ຫວຽດນາມເພີ່ມເປົ້າໝາຍພະລັງງານລົມ-ແສງຕາເວັນ ຕອບຮັບຄວາມຮ້ອງການທີ່ເພີ່ມຂຶ້ນ

          ລັດຖະບານຫວຽດນາມເພີ່ມເປົ້າໝາຍການໃຊ້ພະລັງງານລົມ ແລະ ພະລັງງານແສງຕາເວັນ ໂດຍປະເທດຕັ້ງເປົ້າຈະເພີ່ມການຜະລິດພະລັງງານພາຍໃນປີ 2030 ເພື່ອຕອບສະໜອງຕໍ່ຄວາມຕ້ອງການທີ່ສູງຂຶ້ນ.

          ຫວຽດນາມຕັ້ງເປົ້າຈະບັນລຸເປົ້າໝາຍການປ່ອຍແກັສກາກບອນສຸດທິເປັນສູນ ພາຍໃນປີ 2050 ແລະ ແຜນພັດທະນາພະລັງງານ 8 ຫລື PDP8 ເຊິ່ງເປັນແຜນພັດທະນາພະລັງງານແຫ່ງຊາດສະບັບຫລ້າສຸດ ລະບຸເຖິງແນວທາງຈະບັນລຸເປົ້າໝາຍດັ່ງກ່າວໄວ້.

         ແຜນ PDP8 ລະບຸວ່າ: “ຫວຽດນາມອາໄສຖ່ານຫີນເປັນຈໍານວນຫລາຍ ເພື່ອຕອບສະໜອງຄວາມຕ້ອງການພະລັງງານທີ່ເພີ່ມຂຶ້ນຢ່າງວ່ອງໄວ, ແຕ່ປັດຈຸບັນ ລັດຖະບານຕ້ອງການພັດທະນາແຫລ່ງພະລັງງານໝູນວຽນຢ່າງຈິງຈັງ”.

         ທ່ານ ອັນດຣີ ປຣາເຊຕິໂຍ ນັກວິໄຈອາວຸໂສຈາກເຊນິກ ເຊັນເຕີ ອາຊີ ກ່າວວ່າ: ແຜນຂອງຫວຽດນາມສູງເກີນໄປ ໂດຍມີເປົ້າໝາຍການຜະລິດໄຟຟ້າຈາກພະລັງງານແສງຕາເວັນ ແລະ ພະລັງງານລົມໃນແຄມຝັ່ງ 73 ກິກາວັດ ແລະ 38 ກິກາວັດ ພາຍໃນປີ 2030 ແລະ ເພີ່ມຂຶ້ນເປັນ 296 ກິກາວັດ ແລະ 230 ກິກາວັດ ພາຍໃນປີ 2050.

        ແຜນ PDP8 ສະບັບປີ 2023 ຕັ້ງເປົ້າການຜະລິດໄຟຟ້າຈາກພະລັງງານແສງຕາເວັນ ແລະ ພະລັງງານລົມໄວ້ 12.8 ກິກາວັດ ແລະ 21 ກິກາວັດ ໃນທ້າຍທົດສະວັດນີ້.