ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ

- 1512647466562 960x0 - ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ
- Untitled design - ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ

​ເຈົ້າໜ້າ​ທີ່​ດ້ານ​ສາທາລະນະ​ສຸກ​ຂອງ​ອິນ​ໂດ​ເນ​ເຊຍຈະ​ເລີ່​ມປະຕິບັດ​ການ​ໃນ​ອາທິດ​ນີ້ ​ໃນ​ການ​ສ້າງ​ພູມ​ຄຸ້ມ​ກັນ​ປ້ອງ​ກັນ​ການ​ຕິດ​ເຊື້ອ​ເພື່ອ​ຄວບ​ຄຸມ​ການ​ແຜ່​ລະບາດ​ຂອງ​ພະຍາດ​ຄໍ​ຕີບ ທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 32 ຄົນ.

ກະຊວງ​ສາທາລະນະ​ສຸກ​ ກ່າວ​ວ່າ: ມີ​ລາຍ​ງານ​ພົບ​ຜູ້​ຕິດ​ເຊື້ອຄໍ​ຕີບ 591 ຄົນ ນັບ​ແຕ່​ເດືອນ​ມັງກອນ​ຜ່ານ​ມາ ​ເຊິ່ງ​ເພີ່ມ​ຂຶ້ນ​ 42% ​ເມື່ອທຽບ​ໃສ່​ສະຖິຕິ​ຂອງ​ປີຜ່ານມາ. ພ້ອມ​ກັນນັ້ນ ຍັງ​ໄດ້​​ເອີ້ນ​ການລະບາດ​ຂອງ​ເຊື້ອພະຍາດ​ຄໍ​ຕີບ​ໃນ​ຄັ້ງນີ້​ວ່າ​ເປັນ​ເຫດການ​ພິ​ເສດ ​ເນື່ອງ​ຈາກ​ພົບ​ການ​ຕິດ​ເຊື້ອ​ເພີ່ມ​ຂຶ້ນຢ່າງ​ວ່ອງ​ໄວ ​ເມື່ອ​ທຽບ​ໃສ່​ປີຜ່ານມາ ​ແລະ ປັດຈຸບັນ​ເຈົ້າໜ້າ​ທີ່​ກຳລັງ​ກຽມ​ຄວາມ​ພ້ອມ​ໃນ​ການ​ປະຕິບັດ​ການ​ສ້າງ​ພູມ​ຄຸ້ມ​ກັນ. ​ໃນ​ປີຜ່ານມາ, ກະຊວງ​ສາທາລະນະ​ສຸກ​ອິນ​ໂດ​ເນ​ເຊຍ​ບັນທຶກ​ໄວ້​ວ່າ: ມີ​ຜູ້​ຕິດ​ເຊື້ອ 415 ຄົນ ​ແລະ ມີ​ຜູ້​ເສຍ​ຊີວິດ 24 ຄົນ. ການລະບາດ​ຢູ່​ອິນ​ໂດ​ເນ​ເຊຍ​ເກີດ​ຂຶ້ນດ້ວຍ​ສາ​ເຫດ​ຫລາຍ​ປັດ​ໄຈ ​ເຊິ່ງລວມທັງ​ການ​ທີ່​ປະຊາຊົນ​ບໍ່​ຍອມ​ສັກ​ວັກ​ແຊງ​ປ້ອງ​ກັນ​ພະຍາດຄໍຕີບ ​ແລະ ບາງ​ສ່ວນ​ບໍ່​ສາມາດ​ເຂົ້າ​ເຖິງ​ບໍລິການ​ດ້ານສຸຂະພາບ​ໄດ້. ການ​ສ້າງ​ພູມ​ຄຸ້ມ​ກັນ​ເປັນ​ວິທີ​ປ້ອງ​ກັນ​ພະຍາດ​ທີ່​ດີ​ທີ່​ສຸດ ​ແລະ ທາງ​ການ​ອິນ​ໂດ​ເນ​ເຊຍ​ຈະ​ຈັດການ​ສັກ​ວັກ​ແຊງ​ຢູ່​ນະຄອນຫລວງ​ຈາ​ກາ​ຕາ ​ແລະ ​ແຂວງ​ໃກ້​ຄຽງ​ອີກ 2 ​ແຫ່ງ​ທີ່​ມີ​ລາຍ​ງານ​ຈຳນວນ​ຜູ້​ຕິດ​ເຊື້ອ​ໃໝ່​ຫລາຍ​ທີ່​ສຸດ ​ແລະ ຫລັງ​ປີ​ໃໝ່​ແລ້ວ ຈະ​ເລີ່​ມ​ໃຫ້​ບໍລິການ​ສັກ​ວັກ​ແຊງ​ໃນ​ພາກພື້ນອື່ນໆ.

- Wave100S AD to Website 2020 0 - ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ
- WhatsApp Image 2020 05 27 at 5 - ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ
- WhatsApp Image 2020 05 27 at 5 - ອິນໂດເນເຊຍເລັ່ງຄວບຄຸມການ ລະບາດຂອງພະຍາດຄໍຕີບທີ່ເຮັດ ໃຫ້ມີຜູ້ເສຍຊີວິດແລ້ວ 32 ຄົນ
error: Alert: ເນື້ອຫາຂ່າວມີລິຂະສິດ !!