ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ

- 20 - ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ
- Untitled design - ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ

ທ່ານ ຄຳພູນ ຕຸໄພທູນ ຮອງ ເຈົ້າແຂວງສະຫວັນນະເຂດ ພ້ອມ ພະແນກກະສິກຳ ແລະ ປ່າໄມ້, ໂຍທາທິການ ແລະ ຂົນສົ່ງ, ຫ້ອງວ່າການປົກຄອງແຂວງ ແລະ ພະແນກສຶກສາທິການ ແລະ ກິລາແຂວງໄດ້ລົງຊີ້ນຳວຽກງານ ວັດທະນະທຳ-ສັງຄົມຢູ່ເມືອງ ອາດສະພອນ ໃນວັນທີ 5 ທັນວາ ນີ້ ແລະ ໄດ້ພົບປະໂອ້ລົມອຳນາດ ການປົກຄອງ ແລະ ປະຊາຊົນ ໃນເຂດເທສະບານ ເມືອງ ແລະ ເຂດ 11 ບ້ານຈຸດສຸມນາເລົ່າມີ: ບ້ານ ບຶງພະເໝາະ, ຈອມຮາດ, ບ້ານ ວຽງ, ຫົວງົວຄຳ, ດົງຂັນ ຄຳ, ນາຂາມ, ນາເລົ່າ, ນາກະ ປົງ, ຫ້ວຍເດື່ອ, ສິ່ງສະຫວ່າງ ແລະ ບ້ານນາທົ່ມ ເຂົ້າຮ່ວມ.

 

+ ເຈົ້າແຂວງຫລວງພະບາງລົງຊີ້ນຳວຽກງານພັດທະນາຢູ່ເມືອງປາກແຊງ

+ ຮອງນາຍົກ ເຄື່ອນໄຫວຊີ້ນໍາວຽກງານເກັບລາຍຮັບ ຢູ່ແຂວງຈໍາປາສັກ ແລະ ແຂວງສະຫວັນນະເຂດ

- Wave100S AD to Website 2020 0 - ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ

ໃນໂອກາດນີ້, ທ່ານ ເຈົ້າ ເມືອງໄດ້ລາຍງານໃຫ້ຊາບວ່າ: ຜ່ານມາອຳນາດການປົກຄອງຂັ້ນຕ່າງໆໄດ້ສຸມຄວາມ ພະຍາຍາມ ແກ້ໄຂຄວາມທຸກຍາກຂອງປະຊາຊົນໂດຍ ໄດ້ຊຸກຍູ້ ແລະ ສົ່ງເສີມການຜະລິດເປັນສິນຄ້າເທື່ອລະກ້າວ ຊ່ວຍໃຫ້ປະຊາຊົນມີລາຍຮັບ, ໂດດເດັ່ນກໍແມ່ນສາມາດຜະລິດເຂົ້າໄດ້ກຸ້ມກິນ ແລະ ສາມາດຂຸດຄົ້ນລາຍຮັບໄດ້ແລ້ວ 2 ຕື້ກວ່າລ້ານກີບ ເທົ່າກັບ 67,88% ຂອງແຜນ ແລະ ມາຮອດປັດຈຸບັນປະຊາຊົນໄດ້ ຊົມໃຊ້ໄຟຟ້າແລ້ວ 84,84%, ລະບົບເສັ້ນທາງຄົມມະນາຄົມ ລະຫວ່າງ ບ້ານຕໍ່ບ້ານກໍໄດ້ຮັບ ການກໍ່ສ້າງສ້ອມແປງ ເຮັດໃຫ້ ການໄປມາລະຫວ່າງຕົວເມືອງ ກັບຊົນນະບົດໄດ້ສະດວກສະບາຍຂຶ້ນ.

