ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017

- woment - ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017
- Untitled design - ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017

​    ໃນ​ວັນ​ທີ 11-12 ທັນວາ 2017 ນີ້ ທີ່ຫ້ອງ​ປະຊຸມ ຄະນະເລຂາທິການສະພາແຫ່ງຊາດ ຫລັກ 6 ​ໄດ້​ເປີ​ດກອງ​ປະຊຸມຄົບຄະນະ ຂອງ ສະມາ​ຊິກສະພາ​ແຫ່ງ​ຊາດ (ສສຊ) ​ເພດ​ຍິງ  ປະຈໍາປີ 2017 ຂຶ້ນພາຍ​ໃຕ້ການ​ເປັນ​ປະທານ ​ຂອງ ​ທ່ານ​ ນາງ ທັດ​ສະ​ດາ​ພອນ ​ແສງ​ສຸລິຍາ ປະທານ​ຄະນະ​ສະມາຊິກ​ສະພາ​ແຫ່ງ​ຊາດ​ເພດ​ຍິງ ສະພາ​ແຫ່ງ​ຊາດ ຊຸດ​ທີ VIII ​ມີທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ, ທ່າ​ນ ນາງ ອິນ​ລາ​ວັນ ​ແກ້ວ​ບຸ​ນພັນ ປະທານ​ສູນ​ກາງ ສະຫະພັນ​ແມ່ຍິງ​ລາວ​ ​ແລະ ບັນດາ​ ສສຊ ​ເພດ​ຍິງ​ເຂົ້າຮ່ວມຢ່າງ​ພ້ອມພຽງ.

​​ ທ່ານ ນາງ ທັດ​ສະ​ດາ​ພອນ ​ແສງ​ສຸ​ລິ​ຍາ ​ໃຫ້​ຮູ້​ວ່າ: ກອງ​ປະຊຸມ​ຄັ້ງ​ນີ້ ເປັນ​ການ​ກວດກາ​ຄືນ​ ການຈັດ​ຕັ້ງ​ປະຕິບັດ​ພາລະ​ບົດບາດ, ສິດ ​ແລະ ໜ້າທີ່​ຂອງ​ຕົນ​​ ໃນ​ໄລຍະຜ່ານ​ມາ ​ເວົ້າ​ລວມ, ​ເວົ້າ​ສະ​ເພາະ​ ແມ່ນທິດ​ທາງ​ແຜນການ​ຂອງ​ຄະນະ​ສະມາຊິກ​ສະພາ​ແຫ່ງ​ຊາດ​ເພດ​ຍິງ ກໍ​ຄື ຂອງ​ຄະນະ​ປະ​ຈໍາ​ສະພາ​ແຫ່ງ​ຊາດ ​ໃນ​ການ​ເປັນ​ເສນາ​ທິການ​ໃຫ້​ແກ່​ຄະນະ​ປະ​ຈໍາ​ສະພາ​ແຫ່ງ​ຊາດ ​ແລະ ​ໄດ້​ມີ​ການປຶກສາຫາລື​ສະພາບ​ການ​ເຄື່ອນ​ໄຫວ​ວຽກ​ງານ​ຂອງ​ຄະນະ ​ສສຊ ​ເພດ​ຍິງ ປີ 2017 ​ແລະ​ ທິດ​ທາງ​ແຜນການ ປີ 2018, ພ້ອມ​ທັງ​ຮັບ​ຟັງ​ການໂອ້ລົມຂອງ ທ່ານຮອງປະທານສະພາແຫ່ງຊາດ, ສະພາບການ​ພັດທະນາ​ແມ່ຍິງ, ການ​ປະຕິບັດ​ເປົ້າໝາຍການ​ພັດທະນາ​ແບບ​ຍືນ​ຍົງ ​ເປົ້າໝາຍທີ 5 ​ແລະ​ ການ​ແກ້​ໄຂ​ຄວາມທຸກ​ຍາກ​ຂອງ​ແມ່ຍິງ, ວຽກ​ງານ​ການ​ປົກ​ປ້ອງ​ແຮງ​ງານ​ເພດ​ຍິງ ຢູ່​ບັນດາ​ໂຮງ​ຈັກ​ໂຮງງານ, ການ​ຕ້ານ ​ແລະ​ ​ສະກັດ​ກັ້ນ​ການ​ຄ້າ​ມະນຸດ​ຂອງ​ແມ່ຍິງ ​ແລະ​ ເດັກ, ບົດບາດ​ຂອງ​ກໍາມະການ​ຄະນະ​ ສສຊ ​ເພດ​ຍິງ ກັບ​ການ​ແກ້​ໄຂ​ບັນຫາ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່ຍິງ-​ເດັກ ​ແລະ ​ການ​ຄ້າ​ມະນຸດ​ ຢູ່​ນະຄອນຫລວງວຽງຈັນ, ການ​ຕິດຕາມ​ກວດ ກາ, ການຈັດ​ຕັ້ງ​ປະຕິບັດ​ແນວທາງ​ນະ​ໂຍບາຍ, ​ແຜນ​ຍຸດ​ທະ​ສາດ ​ທີ່​ພົວພັນ​ກັບ​ການ​ສົ່ງ​ເສີມ ​ແລະ ​ການ​ພັດທະນາ​ແມ່ຍິງ​ ຢູ່​ຂັ້ນ​ທ້ອງ​ຖິ່ນ, ຮ່າງ​ມະຕິ​ກອງ​ປະຊຸມ​ຄົບ​ຄະນະ​ຄັ້ງ​ທີ 2 ຂອງ​ຄະນະ​ ສສຊ ​ເພດ​ຍິງ.

- Wave100S AD to Website 2020 0 - ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017
- WhatsApp Image 2020 05 27 at 5 - ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017
- WhatsApp Image 2020 05 27 at 5 - ເປີດກອງ​ປະຊຸມຄົບຄະນະຂອງ ສສຊ ​ເພດ​ຍິງ  ປະຈໍາປີ 2017
error: Alert: ເນື້ອຫາຂ່າວມີລິຂະສິດ !!