5 ປີຜ່ານມາລັດເສຍຫາຍຫລາຍກວ່າ 480 ຕື້ກີບຈາກ​ການ​ສໍ້​ລາດ​ບັງ​ຫລວງ

- Untitled design - 5 ປີຜ່ານມາລັດເສຍຫາຍຫລາຍກວ່າ 480 ຕື້ກີບຈາກ​ການ​ສໍ້​ລາດ​ບັງ​ຫລວງ

ອົງການ​ກວດກາ​ລັດຖະບານ ​ແລະ ຕ້ານ​ການ​ສໍ້​ລາດ​ບັງ​ຫລວງ ໄດ້ເປີດເຜີຍໃນພິທີສະເຫລີມສະຫລອງວັນສາກົນຕ້ານການສໍ້ລາດບັງຫລວງຄົບຮອບ 14 ປີ (9 ທັນວາ 2003-9 ທັນວາ 2017) ເມື່ອທ້າຍອາທິດຜ່ານມານີ້ວ່າ: ໃນ 5 ປີຜ່ານມາ, ລາວສາມາດ​ກວດ​ພົບ​ຜົນ​ເສຍ​ຫາຍຈາກ​ການ​ສໍ້​ລາດ​ບັງ​ຫລວງຫລາຍກວ່າ 480 ຕື້ກີບ ແລະ ພົ້ນ​ເດັ່ນ​ກວ່າ​ໝູ່​ແມ່ນ​ການ​ໃຫ້ ​ແລະ ຮັບ​ສິນ​ບົນ, ການ​ສວຍ​ໃຊ້​ໜ້າ​ທີ່​ຕຳ​ແໜ່​ງຂອງ​ເຈົ້າໜ້າ​ທີ່​ລັດ.

ທ່ານຮອງ​ປະທານ​ອົງການ​ກວດກາ​ລັດຖະບານ ​ແລະ ຕ້ານ​ການ​ສໍ້​ລາດ​ບັງ​ຫລວງ ສີ​ໄນ ມຽງ​ລາ​ວັນ ໃຫ້ຮູ້​ວ່າ: ​ໃນ​ໄລຍະ​ຜ່ານ​ມາ, ອົງການ​ກວດຂອງຕົນ​ ໄດ້​ເອົາ​ໃຈ​ໃສ່​​ຕິດຕາມ​ກວດກາ​ພຶດຕິ​ກຳ​ທີ່​ເປັນ​ການ​ສໍ້​ລາດ​ບັງ​ຫລວງຄື: ການ​ໃຫ້ ​ແລະ ຮັບ​ສິນ​ບົນ, ການ​ສວຍ​ໃຊ້​ໜ້າ​ທີ່​ຕຳ​ແໜ່​ງເກີນ​ຂອບ​ເຂດ, ການ​ລັກລອບ​ໃຊ້​ເອກະສານ​ປອມ ​ແລະ ອື່ນໆ ທີ່ພາ​ໃຫ້​ຊັບ​ສິນ​ຂອງ​ລັດ​ເສຍ​ຫາຍ​ເປັນ​ຈຳນວນ​ຫລວງຫລາຍຄື: ນັບແຕ່​ປີ 2013 ​ເປັນຕົ້ນມາ, ສາມາດ​ກວດ​ເຫັນ​ຜົນ​ເສຍ​ຫາຍຫລາຍກວ່າ 480 ຕື້ກີບ ແລະ ​ສາມາດເກັບ​ກູ້ຄືນ​ໄດ້​ແລ້ວ 337 ກວ່າຕື້ກີບ, ຍັງ​ຄ້າງ 142 ກວ່າຕື້ກີບ. ສະ​ເພາະຜົນ​ເສຍ​ຫາຍ​ຈາກ​ການ​ປະຕິບັດ​ໂຄ​ງການ ​ແລະ ການ​ສໍ້​ໂກງ​ຊັບ​ຂອງ​ລັດມີຫລາຍກວ່າ 417 ຕື້ກີບ, ​ສາມາດເກັບ​ກູ້​ໄດ້​ແລ້ວ 289 ຕື້ກວ່າກີບ. ສ່ວນຜູ້ກະທໍາຜິດແມ່ນໄດ້ດໍາເນີນມາດຕະການຕາມລະບຽບກົດໝາຍນັບແຕ່ຂັ້ນ​ສຶກສາ​ອົບຮົມ, ກ່າວ​ເຕືອນ ​ແລະ ປະຕິບັດ​ວິ​ໄນ​ດ້ານ​ບໍລິຫານ ແລະ ດຳ​ເນີນ​ຄະດີ​ຕາມ​ກົດໝາຍຫລາຍກວ່າ 100 ຄົນ, ​ໃນ​ນັ້ນ​ເປັນ​ພະນັກງານ​ລັດ 86 ຄົນ ​ແລະ ​​ບໍລິສັດ 21 ຄົນ, ​ໄດ້​ສະຫລຸບ​ສຳນວນ​ຄະດີ​ສົ່ງ​ໃຫ້​ໄອ​ຍະ​ການແລ້ວ 55 ຄົນ, ​ໄອ​ຍະ​ການ​ໄດ້​ຖະ​ແຫລ​ງ​ໃຫ້​ສານ​ຕັດສິນ​ແລ້ວ 39 ຄົນ ​ແລະ ສານ​ໄດ້​ຕັດສິນ​ແລ້ວ 13 ຄົນ.

