ເຈົ້າແຂວງຫລວງພະບາງເຄື່ອນໄຫວຢ້ຽມຢາມ ແລະ ເຮັດວຽກຢູ່ເມືອງວຽງຄຳ

ວັນທີ 7 ທັນວານີ້, ທ່ານ ຄຳຂັນ ຈັນທະວີສຸກ ເຈົ້າແຂວງ ຫຼວງພະບາງ ພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ເຮັດວຽກ ຢູ່ເມືອງວຽງຄຳ, ໂດຍມີຄະນະນຳ ຂອງເມືອງ ໃຫ້ການຕ້ອນຮັບຢ່າງອົບອຸ່ນ, ໂອກາດນີ້ ທ່ານ ອ່ອນຕາ ວັນນະ ຈັກ ເຈົ້າເມືອງວຽງຄຳ ໄດ້ ລາຍ ງານສະພາບການພັດທະນາ ເສດຖະກິດ-ສັງຄົມວ່າ: ໃນປີ ຜ່ານມາການພັດທະນາເສດຖະ ກິດ- ສັງຄົມຂອງເມືອງ ໄດ້ມີຜົນສຳເລັດໃໝ່ຫຼາຍປະການ, ເສດຖະກິດສືບຕໍ່ຂະຫຍາຍຕົວຕໍ່ເນື່ອງໃນລະດັບ 7,3% ຕໍ່ປີ, ລວມຍອດຜະລິດຕະພັນພາຍ ໃນບັນລຸເກືອບ 254 ຕື້ກີບ, ສະເລ່ຍລາຍຮັບໄດ້ 1.067 ໂດລາສະຫະລັດ ຫຼື 8,6 ລ້ານ ກວ່າກີບຕໍ່ຄົນຕໍ່ປີໄປຄຽງຄູ່ ກັນນັ້ນໄດ້ສ້າງເງື່ອນໄຂອຳ ນວຍ ຄວາມສະດວກເພື່ອຍາດ ແຍ່ງການລົງທຶນຈາກທັງ ພາຍໃນ ແລະ ຕ່າງປະເທດ ເຊິ່ງສາມາດ ປະຕິບັດໄດ້ 131 ໂຄງການ, ມີມູນຄ່າ180 ຕື້ ກວ່າກີບ, ພື້ນຖານໂຄງລ່າງ ໄດ້ຮັບການປັບປຸງ ແລະ ກໍ່ ສ້າງ, ຊີວິດການເປັນຢູ່ຂອງ ປະຊາຊົນ ໄດ້ຮັບການພັດ ທະນາດີຂຶ້ນ, ປັດຈຸບັນຍັງມີ ບ້ານ ທຸກຍາກ 16 ບ້ານກວມ 22,55% ຂອງຈຳນວນ ຄອບຄົວທັງໝົດ, ຄອບຄົວທຸກ ຍາກຍັງເຫຼືອ 554 ຄອບຄົວ ກວມ 11,11% ຂອງຈຳ ນວນຄອບຄົວ ທັງໝົດ, ມີບ້ານພັດທະນາແລ້ວ 13 ບ້ານ, 1.530 ຄອບຄົວ. ແລະ ໃນຕໍ່ ໜ້ານີ້ຈະສຸມໃສ່ ແກ້ ໄຂວຽກງານ ຄົງຄ້າງ ຕ່າງໆພາຍໃນເມືອງ ໃຫ້ ຄ່ອຍໆມີການ ພັດທະນາດີຂຶ້ນ.

+ ເຈົ້າແຂວງຫລວງພະບາງລົງຊຸກຍູ້ການພັດທະນາຢູ່ເມືອງໂພນທອງ

+ ຄະນະນຳກະຊວງແຮງງານລົງຢ້ຽມຢາມພະນັກງານປະຕິວັດອາວຸໂສ ຢູ່ສູນເສຍອົງຄະ

ໂອກາດນີ້ ທ່ານ ເຈົ້າແຂວງຫຼວງ ພະບາງ ໄດ້ມີຄຳ ເຫັນຊີ້ນຳໃຫ້ຄະນະພັກ, ອົງການປົກຄອງເມືອງ ພ້ອມກັນສຸມໃສ່ ແກ້ໄຂບັນຫາປະ ກົດການຫຍໍ້ທໍ້ຕ່າງໆໂດຍສະ ເພາະແມ່ນບັນຫາຢາເສບຕິດ, ໂດຍຊຸກຍູ້ໃຫ້ທ້ອງຖີ່ນຮາກຖານ ເປັນຜູ້ມີສ່ວນຮ່ວມ ໃນການແກ້ ໄຂຫລາຍຂຶ້ນ, ເພີ່ມທະວີການ ປັບປຸງລະບົບການຈັດຕັ້ງຢູ່ຂັ້ນ ຮາກຖານ ໃຫ້ມີຄວາມເຂັ້ມແຂງ ຫລາຍຂຶ້ນ, ເພື່ອກະກຽມເງື່ອນ ໄຂໃຫ້ແກ່ການດຳເນີນກອງປະ ຊຸມໃຫຍ່ຂອງອົງຄະນະພັກ ເມືອງໃນຕໍ່ໜ້ານີ້ໃຫ້ມີຜົນສຳ ເລັດອັນໃໝ່ ໃຫຍ່ຫຼວງກວ່າ ເກົ່າ. ໂອກາດການລົງຢ້ຽມ ຢາມຄັ້ງນີ້ທ່ານ, ເຈົ້າແຂວງໄດ້ ໄປເບິ່ງຄອບຄົວຕົວແບບຂອງ ປະຊາຊົນ ແລະ ເຂດພັດທະນາ ສຳນັກງານເມືອງຕື່ມອີກ.