ກອງ​ປະຊຸມ​ ຄັ້ງ​ທີ XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ

- Laos Vietnam Border - ກອງ​ປະຊຸມ​ ຄັ້ງ​ທີ  XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ
- Untitled design - ກອງ​ປະຊຸມ​ ຄັ້ງ​ທີ  XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ

ກອງ​ປະຊຸມສາມັນ​ປະຈຳ​ປີ​ ຄັ້ງ​ທີ XXVII ຄະນະ​ຜູ້​ແທນ​ຊາຍ​ແດນລາວ-ຫວຽດນາມ ​ໄດ້​ຈັດ​ຂຶ້ນ​ຢາງ​ເປັນ​ທາງ​ການ ​ໃນ​ວັນ​ທີ 9 ທັນວານີ້ ທີ່ນະຄອນຫລວງ​ຮ່າໂນ້ຍ ສສ ຫວຽດນາມ. ​ຝ່າຍ​ລາວ ນຳ​ໂດຍ ທ່ານ ສະ​ເຫລີມ​ໄຊ ກົມມະ​ສິດ ລັດ​ຖະມົນຕີ​ກະຊວງ​ການ​ຕ່າງປະ​ເທດ ​ແລະ ຝ່າຍ​ຫວຽດນາມ ນຳ​ໂດຍ ທ່ານ ​ເລຮວ່າ​ຍຈູງ ຮອງ​ລັດຖະມົນຕີ​ກະຊວງ​ການ​ຕ່າງ​ປະ​ເທດຫວຽດນາມ, ມີ​ຜູ້ຕາງໜ້າ​ຈາກ​ບັນດາ​ກະຊວງ, ຂະ​ແໜງ​ການທີ່​ກ່ຽວຂ້ອງຈາກ​ສູນ​ກາງ ​ແລະ ທ້ອງຖິ່ນທີ່ມີຊາຍແດນຮ່ວມກັນ ເຂົ້າຮ່ວມ.

ກອງປະຊຸມ​ໄດ້​ທົບທວນຄືນ​ການຈັດ​ຕັ້ງ​ປະຕິບັດ ສັນຍາ​ວ່າ​ດ້ວຍການຄຸ້ມຄອງ​ຊາຍ​ແດນ ແລະ ດ່ານຊາຍແດນ ລະຫວ່າງປະ​ເທດ ລາວ-ຫວຽດນາມ​ ແລະ ບົດ​ບັນທຶກ​ກອງ​ປະຊຸມ​ ຄະນະ​ຜູ້​​ແທນ​ຊາຍ​ແດນ ລາວ-ຫວຽດນາມ ຄັ້ງທີ XXVI​, ສອງ​ຝ່າຍ​​ຕີ​ລາຄາ​ຢ່າງ​ຮອບດ້ານ​ ກ່ຽວ​ກັບ​ວຽກ​ງານ​ການ​ຄຸ້ມ​ຄ​ອງຊາຍ​ແດນ, ການ​ພັດທະນາ​ເສດຖະກິດ​, ການ​ຄ້າ, ວັດ ທະນະທຳ ​ແລະ ທ່ອງ​ທ່ຽວ​ຊາຍ​ແດນ, ການ​​ເຊື່ອມ​ຕໍ່​ເສັ້ນ​ທາງຄົມມະນາ​ຄົມ, ການເຂົ້າ-ອອກ ຜ່ານແດນ, ການ​ແກ້​ໄຂ​ບັນຫາ​ຜູ້​ຍົກຍ້າຍຕັ້ງ​ພູມລຳ​ເນົາ​ຕາມ​ລຳພັງ​ໃຈ ​ແລະ ​ສ້າງ​ຄອບຄົວ​ບໍ່​ຖືກ​ລະບຽບ ຢູ່​ຕາມ​ບໍລິ​ເວນ​ຊາຍ​ແດນ ລາວ-ຫວຽດນາມ, ຊຶ່ງ​ໄດ້​ປະກອບສ່ວນ​ສຳຄັນ ​ເຂົ້າ​ໃນ​ການ​ເພີ່ມ​ທະວີ​ສາຍ​ພົວພັນ​ ມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານທີ່​ເປັນ​ມູນ​ເຊື້ອ ລະຫວ່າງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ມາແຕ່ດົນນານແລ້ວນັ້ນ​ໃຫ້​ງອກ​ງາມ​ເບັ່ງ​ບານ ເພື່ອສ້າງຊາຍແດນຂອງສອງປະເທດ ໃຫ້ກາຍເປັນຊາຍແດນແຫ່ງສັນຕິພາບ ມິດຕະພາບ ແລະ ການຮ່ວມມືພັດທະນາແບບຍືນຍົງ.