ໃນໂອກາດນີ້, ທ່ານຮອງ ເຈົ້າແຂວງໄດ້ແນະນຳວ່າ: ເມືອງອາດສະພອນເປັນເມືອງໜຶ່ງທີ່ມີເງື່ອນໄຂ ແລະ ທ່າແຮງ ບົ່ມຊ້ອນມີຄວາມອຸດົມສົມບູນ ທາງທຳມະຊາດເປັນເງື່ອນໄຂ ໃນການພັດທະນາກະສິກຳກໍຄື ວຽກງານທ່ອງທ່ຽວປະກອບ ສ່ວນເຂົ້າໃນການພັດທະນາເສດ ຖະກິດ-ສັງຄົມ,ດັ່ງນັ້ນຕ້ອງຮູ້ ກຳນົດເປັນແຜນ, ເປັນໂຄງການຈັດຕັ້ງປະຕິບັດໃຫ້ຖືກ ຕ້ອງຕາມ ເປົ້າໝາຍທີ່ວາງໄວ້ໃຫ້ເສດຖະ ກິດ-ສັງຄົມຂອງເມືອງມີການ ພັດທະນາໄວກວ່າປີທີ່ຜ່ານມາ. ຈາກນີ້ກໍໃຫ້ເອົາໃຈໃສ່ຕໍ່ການຈັດຕັ້ງປະຕິບັດວຽກງານ ກໍ່ສ້າງຮາກຖານຕາມ ທິດ 3 ສ້າງ, ໂດຍປະຕິບັດ 4 ເນື້ອໃນ 4 ຄາດ ໝາຍຢູ່ຂັ້ນຮາກຖານໃຫ້ມີ ຄວາມໜັກແໜ້ນປັບປຸງພາລະ ບົດບາດ ແລະ ກົງຈັກການຈັດຕັ້ງຂັ້ນຮາກຖານໃຫ້ມີຄວາມ ເຂັ້ມແຂງເຊັ່ນ ວຽກ ປກຊ, ປກສ ແລະ ເອົາໃຈໃສ່ປັບປຸງການ ຮຽນ-ການສອນໃຫ້ມີຄຸນນະ ພາບເພື່ອພັດທະນາລູກຫລານ ໄວໜຸ່ມໃຫ້ມີຄວາມຮູ້ຄວາມສາ ມາດມີຄຸນສົມບັດ ສິນທຳປະຕິວັດ ຈຶ່ງຈະສາ ມາດແກ້ໄຂບັນດາປະ ກົດການຫຍໍ້ທໍ້ຕ່າງໆໃນສັງ ຄົມ,ນັບແຕ່ບັນຫາຢາເສບຕິດ, ຂີ້ລັກ, ງັດແງະ ແລະ ບັນຫາອຸ ປະຕິເຫດໃຫ້ຫລຸດໜ້ອຍຖອຍ ລົງ, ພ້ອມນີ້ ທ່ານ ຮອງເຈົ້າ ແຂວງ ກໍໄດ້ເນັ້ນໃຫ້ອຳນາດການ ປົກຄອງແຕ່ລະຂັ້ນໄດ້ເພີ່ມທະວີຄວາມສັກສິດໃນການຄຸ້ມຄອງ ລັດດ້ວຍລະບຽບກົດໝາຍເພີ່ມ ທະວີການຊີ້ນຳໆພາໃຫ້ມີຄວາມ ໜັກແໜ້ນ ສ້າງຄວາມ ສາມັກຄີ ເປັນປຶກແຜນຮັບປະກັນໃຫ້ປະ ຊາຊົນໄດ້ທຳມາຫາກິນຢ່າງອີ່ມໜຳສຳລານ.

- WhatsApp Image 2020 05 27 at 5 - ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ
- WhatsApp Image 2020 05 27 at 5 - ຮອງເຈົ້າແຂວງສະຫວັນນະເຂດລົງຊີ້ນຳວຽກງານຢູ່ ເມືອງອາດສະພອນ
error: Alert: ເນື້ອຫາຂ່າວມີລິຂະສິດ !!