- Wave100S AD to Website 2020 0 - 5 ປີຜ່ານມາລັດເສຍຫາຍຫລາຍກວ່າ 480 ຕື້ກີບຈາກ​ການ​ສໍ້​ລາດ​ບັງ​ຫລວງ

ທ່ານຮອງອົງການດັ່ງກ່າວ ໃຫ້ຮູ້ອີກວ່າ: ​ໃນ​ຕໍ່ໜ້າ​ນີ້, ຈະ​ເພີ່ມທະວີ​​ການ​ຕິດຕາມກວດກາອົງການ​ລັດ​ແຕ່ລະ​ຂັ້ນ​ທີ່​ມີ​ຄວາມ​ສ່ຽງເກີດ​ການ​ສໍ້​ລາດ​ບັງ​ຫລວງ ​ເປັນຕົ້ນ: ການ​ຄຸ້ມ​ຄອງ​ລາຍ​ຮັບ-ລາຍ​ຈ່າຍ​ງົບປະມານ, ການ​ລົງທຶນ​ກໍ່ສ້າງ​ພື້ນຖານ​ໂຄງ​ລ່າງ, ການ​ຄຸ້ມ​ຄອງ​ນຳ​ໃຊ້​ທີ່​ດິນ ​ແລະ ນຳ​ໃຊ້​ຊັບພະຍາກອນ​ທຳ​ມະ​ຊາດ, ການ​ດຳ​ເນີນ​ຄະດີ​ການ​ບໍລິການ​ຂອງ​ລັດ ​ແລະ ອື່ນໆ, ເພື່ອສະກັດກັ້ນ​ ແລະ ປາບປາມພຶດຕິ​ກຳ​ການ​ສໍ້​ລາດ​ບັງ​ຫລວງຕ່າງໆ​ໃຫ້​ເດັດຂາດ.

- WhatsApp Image 2020 05 27 at 5 - 5 ປີຜ່ານມາລັດເສຍຫາຍຫລາຍກວ່າ 480 ຕື້ກີບຈາກ​ການ​ສໍ້​ລາດ​ບັງ​ຫລວງ
- WhatsApp Image 2020 05 27 at 5 - 5 ປີຜ່ານມາລັດເສຍຫາຍຫລາຍກວ່າ 480 ຕື້ກີບຈາກ​ການ​ສໍ້​ລາດ​ບັງ​ຫລວງ
error: Alert: ເນື້ອຫາຂ່າວມີລິຂະສິດ !!