ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

- advert banner 728 90 728x90 - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

ທ່ານ ​ເບ​ນຈາ​ມິນ ​ເນ​ຕັນ​ຢາ​ຮູ ນາຍົກລັດຖະມົນຕີອິດສະລາ​ແອນ ກ່າວ​ຮຽກຮ້ອງ​ໃຫ້​ຊາວ​ປາ​ແລັສຕິນ “ຍອມຮັບ​ຄວາມ​ຈິງ” ທີ່​ວ່າ​ນະຄອນ​ເຢລູຊາ​ເລ​ມຄື​ເມືອງ​ຫລວງ​ຂອງ​ຊາວ​ອິດສະ​ລາ​ແອນ ​ເພື່ອ​ໃຫ້​ທັງ​ສອງ​ຝ່າຍ​ສາມາດ​ເດີນ​ໜ້າ​ໄປ​ສູ່​ສັນຕິພາບ​ໄດ້.

- lattana 1 - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

- 99152295 netanyahumacronreuters - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

ທ່ານ ​ເນ​ຕັນ​ຢາ​ຮູ ກ່າວພາຍຫລັງ​ພົບ​ປະ​ຫາລື​ກັບ​ປະທານາທິບໍດີ ​ເອັມມາ​ນູ​ເອລ ມາຄຣົງ ຂອງຝຣັ່ງ ຢູ່​ນະຄອນຫລວງ​ປາຣີ. ທັງ​ຍັງ​ເນັ້ນວ່າ: “​ເຢລູຊາ​ເລ​ມ​ເປັນ​ນະຄອນຫລວງ​ຂອງ​ອິດສະ​ລາ​ແອນ​ມາ​ເຖິງ 3.000 ປີ ​ແລະ ບໍ່​ເຄີຍ​ເປັນ​ເມືອງ​ຫລວງ​ຂອງ​ຊົນ​ຊາດ​ອື່ນ​ໃດ, ຄວາມ​ພະຍາຍາມ​ປະຕິ​ເສດ​ສາຍສຳພັນ​ເກົ່າ​ແກ່​ຫລາຍ​ສະຫັດ​ສະ​ວັດ​ລະຫວ່າງ​ຊາວ​ຢິວກັບ​ເຢລູຊາ​ເລ​ມ​ເປັນ​ເລື່ອງ​ທີ່​ໄຮ້​ເຫດຜົນ”.

“ຍິ່ງ​ຊາວ​ປາ​ແລັສຕິນຍອມຮັບ​ຄວາມ​ຈິງ​ນີ້​ໄດ້​ໄວ​​ເທົ່າ​ໃດ ກໍ​ຍິ່ງ​ເຮັດ​ໃຫ້​​ເດີນ​ໜ້າ​ໄປ​ສູ່​ສັນຕິພາບ​ໄດ້​ໄວ​ເທົ່າ​ນັ້ນ” ທ່ານ ​ເນ​ຕັນ​ຢາ​ຮູ ກ່າວ.

- 3811 - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

ດ້ານ​ໂຄສົກ​ຂອງ​ຮອງ​ປະທານາທິບໍດີ ​ໄມ ​ເພນ ຂອງ​ອາ​ເມ​ລິ​ກາ ອອກ​ມາ​ຖະ​ແຫລ​ງສະ​ແດງ​ຄວາມ​ຜິດ​ຫວັງ​ທີ່​ປະທານາທິບໍດີ ມາ​ມຸດ ອັບ​ບາດ ຂອງ​ປາ​ແລັສຕິນ ຈະ​ບໍ່​ພົບ​ປະ​ຫາລື​ກັບ​ທ່ານ ​ເພນ ລະຫວ່າງ​ການ​ຢ້ຽມຢາມ​ຕາ​ເວັນ​ອອກ​ກາງຂອງ​ທ່ານ​ໃນ​ເດືອນ​ນີ້ ​ເພື່ອ​ປະ​ທ້ວງ​ການ​ຕັດສິນ​ໃຈ​ຂອງ​ຜູ້ນຳ​ອາ​ເມ​ລິ​ກາ ທີ່​ຮັບຮອງ​ເຢລູຊາ​ເລ​ມ​ເປັນ​ເມືອງ​ຫລວງ​ຂອງ​ອິດສະ​ລາ​ແອນ. ນອກຈາກ​ນີ້ ບັນດາ​ຜູ້ນຳ​ທາງ​ສາສະໜາ​ຂອງ​ຊາວ​ຄຣິສ ​ແລະ ມຸດ​ສະ​ລິ​ມຢູ່​ເອຢິບ ​ໄດ້​ຍົກ​ເລີກ​ການ​ພົບ​ປະ​ຫາລື​ກັບ​ທ່ານ ​ເພນ ​ເຊັ່ນ​ກັນ.

