ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ

- c1 1374056 171207111032 620x413 - ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ
- Untitled design - ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ

ລັດຖະບານ​ກຳປູ​ເຈຍ​ສະ​ແດງ​ທ່າ​ທີ​ເມີນ​ເສີຍ​ຕໍ່​ການ​ທີ່​ລັດຖະບານ​ວໍ​ຊິງ​ຕັນ​ຢຸດ​ອອກ​ວີ​ຊາ​ເຂົ້າອາ​ເມ​ລິ​ກາ​ໃຫ້​ບຸກຄົນ​ເຊິ່ງມີ​ພຶດຕິ​ກຳ​ຫວັງ​ທຳລາຍ​ປະຊາທິປະ​ໄຕ ​ໂດຍ​ຢືນຢັນ​ຍັງ​ມີ​ອີກ​ຫລາຍ​ປະ​ເທດ​ທີ່​ມີ​ການ​ພົວພັນ​ຕໍ່​ກັນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ປະ​ເທດ​ກຳປູ​ເຈຍ ​ໃນ​ວັນ​ທີ 8 ທັນວາ​ວ່າ: ທ່ານ ສົກ ອີສານ ​ໂຄສົກ​ພັກ​ປະຊາຊົນ​ກຳປູ​ເຈຍ (CPP) ​ເຊິ່ງ​ເປັນ​ພັກ​ລັດຖະບານ​ຂອງ​ທ່ານ ຮຸນ​ເຊ​ນ ຖະ​ແຫລ​ງ​ໃນ​ວັນ​ທີ 7 ທັນວາ​ ກ່ຽວ​ກັບ​ການ​ທີ່​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ບັງຄັບ​ໃຊ້​ມາດ​ຕະການ​ຈຳກັດ​ການ​ເຂົ້າ​ເມືອງ​ສຳລັບ​ຜູ້​ຖື​ສັນ​ຊາດ​ກຳປູ​ເຈຍ ຄົນ​ໃດ​ກໍ​ຕາມ​ທີ່​ມີ​ພຶດຕິ​ກຳ​ເປັນ​ອຸປະສັກ​ຕໍ່​ຂະ​ບວນການ​ປະຊາທິປະ​ໄຕ ວ່າ​ຖ້າ​ຊາວ​ກຳປູ​ເຈຍ​ບໍ່​ສາມາດ​ເດີນທາງ​ເຂົ້າອາ​ເມ​ລິ​ກາ​ໄດ້ ບໍ່​ແມ່ນ​ບັນຫາ ​ແລະ ​ໃນ​ກໍລະນີ​ທີ່​ບໍ່​ສາມາດ​ເຂົ້າຮ່ວມ​ກອງ​ປະຊຸມ ​ເຊິ່ງລັດຖະບານ​ວໍ​ຊິງ​ຕັນ ຫລື ໜ່ວຍ​ງານ​ເອກະ​ຊົນ​ໃນ​ອາ​ເມ​ລິ​ກາ​ຈັດ​ຂຶ້ນ​ໄດ້​ບໍ່​ເປັນ​ຫຍັງ ​ເນື່ອງ​ຈາກ​ຍັງ​ມີ​ກອງ​ປະຊຸມ​ຫລວງຫລາຍ​ໃນ​ອີກ​ຫລາຍ​ປະ​ເທດ​ທີ່​ກຳປູ​ເຈຍ​ສາມາດ​ເຂົ້າຮ່ວມ​ໄດ້.

- Wave100S AD to Website 2020 0 - ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ

ຂະນະ​ທີ່​ກະຊວງ​ປ້ອງ​ກັນ​ປະ​ເທດ​ກຳປູ​ເຈຍ​ອອກ​ຖະ​ແຫລ​ງການ​ວິຈານ​ມາດ​ຕະການ​ດັ່ງກ່າວ​ວ່າ: ສະທ້ອນ​ຈຸດ​ຢືນ​ດ້ານ​ນະ​ໂຍບາຍ​ຕ່າງປະ​ເທດ​ຂອງ​ລັດຖະບານ ທຣຳ ​ໃນ​ເລື່ອງ​ການ​ແຊກ​ແຊງ​ກິດຈະການ​ພາຍ​ໃນ​ຂອງ​ລັດ​ອະທິປະ​ໄຕ. ທັງ​ນີ້ ຖະ​ແຫລ​ງການ​ຂອງ​ກະຊວງ​ການ​ຕ່າງປະ​ເທດ​ອາ​ເມ​ລິ​ກາ​ບໍ່​ໄດ້​ເປີດ​ເຜີຍ​ລາຍ​ຊື່ວ່າ​ເຈົ້າໜ້າ​ທີ່​ຂອງ​ລັດຖະບານ​ພະນົມ​ເປັນ​ຄົນ​ໃດ​ແດ່ ​ເຊິ່ງຈະ​​ໄດ້​ຮັບ​ຜົນ​ກະທົບ​ຈາກ​ມາດ​ຕະການ​ນີ້, ​ແຕ່​ລະບຸ​ວ່າ: ມາດ​ຕະການ​ຢຸດ​ອອກ​ວີ​ຊາ​ຄວບ​ຄຸມ​ສະມາຊິກ​ໃນ​ຄອບຄົວ​ຂອງ​ເຈົ້າໜ້າ​ທີ່​ຄົນ​ນັ້ນ​ເຊັ່ນ​ກັນ.

- WhatsApp Image 2020 05 27 at 5 - ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ
- WhatsApp Image 2020 05 27 at 5 - ລັດຖະບານກຳປູເຈຍບໍ່ສົນ ເຖິງວ່າຖືກອາເມລິກາລະງັບວີຊາ
error: Alert: ເນື້ອຫາຂ່າວມີລິຂະສິດ !!