ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ

- 24899040 808978175929424 2084302857 n - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ
- Untitled design - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ

ໃນວັນທີ 6 ທັນວານີ້, ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ລົງຊີ້ນໍາການຜະລິດ ກະສິກໍາ ຢູ່ແຂວງຈໍາປາສັກເພື່ອ ໃຫ້ໄດ້ຮັບຜົນດີ.

 

- 245fr - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ

ຫົວໜ້າພະແນກກະສິກໍາ ແລະ ປ່າໄມ້ ແຂວງຈໍາປາສັກ ໄດ້ ລາຍງານໃຫ້ຮູ້ວ່າ: ໃນໄລຍະ ຜ່ານມາ,ໄດ້ເອົາໃຈໃສ່ປະຕິ ບັດວຽກງານ 3 ເສົ້າຄໍ້າ ແລະ 4 ແຜນງານໃຫຍ່ ຂອງກະຊວງ ກະສິກໍາ ແລະ ປ່າໄມ້ ວາງອອກ ປະກອບມີ: ແຜນງານຄໍ້າປະ ກັນຄວາມໝັ້ນຄົງທາງດ້ານ ສະບຽງອາຫານ, ແຜນງານ ການ ຜະລິດກະສິກໍາເປັນສິນຄ້າ, ແຜນງານການຄຸ້ມຄອງປ່າໄມ້ ແລະຊັບພະຍາກອນປ່າໄມ້ແບບຍືນຍົງ ແລະ ແຜນງານພັດທະນາ ຊົນນະບົດ ແລະ ລືບລ້າງຄວາມ ທຸກຍາກ. ສຳລັບການຜະລິດ ກະສິກໍາ ເປັນສິນຄ້າໃນທົ່ວແຂວງ ຕາມທ່າແຮງ ແລະ ຈຸດພິເສດ ຂອງແຂວງ ກໍຄືຕາມຊະນິດລາຍ ການທີ່ແຂວງໄດ້ກໍານົດຄື: 6 ສິນຄ້າຕົ້ນຕໍ ແລະ 9 ຊະນິດສິນຄ້າສໍາຮອງ ແມ່ນມີທ່າແຮງ ຂະຫຍາຍຕົວດີຂຶ້ນ ທັງໃນຮູບ ແບບການຜະລິດຂອງຊາວກະສິກອນ ແລະ ການລົງທຶນຂອງ ບໍລິສັດຜູ້ລົງທຶນທັງພາຍໃນ ແລະ ຕ່າງປະເທດ, ຊຶ່ງໃນນີ້ ປະ ຊາຊົນໄດ້ນໍາໃຊ້ແນວພັນ, ນໍາໃຊ້ ກົນຈັກເຕັກນິກໃຫມ່ເຂົ້າໃນການຜະລິດ ແລະ ທັງຜະລິດສິນຄ້າ ທີ່ໄດ້ມາດຖານ ແລະ ມີຕະຫຼາດ ຮອງຮັບ. ຊຶ່ງໃນ 1 ປີ ຜ່ານມາ, ສາມາດສົ່ງອອກຜົນການຜະລິດ ກະສິກໍາ ບັນລຸຫລາຍກວ່າ 265 ລ້ານໂດລາສະຫະລັດ.

ພ້ອມນີ້, ການຜະລິດເພື່ອສະໜອງການ ບໍລິໂພກພາຍໃນ ແຂວງ ທັງພືດ ແລະ ສັດສາມມາດກຸ້ນຕົນເອງ ໄດ້ ແລະ ຍັງສາມາດຜະລິດເພື່ອ ຈໍລະຈອນໃຫ້ບັນດາແຂວງໃກ້ ຄຽງໄດ້ຫຼາຍສົມຄວນ ແລະ ການຜະລິດເຂົ້ານາແຊງປີ 2017, ສາມາດປະຕິບັດໄດ້ 5,360 ເຮັກຕາ, ເທົ່າກັບ 43% ຂອງແຜນປີໃນນີ້ນາ ຈຸດສຸມ 690 ເຮັກຕາ ແລະ ນາທົ່ວໄປ 4.670 ເຮັກຕາ, ເນື້ອທີ່ເກັບກ່ຽວເຂົ້ານາແຊງ 5.360 ເຮັກຕາ, ຜົນຜະລິດ 26 ພັນກວ່າໂຕນ; ການຜະລິດ ເຂົ້ານາປີ, ເນື້ອທີແຜນການ 115.561 ເຮັກຕາປະຕິບັດ ໄດ້ 110.984 ເຮັກຕາ, ທຽບ ໃສ່ແຜນການປະຕິບັດໄດ້ 96% ແລະ ມາຮອດປັດຈຸບັນ ຊາວກະສິກອນສໍາເລັດການ ເກັບກ່ຽວແລ້ວ 100% ແລະ ປູກພືດໄດ້ທັງໝົດ 58.964 ເຮັກຕາ, ຜົນຜະລິດ 1,1 ລ້ານ ກວ່າໂຕນ, ທຽບໃສ່ປີ ຜ່ານມາ ປະຕິບັດໄດ້ 76%.

ໃນໂອກາດດັ່ງກ່າວ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ເນັ້ນ ໃຫ້ການນໍາພະແນກເອົາໃຈ ໃສ່ຂຶ້ນຕື່ມ ຕໍ່ວຽກງານການ ຜະລິດກະສິກໍາເປັນສິນຄ້າ ເປັນຕົ້ນແມ່ນການ ຜະລິດກະສິກໍາສະອາດ ແລະ ກະສິກໍາ ອິນຊີ ໂດຍໃຫ້ເນັ້ນທາງດ້ານຄຸນນະພາບຫຼາຍກວ່າປະລິ ມານ ເພື່ອຮັບປະກັນ ໃຫ້ແກ່ ການຜະລິດ, ສືບຕໍ່ຜະລິດພືດຜັກ ແລະໄມ້ໃຫ້ໝາກ ຊຶ່ງເປັນ ທ່າແຮງພົ້ນເດັ່ນຂອງແຂວງ.

- Wave100S AD to Website 2020 0 - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ

 

- 24899040 808978175929424 2084302857 n - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ

 

- WhatsApp Image 2020 05 27 at 5 - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ
- WhatsApp Image 2020 05 27 at 5 - ຮອງລັດຖະມົນຕີກະຊວງກະສິກຳ ແລະ ປ່າໄມ້ລົງຊຸກຍູ້ການຜະລິດກະສິກຳຢູ່ແຂວງຈຳປາສັກ
error: Alert: ເນື້ອຫາຂ່າວມີລິຂະສິດ !!