຊຸມຄົບຄະນະບໍລິຫານງານພັກເມືອງຮົ່ມ

-                                - ກອງປະຊຸມຄົບຄະນະບໍລິຫານງານພັກເມືອງຮົ່ມ
- Untitled design - ກອງປະຊຸມຄົບຄະນະບໍລິຫານງານພັກເມືອງຮົ່ມ

ກອງປະຊຸມຄົບຄະນະບໍລິຫານງານພັກເມືອງ, ​ແຂວງ​ໄຊ​ສົມບູນ, ໄດ້ໄຂຂຶ້ນໃນວັນທີ 6 ທັນວານີ້, ໂດຍການເປັນປະທານຂອງສະຫາຍ ບຸນສົງ ເບຼ່ຍຢ່າທໍ່ເພຍຫຼວງ ກຳມະການພັກ ແຂວງ, ເລຂາພັກເມືອງ, ເຈົ້າເມືອງໆຮົ່ມ, ມີບັນດາ ອາດີດການນຳ, ຄະນະປະຈຳພັກເມືອງ, ກຳມະການພັກເມືອງ, ເລຂາໜ່ວຍພັກ ແລະ ສະມາຊິກພັກເຂົ້າຮ່ວມ​ກວ່າ 40 ສະຫາຍ.

-                             - ກອງປະຊຸມຄົບຄະນະບໍລິຫານງານພັກເມືອງຮົ່ມ

ສະຫາຍ ບຸນສົງ ເບຼ່ຍຢ່າທໍ່ເພຍຫຼວງ ໃຫ້ຮູ້ວ່າ: ກອງປະຊຸມຄັ້ງນີ້ ເພື່ອສະຫຼຸບຕີລາຄາ ວຽກງານຮອບດ້ານໃນໄລຍະ 1 ປີຜ່ານມາ ແລະ ວາງທິດທາງແຜນການໃນຕໍ່ໜ້າ ເພື່ອສືບຕໍ່ ໃຫ້ຕັ້ງໜ້າເສີມຂະຫຍາຍມູນເຊື້ອຄວາມສາມັກຄີໃຫ້ເປັນເອກະພາບເຊີດຊູຈິດໃຈຮັກຊາດ, ຮັກລະບອບໃໝ່ ມີຄວາມເປັນເຈົ້າຕົນເອງ, ສ້າງຄວາມເຂັ້ມແຂງດ້ວຍຕົນເອງ, ປະຕິບັດ ແນວທາງປ່ຽນແປງໃໝ່ ພາຍໃຕ້ການນຳພາຂອງພັກ, ອັນເຮັດໃຫ້ເມືອງມີສະຖຽນລະພາບ, ເສດຖະກິດຂະຫຍາຍຕົວຢ່າງຕໍ່ເນື່ອງ, ສັງຄົມມີຄວາມເປັນລະບຽບຮຽບຮ້ອຍ ອັນພົ້ນເດັ່ນ ແມ່ນຂະບວນກໍ່ສ້າງຮາກຖານການເມືອງ, ພັັດທະນາຊົນນະບົດຮອບດ້ານຕິດພັນກັບການ ສ້າງ ເມືອງເປັນຫົວໜ່ວຍເຂັ້ມແຂງຮອບດ້ານ, ສ້າງບ້ານເປັນຫົວໜ່ວຍພັດທະນາຢ່າງເປັນ ລະບົບຕໍ່ເນື່ອງ ປະກອບສ່ວນເຂົ້າ ໃນການປັບປຸງບູລະນະລະບົບການເມືອງຢູ່ຂັ້ນຮາກຖານ ມີຄວາມໜັກແໜ້ນ, ເຂັ້ມແຂງນໍາພາ ພໍ່ແມ່ປະຊາຊົນບັນດາເຜົ່າຈັດຕັ້ງປະຕິບັດໃນທຸກຂົງ ເຂດວຽກງານ ເພື່ອພັດທະນາຮອບດ້ານ ເຮັດໃຫ້ປະຊາຊົນແຕ່ລະຄອບຄົວມີຊີວິດການເປັນຢູ່ດີ ຂຶ້ນໃນອະນາຄົດ.           ກອງປະຊຸມໄດ້ຮັບຟັງລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະຈຳປີ 2017 ແລະ ທິດທາງແຜນສູ້ຊົນປີ 2018 ຂອງເມືອງ, ສະພາບການຈັດສັນ-ແບ່ງ ດິນ ແບ່ງປ່າ, ການສົ່ງເສີມການປູກພືດເປັນສີນຄ້າ, ວຽກງານປ້ອງກັນຄວາມສະຫງົບ, ວຽກ ງານການຮຽນ-ການສອນ ແລະ ຜ່ານບົດສຳຫຼວດການນຳພາລວມ ແລະ ປະກອບຄຳຄິດຄຳ ເຫັນໃສ່ກອງປະຊຸມເພື່ອເປັນເອກະພາບຕໍ່ການຈັດຕັ້ງປະຕິບັດວຽກງານໃຫ້ໄດ້ຮັບຜົນດີໃນຕໍ່ ໜ້າ.

 

- Wave100S AD to Website 2020 0 - ກອງປະຊຸມຄົບຄະນະບໍລິຫານງານພັກເມືອງຮົ່ມ

 

 

 

- WhatsApp Image 2020 05 27 at 5 - ກອງປະຊຸມຄົບຄະນະບໍລິຫານງານພັກເມືອງຮົ່ມ
- WhatsApp Image 2020 05 27 at 5 - ກອງປະຊຸມຄົບຄະນະບໍລິຫານງານພັກເມືອງຮົ່ມ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!