ໄຟໄໝ້ເຈດີບູຮານຈີນເຫລືອແຕ່ຊາກ ລະຫວ່າງສ້ອມແປງຫລັງແຜ່ນດິນໄຫວໃຫຍ່

- dhphokd - ໄຟໄໝ້ເຈດີບູຮານຈີນເຫລືອແຕ່ຊາກ ລະຫວ່າງສ້ອມແປງຫລັງແຜ່ນດິນໄຫວໃຫຍ່
- 174233 - ໄຟໄໝ້ເຈດີບູຮານຈີນເຫລືອແຕ່ຊາກ ລະຫວ່າງສ້ອມແປງຫລັງແຜ່ນດິນໄຫວໃຫຍ່

​ເກີດ​​ເຫດ​ໄຟ​ໄໝ້​ເຈດີ​ບູຮານ​ສະ​ໄໝ​ຄຣິສສະຕະວັດ​ທີ 16 ​ໃນ​ມົນທົນ​ເສ​ສວນ ທາງ​ຕາ​ເວັນ​ຕົກ​ສຽງ​ໃຕ້ຂອງ​ຈີນ​ເຫລືອ​ແຕ່​ຊາກ. ​ເຫດ​ເກີດ​ລະຫວ່າງ​ການ​ສ້ອມ​ແປງ​ເຈດີ​ທີ່​ເສຍ​ຫາຍ​ໜັກ​ຈາກ​ແຜ່ນດິນ​ໄຫວ​ໃຫຍ່​ປີ 2008.

ສະຖານີ​ໂທລະພາບ CCTV ຂອງ​ຈີນ​ແຜ່​ພາບ​ເຈດີ​ສູງ 15 ຊັ້ນທີ່​ຖືກ​ໄຟ​ໄໝ້​ພາຍ​ໃນ​ວັດ​ຈິ​ວຫລົງ ​ເມືອງ​ໝຽນຈູ ​ເສດ​ຊາກ​ເຈດີ​ທີ່​ມີ​ທັງ​ໄມ້ ​ແລະ ກ້ອນ​ຫີນ​ຕົກລົງ​ມາ, ​ເຫດ​ໄຟ​ໄໝ້​​ເລີ່​ມຈາກ​​ໂຖງ​ໃຫຍ່​ຂອງ​ເຈດີ​ເມື່ອ​ເວລາ 12:40 ​ໂມງ ວັນ​ທີ 10 ທັນວາ ຕາມ​ເວລາ​ທ້ອງ​ຖິ່ນ ກົງ​ກັບ​ເວລາ 11:40 ​ວັນ​ທີ 10 ທັນວາ​ ຕາມ​ເວລາ​ຢູ່​ລາວ, ຈາກ​ນັ້ນລາມ​ໄປ​ອາຄານ​ໃກ້​ຄຽງ 2 ຫລັງ​ເພາະ​ລົມ​ແຮງ ຈົນ​ເຈົ້າໜ້າ​ທີ່​ສາມາດ​ມອດ​ໄຟ​ໄດ້​ເມື່ອ​ເວລາ 16:30 ​ໂມງ ບໍ່​ມີ​ຜູ້​ບາດ​ເຈັບ ຫລື ​ເສຍ​ຊີວິດ. ປັດຈຸບັນ​ຕຳຫລວດ​ກຳລັງ​ສອບ​ສວນ​ຫາ​ສາ​ເຫດ​ຢູ່.

- Wave100S AD to Website 2020 0 - ໄຟໄໝ້ເຈດີບູຮານຈີນເຫລືອແຕ່ຊາກ ລະຫວ່າງສ້ອມແປງຫລັງແຜ່ນດິນໄຫວໃຫຍ່

​ເຈດີ​ແຫ່ງ​ນີ້​ສ້າງ​ຂຶ້ນນັບ​ແຕ່​ຄຣິສສະຕະວັດ​ທີ 16 ​ເກີດ​ຄວາມ​ເສຍ​ຫາຍ​ໜັກ​ຈາກ​ແຜ່ນດິນ​ໄຫວ​ໃຫຍ່​ຂະໜາດ 8 ​ໃນ​ມົນທົນ​ເສ​ສວນ ​ໃນ​ວັນ​ທີ 12 ພຶດສະພາ 2008 ຂ້າ​ຊີວິດ​ຄົນ​ໄປ​ເກືອບ 90.000 ຄົນ, ບາດ​ເຈັບ​ອີກ​ກວ່າ 370.000 ຄົນ, ທາງ​ການ​ເລີ່​ມການ​ບູລະນະ​ສ້ອມ​ແປງ​ແຕ່​ປີ 2010 ​ໂດຍ​ຍັງ​ບໍ່​ສຳ​ເລັດ ​ແລະ ​ເກີດ​ໄຟ​ໄໝ້​ເຫລືອ​ແຕ່​ຊາກ​ກ່ອນ.

- WhatsApp Image 2020 05 27 at 5 - ໄຟໄໝ້ເຈດີບູຮານຈີນເຫລືອແຕ່ຊາກ ລະຫວ່າງສ້ອມແປງຫລັງແຜ່ນດິນໄຫວໃຫຍ່
error: Alert: Content is protected !!