ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ

- IMG 90311 - ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ
- Untitled design - ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ

ໃນລະຫວ່າງວັນທີ 30 ພະຈິກ – 1 ທັນວາ ທີ່ແຂວງຈຳປາສັກ, ຄັງເງິນແຫ່ງຊາດ ໄດ້ຈັດກອງປະຊຸມວິການ ຄັງເງິນແຫ່ງຊາດທົ່ວປະເທດ ປະຈຳປີ 2017 ເພື່ອຕີລາຄາການຈັດຕັ້ງວຽກງານຄັງເງິນ 11 ເດືອນ, ແຜນ 1 ເດືອນທ້າຍປີ 2017 ແລະ ວາງທິດທາງແຜນການປີ 2018 ໂດຍການເປັນປະທານຂອງທ່ານ ອາດສະພັງທອງ  ສີພັນດອນ ຮອງລັດຖະມົນຕີກະຊວງການເງິນ, ມີທ່ານ ນາງ ວັນພອນ ພົມມະສອນ ຫົວໜ້າຄັງເງິນແຫ່ງຊາດ, ມີຫົວໜ້າຄັງເງິນແຫ່ງຊາດ ປະຈຳແຂວງຕ່າງໆ ແລະ ພະນັກງານວິຊາການເຂົ້າຮ່ວມຢ່າງພ້ອມພຽງ.

ທ່ານຫົວໜ້າຄັງເງິນແຫ່ງຊາດ ໄດ້ລາຍງານວ່າ: ກອງປະຊຸມໃນຄັ້ງນີີ້, ເພື່ອທົບທວນຄືເປັນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII, ເຊິ່ງລັດຖະບານສຸ່ມໃສ່ຜັນຂະຫຍາຍການຈັດຕັ້ງປະຕິບັດວຽກງານ 3 ສ້າງລົງສູ່ບັນດາທ້ອງຖິ່ນ ແລະ ການເຄື່ອນໄຫວຂອງກະຊວງການເງິນ ໂດຍສະເພາະແມ່ນສາມຂະແໜງສາມສາຍຕັ້ງ (ພາສີ, ສ່ວຍສາອາກອນ ແລະ ຄັງເງິນແຫ່ງຊາດ) ໃຫ້ຄຸ້ມຄອງແຕ່ສູນກາງລົງຮອດທ້ອງຖິ່ນ, ຕິດພັນກັບການຈັດຕັ້ງປະຕິບັດວຽກງານຄັງເງິນປະຈຳປີ 2017 ແລະ ທິດທາງແຜນການປີ 2018 ແລະ ໃນກອງປະຊຸມດັ່ງກ່າວຍັງເປັນການສະຫລຸບຕີລາຄາການຈັດຕັ້ງປະຕິບັດວຽກງານຄັງເງິນປີ 2017 ແລະ ທິດທາງການປີ 2018, ການກະກຽມການຈັດຕັ້ງຂອງຄັງເງິນແຫ່ງຊາດ ປະຈຳແຂວງ, ນະຄອນຫລວງ ແລະ ເມືອງ, ຜ່ານແຜນງານການປະຕິຮູບວຽກງານຄັງເງິນ ແລະ ແຜນຍຸດທະສາດວຽກງານຄັງເງິນ ຮອດປີ 2025 ແລະ ວິໄສທັດຮອດປີ 2030, ​ເຜີຍແຜ່ຄຳແນະນຳຂອງລັດຖະມົນຕີກະຊວງການເງິນວ່າດ້ວຍການປິດສະຫລຸບວຽກງານງົບປະມານ-ບັນຊີການກວດນັບ ແລະ ສະຫລຸບຂາດຕົວງົບປະມານແຫ່ງລັດ ແລະ ສະເໜີບາງບົດຮຽນ ແລະ ການປະຕິບັດວຽກງານວິຊາສະເພາະຄັງເງິນ.

ໂອກາດນີ້, ທ່ານຮອງລັດຖະມົນຕີກະຊວງການເງິນ ມີຄຳເຫັນວ່າ: ຜ່ານການຈັດຕັ້ງປະຕິບັດວຽກງານຄັງເງິນແຫ່ງຊາດ ແລະ ແຕ່ລະທ້ອງຖິ່ນ ຜ່ານມາເຫັນວ່າມີຄວາມສຳເລັດຫລາຍດ້ານ, ເຊິ່ງເຮັດໃຫ້ວຽກງານຄັງເງິນມີການຫັນປ່ຽນດີຂຶ້ນເປັນກ້າວໆ ສາມາດເປັນເສນາທິການຊ່ວຍລັດຖະບານໃນການຄຸ້ມຄອງລາຍຮັບລາຍຈ່າຍ ແລະ ສາມາດປະຕິບັດລາຍຈ່າຍທີ່ເປັນແຜນບຸລິມະສິດຂອງລັດຖະບານເປັນຕົ້ນແມ່ນລາຍຈ່າຍເງິນເດຶອນ, ເງິນອຸດໜູນ, ເງິນນະໂຍບາຍ ແລະ ອື່ນໆ, ນອກນັ້ນຍັງສຸມໃສ່ການປະຕິບັດລາຍຈ່າຍໃຫ້ຖືກຕ້ອງຕາມທີ່ສະພາຮັບຮອງຫລີກເວັ້ນການຈ່າຍລ່ວງໜ້າ, ເງິນນອກແຜນ ແລະ ຍັງຈະສືບຕໍ່ບຸກບືນພ້ອມກັນແກ້ໄຂວຽກງານຕ່າງໆ, ພ້ອມທັງເພີ່ມທະວີວຽກງານສຶກສາອົບຮົມການເມືອງແນວຄິດ, ສືບຕໍ່ປັບປຸງກົນໄກການຈັດຕັ້ງແຕ່ຄັງເງິນແຫ່ງຊາດສູນກາງລົງຮອດທ້ອງຖິ່ນ, ສູ້ຊົນຄຸ້ມຄອງການປະຕິບັດລາຍຈ່າຍທີ່ສະພາແຫ່ງຊາດຮັບຮອງ, ສືບຕໍ່ປະສານສົມທົບກັບບັນດາທະນາຄານທຸລະກິດຂອງລັດ ໃນການຜັນຂະຫຍາຍບັນດາທະນາຄານ ບັນດາສາຂາທະນາຄານໃຫ້ຕິດຕັ້ງຕູ້ເອທີເອັມໃຫ້ກັບບັນດາເມືອງເຂດຫ່າງໄກສອກຫລີກ.

- Wave100S AD to Website 2020 0 - ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ
- WhatsApp Image 2020 05 27 at 5 - ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ
- WhatsApp Image 2020 05 27 at 5 - ຄັງເງິນແຫ່ງຊາດ ສະຫລຸບວຽກງານການຈັດຕັ້ງປະຕິບັດທົ່ວປະເທດ
error: Alert: ເນື້ອຫາຂ່າວມີລິຂະສິດ !!