ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ

- 1512979247863 960x0 - ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ
- Untitled design - ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ

ອິນ​ໂດ​ເນ​ເຊຍ​ເລັ່ງສັກ​ວັກ​ແຊງ​ປ້ອງ​ກັນ​ພະຍາດຄໍຕີບ​ລະບາດ​ໃຫ້​ເດັກ ​ແລະ ​ໄວ​ລຸ້ນຫລາຍ​ລ້ານ​ຄົນ, ພາຍຫລັງ​ມີ​ຜູ້​ເສຍ​ຊີວິດ​ແລ້ວ​ຫລາຍ​ສິບ​ຄົນ.

ປີ​ນີ້​ອິນ​ໂດ​ເນ​ເຊຍ​ພົບ​ຜູ້​ປ່ວຍ​ພະຍາດຄໍຕີບ​ແລ້ວ​ເກືອບ 600 ຄົນ​ໃນ 95 ທ້ອງ​ຖິ່ນ 20 ​ແຂວງ​ຈາກ​ທັງ​ໝົດ 34 ​ແຂວງ​ທົ່ວ​ປະ​ເທດ, ​ເສຍ​ຊີວິດ​ແລ້ວ 32 ຄົນ, ພາຍຫລັງ​ພົບ​ຜູ້​ປ່ວຍ​ພະຍາດຄໍຕີບ​ຫລາຍ​ເປັນອັນ​ດັບ​ສອງ​ຂອງ​ໂລກ ຮອງ​ຈາກ​ອິນ​ເດຍ​ໃນ​​ໄລຍະ​ປີ 2011-2015, ​ເຈົ້າໜ້າ​ທີ່​ຈະ​ເລີ່​ມສັກ​ວັກ​ແຊງ​ໃຫ້​​ເດັກ ​ແລະ ​ໄວ​ລຸ້ນທັງ​ໝົດ 8 ລ້ານ​ຄົນ ​ໂດຍ​ຈະ​ເລີ່​ມສັກ​ໃນ 3 ​ແຂວງ​ທີ່​ມີ​ປະຊາກອນ​ໜາ​ແໜ້ນ​ທີ່​ສຸດ ລວມທັງ​ນະຄອນຫລວງ​ຈາ​ກາ​ຕາ. ຈາກ​ນັ້ນຈະ​ທະຍອຍ​ສັກ​ໄປ​ຈົນ​ຄົບ​ຕາມ​ເປົ້າໝາຍ. ພະຍາດຄໍຕີບ​ເກີດ​ຈາກ​ການ​ຕິດ​ເຊື້ອ​ແບກ​ທີ​ເຣຍ ​ເຮັດ​ໃຫ້​ມີ​ອາການ​ຫາຍ​ໃຈ​ລຳບາກ, ຫົວ​ໃຈ​ລົ້ມ​ເຫ​ລວ, ​ເປັນ​ອຳມະພາດ ​ແລະ ​ເສຍ​ຊີວິດ​ໄດ້​ຖ້າ​ບໍ່​ໄດ້​ຮັບ​ການ​ປິ່ນປົວ.

ກະຊວງ​ສາທາລະນະ​ສຸກ​ອິນ​ໂດ​ເນ​ເຊຍ​ລະບຸ​ວ່າ: ສາ​ເຫດ​ທີ່​ເກີດ​ການລະບາດ​ເປັນ​ເພາະ​ປະຊາຊົນ​ບໍ່​ເນັ້ນໜັກ​ເຖິງ​ອັນຕະລາຍ​ຂອງ​ພະຍາດ​ນີ້, ພາຍຫລັງ​ພົບ​ຜູ້​ປ່ວຍ​ໜ້ອຍ​ລົງ ອີກ​ທັງ​ຍັງ​ມີ​ກະ​ແສ​ຕໍ່ຕ້ານ​ການ​ສັກ​ວັກ​ແຊງ​ໃຫ້​ເດັກ. ທາງ​ການ​ຫວັງ​ວ່າ​ຈະ​ສາມາດ​ຢັບຢັ້ງການລະບາດ​ໄດ້​ກ່ອນ​ທີ່​ອິນ​ໂດ​ເນ​ເຊຍ​ຈະ​ເປັນ​ເຈົ້າພາບ​ອາຊີ​ເກ​ມ 2018 ຢູ່​ນະຄອນຫລວງ​ຈາ​ກາ​ຕາ ​ແລະ ​ເມືອງ​ປາ​ເລັມ​ບັງ ​ໃນ​ເດືອນ​ສິງຫາ​ປີໜ້າ.

- Wave100S AD to Website 2020 0 - ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ
- WhatsApp Image 2020 05 27 at 5 - ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ
- WhatsApp Image 2020 05 27 at 5 - ອິນໂດເນເຊຍເລັ່ງສັກວັກແຊງ ປ້ອງກັນພະຍາດຄໍຕີບລະບາດໃນເດັກ
error: Alert: ເນື້ອຫາຂ່າວມີລິຂະສິດ !!