ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ

- 14717248 873037396130225 2085073755489902086 n - ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ
- Untitled design - ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ

ພາຍຫລັງມີຜູ້ປົກຄອງຈໍານວນບໍ່ໜ້ອຍໄດ້ສະເໜີຜ່ານໂທລະສັບສາຍດ່ວນ 1520 ຂອງກະຊວງສຶກສາທິການ ແລະ ກິລາ ກ່ຽວກັບກໍລະນີເກັບຄ່າຮຽນແພງຂອງໂຮງຮຽນ​ລ້ຽງ​ເດັກ-ຢູ່​ບ້ານ​ໜອງ​ພະຍາ​ເມືອງ​ໄຊ​ທານີ ແລະ ອີກຫລາຍແຫ່ງ, ລວມເຖິງ​ການ​ຂາຍ​ອາຫານ​ໃນ​ໂຮງຮຽນແມ່ນບໍ່ມີປະໂຫຍດ​ຕໍ່​ໂພຊະ​ນາ​ການຂອງ​ເດັກ.

ຕໍ່ບັນຫາດັ່ງກ່າວ, ກະຊວງ ສສກ ຊີ້ແຈງວ່າ: ພາຍຫລັງໄດ້ລົງກວດກາເຫັນວ່າ: ການ​ເກັບ​ຄ່າ​ຮຽນ​ຂອງ​ໂຮງຮຽນວົງ​ແສງ​ເດືອນແມ່ນມີ 2 ລະດັບຄື:​ ລ້ຽງ​ເດັກ​ແຕ່​ອາຍຸ 3 ​ເດືອນ​ຫາ 3 ປີ​ແມ່ນ​ 5 ແສນກີບ​ຕໍ່​ເດືອນ, ໃນນັ້ນລວມ​ມີຄ່າ​ຮຽນ, ຄ່າ​ດູ​ແລ​ເດັກ, ຄ່າ​ອາຫານ​ສວາຍ, ອາຫານ​ຫວ່າງ ແລະ ຄ່າ​ບໍລິການ​ອື່ນໆ ​ແລະ ຂັ້ນອະນຸບານ​ແຕ່​ອາຍຸ 3-6 ປີ​ແມ່ນ​ເກັບ 350.000 ກີບ​ຕໍ່​ເດືອນ, ຊຶ່ງລວມມີຄ່າ​ຮຽນ ແລະ ​ບໍລິການ​ອື່ນໆ, ຊຶ່ງ​ແຕ່ລະຫ້ອງ​ຮຽນ​ແມ່ນ​​ມີ​ໂທລະພາບໜ່ວຍ, ພັດ​ລົມ ​ແລະ ​ແອ ແລະ ໂຮງຮຽນເອກກະຊົນແຫ່ງອື່ນກໍຈະມີ ມາດຕະຖານບໍລິການທີ່ຄ້າຍຄືກັນ, ຈຶ່ງເຮັດໃຫ້ຕ້ອງໄດ້ເກັບຄ່າຮຽນສູງຄືດັ່ງກ່າວ. ສ່ວນກໍລະນີ​ໂຮງຮຽນຫລາຍແຫ່ງຂາຍອາຫານທີ່ບໍ່ມີຄຸນປະໂຫຍດດ້ານໂພສະນາການຂອງເດັກນັ້ນ ກະຊວງ ສສກ ​ຍັງ​ບໍ່​ທັນ​ມີ​ລະບຽບ​ຫລັກການ​ກຳນົດ​ລະອຽດກ່ຽວກັບການ​ຂາຍ​ອາຫານ​ຢູ່​ໃນ​ໂຮງຮຽນ, ເຊິ່ງຈະໄດ້ປຶກສາຫາລື ເພື່ອກໍານົດເປັນລະບຽບຫລັກການສະເພາະ ເພື່ອຮັບປະກັນໃຫ້ເດັກໄດ້ຮັບອາຫານທີ່ມີຄຸນປະໂຫຍດຕໍ່ພັດທະນາການຂອງເດັກ ແລະ ມີຄວາມປອດໄພຕໍ່ສຸຂະພາບ. ສ່ວນການ​ຫ້າມ​ບໍ່​ໃຫ້​ນັກຮຽນ​ອອກ​ນອກ​ບໍລິ​ເວນ​ໂຮງຮຽນ​ເພື່ອ​ຊື້ອາຫານຢູ່ນອກໂຮງຮຽນນັ້ນ, ບໍ່​​ສະ​ເພາະ​ແຕ່​ໂຮງຮຽນ​ເອກະ​ຊົນ, ​ໂຮງຮຽນ​​ລັດ​ກໍຫ້າມ​ເຊັ່ນ​ດຽວກັນ, ການຫ້າມດັ່ງກ່າວກໍເພື່ອຄວາມ​ປອດ​ໄພ​ຂອງ​ນັກຮຽນ ​ແລະ ​ຄວາມ​ເປັນ​ລະບຽບ​ຮຽບຮ້ອຍຂອງສະຖາບັນການສຶກສາ, ຍ້ອນວ່າຜ່ານມາເຄີຍ​ມີ​ຫລາຍ​ບັນຫາ​ບໍ່ດີ​ເກີດ​ຂຶ້ນຈາກການປະປ່ອຍໃຫ້ນັກຮຽນສາມາດອອກໄປທາງນອກໄດ້ ເປັນຕົ້ນ: ​ນັກຮຽນ​ສວຍໂອກາດ​ອອກ​ໄປທ່ຽວ​​ຫລິ້ນໂລເລ, ໄປຂີ່​ລົດ​ແຂ່ງ​ກັນ, ສ້າງ​ກຸ່ມ​ແກ້ງ​ຕີ​ກັນ ​ແລະ ອື່ນໆ.

- Wave100S AD to Website 2020 0 - ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ
- WhatsApp Image 2020 05 27 at 5 - ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ
- WhatsApp Image 2020 05 27 at 5 - ກະຊວງສຶກສາຊີ້​ແຈງກໍລະນີເກັບ​ຄ່າ​ຮຽນ​ແພງ​ຂອງ​ໂຮງຮຽນ​ເອກະ​ຊົນບາງແຫ່ງ
error: Alert: ເນື້ອຫາຂ່າວມີລິຂະສິດ !!