ໂລມາເຊນໂກ ປ້ອງກັນແຊ້ມໂລກ WBO

- Untitled 1 1 - ໂລມາເຊນໂກ ປ້ອງກັນແຊ້ມໂລກ WBO
- Untitled design - ໂລມາເຊນໂກ ປ້ອງກັນແຊ້ມໂລກ WBO

​     ​ການ​ແຂ່ງຂັນ​ຊົກມວຍ​ຊີງ​ແຊ້ມ​ໂລກ ຮຸ້ນ​ຈູ​ເນຍ ​ໄລ​ເວທຂອງ​ອົງກອນມວຍ​ໂລກ (WBO) ຢູ່​ນິວຢອກ ສະຫະລັດ​ອາ​ເມ​ລິ​ກາ ​ໃນ​ເຊົ້າວັນ​ທີ 10 ທັນວາ ຕາມ​ເວລາ​ຢູ່​ລາວ ​ເປັນ​ການ​ພົບ​ກັນ​ລະຫວ່າງ ວາ​ຊິ​ລ ​ໂລມາ​ເຊ​ນ​ໂກ ​ເຈົ້າຂອງ​ສາຍ​ແອວ​ແຊ້ມຊາວ​ຢູ​ເຄຣນ ກັບ ກິ​ເຢຣ​ໂມ ຣິກອງ​ໂດ ຜູ້​ທ້າ​ຊີງ​ຊາວ​ຄິວ​ບາ ປາກົດ​ວ່າ: ​ເກ​ມຢຸດ​​ເມື່ອ​ຈົບ​ຍົກ 6 ຫລັງ​ຈາກ ຣິກອງ​ໂດ ບາດ​ເຈັບ​ມື​ຊ້າຍ​ຂໍ​ຍອມ​ແພ້. ດິ​ໂນ ດູ​ວາ ​ໂປຣ​ໂມ​ເຕີ​ຂອງ ຣິກອງ​ໂດ ​ເປີດ​ເຜີຍ​ວ່າ: ຣິກອງ​ໂດ ຮູ້ສຶກ​ປວດ​ມາ​ແຕ່​ຍົກ 2 ​ແລະ ປວດ​ຂຶ້ນ​ເລື້ອຍໆ​ໃນ​ຍົກ 3. ​ແພດ​ເຊື່ອ​ວ່າ​ອາດ​ເຖິງ​ຂັ້ນກະດູກ​ມື​ແຕກ ​ແຕ່​ຈະ​ມີ​ການກວດ​ຢ່າງ​ລະອຽດ​ອີກ​ຕໍ່​ໄປ.

​ໂລມາ​ເຊ​ນ​ໂກ ​ເພີ່ມ​ສະຖິຕິ​ເປັນ​ຊະນະ 10 ​ເສຍ 1 (​ເຄ​ໂອ 8) ​ແລະ ​ເປັນ​ການ​ຊະນະ​ແບບ​ບໍ່​ຄົບ​ຍົກ​​ເປັນ​ການຊົກ​ທີ 7 ຕິດ​ຕໍ່​ກັນ, ສ່ວນ ຣິກອງ​ໂດ ອາຍຸ 27 ປີ ອະດີດ​ແຊ້ມ​​ໂອ​ລິ​ມປິກ 2000 ​ແລະ 2004 ​ເສຍ​ເປັນຄັ້ງທຳ​ອິດ​ໃນ​ການ​ຊົກ​ອາຊີບ 18 ​ເກ​ມ  ສຳລັບ​ຄະ​ແນນ 6 ຍົກ ກຳມະການ 2 ຄົນ​ໃຫ້ ​ໂລມາ​ເຊ​ນ​ໂກ ນຳ 59-54 ​ແລະ ອີກ​ຄົນ​ໃຫ້ ​ໂລມາ​ເຊ​ນ​ໂກ ນຳ 60-53.

ສ່ວນ​ການ​ແຂ່ງຂັນ​ຊີງ​ແຊ້ມ​ໂລກ ຮຸ້ນ​ຊູ​ເປີມິດ​ເດິ​ລ​ເວທຂອງ​ສະຫະພັນ​ມວຍ​ສາກົນ (IBF) ຢູ່​ນະຄອນຫລວງ​ລອນ​ດອນ ປະ​ເທດ​ອັງກິດ, ​ເຈ​ມສ໌ ​ເດິ​ເກ​ລ ​ເຈົ້າຂອງ​ແຊ້ມ​ໂລກ​ຊາວ​ອັງກິດ ພິກ​ລັອກ​ເສຍ​ສາຍ​ແອວ​ແຊ້ມ ຫລັງ​ເສຍ​ຄະ​ແນນ​ຕໍ່ ຄາ​ເລັບ ​ເທຣາ ຊາວ​ອາ​ເມ​ລິ​ກາ ດ້ວຍ​ສຽງ​ສ່ວນ​ຫລາຍ 112-116, 112-115 ​ແລະ 114-114 ​ເຊິ່ງກ່ອນ​ແຂ່ງ​ບໍລິສັດ​ຮັບ​ພະນັນ​ຖືກ​ກົດໝາຍ​ບາງ​ສຳນັກ​ໃຫ້ ​ເດິ​ເກ​ລ ​ເປັນ​ຕໍ່​ເຖິງ 1-100 ຫລື ​ແທງ 100 ​ໄດ້ 1 ບໍ່​ລວມທຶນ.

- Wave100S AD to Website 2020 0 - ໂລມາເຊນໂກ ປ້ອງກັນແຊ້ມໂລກ WBO
- WhatsApp Image 2020 05 27 at 5 - ໂລມາເຊນໂກ ປ້ອງກັນແຊ້ມໂລກ WBO
- WhatsApp Image 2020 05 27 at 5 - ໂລມາເຊນໂກ ປ້ອງກັນແຊ້ມໂລກ WBO
error: Alert: ເນື້ອຫາຂ່າວມີລິຂະສິດ !!