- 1 1 - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

​ເຫດ​ຊຸມນຸມ​ປະ​ທ້ວງຕໍ່ຕ້ານ​ການ​ຮັບຮອງ​ນະຄອນ​ເຢລູຊາ​ເລ​ມຂອງ​ອາ​ເມ​ລິ​ກາ ຂະ​ຫຍາ​ຍວົງ​ກວ້າງ​ອອກ​ໄປ​ຢ່າງ​ວ່ອງ​ໄວ​ໃນ​ໂລກ​ມຸດ​ສະ​ລິ​ມ ​ໂດຍ​ຍັງ​ມີ​ຄົນ​ຈຳນວນ​ຫລາຍ​ອອກ​ມາ​ຮ່ວມ​ຊຸມນຸມ​ໜ້າ​ສະຖານທູດ​ອາ​ເມ​ລິ​ກາ ​ໃນ​ເຂດ​ເມືອງ​ຫລວງ​ຂອງ​ເອຢິບ, ​ໂມຣອກ​ໂກ, ລີ​ບັງ, ຕວກກີ ​ແລະ ອິນ​ໂດ​ເນ​ເຊຍ.

- 99152297 istanbulreuters - ຜູ້ນຳອິດສະລາແອນຊີ້ເຢລູຊາເລມ ເປັນຂອງອິດສະລາແອນເທົ່ານັ້ນ

ສ່ວນ​ຢູ່​ນະຄອນ​ເຢລູຊາ​ເລ​ມນັ້ນ ມີ​ຊາວ​ປາ​ແລັສຕິນຜູ້​ໜຶ່ງ​ຖື​ກຈັບ​ກຸມ ຫລັງ​ໃຊ້​ມີດ​ແທງ​ເຈົ້າໜ້າ​ທີ່​ຮັກສາ​ຄວາມ​ປອດ​ໄພ​ຊາວ​ອິດສະ​ລາ​ແອນ​ທີ່​ສະຖານີ​ລົດ​ໂດຍສານ​ກາງ ​ໃນ​ເຂດ​ເວສ​ແບ​ງ ​ແລະ ສະ​ນວນ​ກາ​ຊາ​ຍັງ​ມີ​ການ​ປະ​ທະ​ກັນ​ລະຫວ່າງ​ກອງ​ກຳລັງ​ອິດສະ​ລາ​ແອນ ​ແລະ ຜູ້​ປະ​ທ້ວງ​ຊາວ​ປາ​ແລັສຕິນ ​ໂດຍ​ກອງ​ກຳລັງ​ອິດສະ​ລາ​ແອນ​​ແຈ້ງວ່າ​ໄດ້​ລະ​ເບີດ​ທຳລາຍ​ອຸ​ໂມງ​ໃຕ້​ດິນ​ແຫ່ງ​ໜຶ່ງ​ທີ່​ເຊື່ອມ​ຕໍ່​ກັບ​ສະ​ນວນ​ກາຊາ ​ເພື່ອ​ປ້ອງ​ກັນ​ກຸ່ມ​ຕິດ​ອາວຸດ​ລັກລອບ​ເຂົ້າມາ​ໂຈມ​ຕີ.