​ໃນ​ກອງ​ປະຊຸມ, ສອງ​ຝ່າຍ​ໄດ້​ເປັນ​ເອກະ​ພາບ​​ ກັນ​ວາງ​ທິດ​ທາງແຜນການ ​ປະຕິບັດ​ວຽກ​ງານໃນ​ຕໍ່ໜ້າ​ ກ່ຽວ​ກັບ​ການ​ຄຸ້ມ​ຄອງຊາຍ​ແດນ ລະຫວ່າງສອງ​ປະ​ເທດ​, ໂດຍຈະຊຸກຍູ້ໃຫ້ພາກສ່ວນກ່ຽວຂ້ອງ ສະກັດກັ້ນບັນດາປະກົດການຫຍໍ້ທໍ້ ທີ່ເກີດຂຶ້ນຕາມບໍລິເວນຊາຍແດນສອງປະເທດໃຫ້ທັນການ ແລະ ມີປະສິດທິຜົນຂຶ້ນຕື່ມ, ພ້ອມນັ້ນ, ສອງຝ່າຍຈະ​ສຸມ​ໃສ່​ວຽກ​ງານ​​ໂຄສະ ນາ​ເຜີຍ​ແຜ່ ​ລະບຽບ​ການຄຸ້ມ​ຄອງ​ຊາຍ​ແດນ, ການ​ປົກ​ປັກ​ຮັກ​ເສັ້ນ​ຊາຍ​ແດນ ​ແລະ ຫລັກໝາຍ​ຊາຍ​ແດນ​ປະ​ເທດ ​ໃຫ້​ແກ່ປະຊາຊົນ​ ຢູ່​ຕາ​ມບໍລິ​ເວນ​ຊາຍ​ແດນເຂົ້າ​ໃຈ​ແຈ້ງ​ ກ່ຽວ​ກັບ​ເຂດ​ອຳນາດ​ອະທິປະ​ໄຕ​ ​ແລະ ຜືນ​ແຜນ​ດິນ​ອັບ​ຄົບ​ຖ້ວນ​ຂອງຊາດ; ​​ຈະເພີ່ມ​ທະວີ​ບັນດາ​ມາດ​ຕະການ ​ຊຸກຍູ້​ໃຫ້​​ເສດ ຖະກິດ, ການ​ຄ້າ, ວັດທະນະ​ທຳ, ການທ່ອງ​ທ່ຽວ ​ຢູ່ຕາມບໍລິເວນຊາຍແດນ ໃຫ້​ມີ​ການ​ຂະຫຍາຍຕົວ ​ແລະ ພັດທະນາ​ດ່ານ, ​ລະບົບ​ເສັ້ນ​ທາງ​ຄົມມະນາຄົມ​ໃຫ້​ມີ​ຄວາມ​ສະດວກ​ດີກ​ວ່າ​ເກົ່າ.

- Wave100S AD to Website 2020 0 - ກອງ​ປະຊຸມ​ ຄັ້ງ​ທີ  XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ
- WhatsApp Image 2020 05 27 at 5 - ກອງ​ປະຊຸມ​ ຄັ້ງ​ທີ  XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ
- WhatsApp Image 2020 05 27 at 5 - ກອງ​ປະຊຸມ​ ຄັ້ງ​ທີ  XXVII ຂອງຄະນະ​ຜູ້​ແທນ​ຊາຍ​ແດນລາວ-ຫວຽດນາມ
error: Alert: ເນື້ອຫາຂ່າວມີລິຂະສິດ !!