ປະທານປະເທດ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ຈະເດີນທາງມາຢ້ຽມຢາມລັດຖະກິດ ສປປ ລາວ ວັນທີ 24-25 ເມສາ 2025
April 21, 2025 - 9:43 AM
ໂດຍຕອບສະໜອງຕາມຄຳເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານ ສູນກາງພັກ ປະຊາຊົນ ປະຕິວັດລາວ, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສະຫາຍ ເລືອງ ເກື່ອງ ປະທານປະເທດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ຈະເດີນທາງມາຢ້ຽມຢາມລັດຖະກິດ ສາທາລະນະລັດ ປະຊາທິປະໄຕ ປະຊາຊົນລາວ ແຕ່ວັນທີ 24-25 ເມສາ 2025 ເພື່ອເພີ່ມທະວີ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ລາວ ແລະ ຫວຽດນາມ.
ຊີລະປະຫວັດຫຍໍ້
- ນາມສະກຸນ ແລະ ຊື່: ເລືອງ ເກື່ອງ.
- ວັນເດືອນປີເກີດ: 15/8/1957
- ບ້ານເກີດ: ບ້ານຢືວເລົາ, ນະຄອນຫວຽດຈີ໋, ແຂວງຟູເຖາະ.
- ລະດັບວິຊາສະເພາະ: ປະລິນຍາຕີກໍ່ສ້າງພັກ ແລະ ການປົກຄອງລັດ
- ລະດັບທິດສະດີການເມືອງ: ຊັ້ນສູງ
- ວັນເດືອນປີເຂົ້າພັກ: 7/1978
ປະຫວັດການເຄື່ອນໄຫວວຽກງານໂດຍຫຍໍ້ - 02/1975: ເຂົ້າຮ່ວມກອງທັບ.
- 05/2003-03/2006: ຮອງຫົວໜ້າບັນຊາການ, ເລຂາຄະນະພັກກອງພົນໃຫຍ່ທີ 2, ພົນຈັດຕະວາ (02/2006).
- 04/2006-12/2007: ບັນຊາການດ້ານການເມືອງ, ເລຂາຄະນະພັກກອງພົນໃຫຍ່ທີ 2, ພົນຈັດຕະວາ.
- 01/2008-05/2011: ບັນຊາການດ້ານການເມືອງ, ເລຂາຄະນະພັກທະຫານເຂດ 3, ກຳມະການສູນ ກາງພັກສະ ໄໝທີ XI (01/2011), ພົນຕີ (8/2009).
- 06/2011-12/2015: ກຳມະການສູນກາງພັກສະໄໝທີ XI, ຮອງຫົວໜ້າກົມໃຫຍ່ການເມືອງກອງ ທັບປະຊາຊົນ ຫວຽດນາມ, ພົນໂທ (12/2014).
- 01/2016-4/2016: ເລຂາທິການສູນກາງພັກສະໄໝທີ XII, ຮອງຫົວໜ້າກົມໃຫຍ່ການເມືອງ ກອງທັບ ປະຊາຊົນ ຫວຽດນາມ, ພົນໂທ.
- 5/2016-12/2020: ເລຂາທິການສູນກາງພັກສະໄໝທີ XII, ກຳມະການຄະນະປະຈຳຄະນະພັກ ທະ ຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ, ຫົວໜ້າຄະນະກຳມະການກວດກາ ຄະນະພັກ ທະຫານສູນກາງ, ພົນເອກ (01/2019).
- 01/2021-4/2024: ກຳມະການກົມການເມືອງສະໄໝທີ XIII, ກຳມະການຄະນະປະຈຳຄະນະພັກ ທະຫານສູນກາງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ, ຫົວໜ້າຄະນະກຳມະການກວດກາ ຄະນະພັກທະຫານສູນກາງ, ພົນເອກ.
- 5/2024-10/2024: ກຳມະການກົມການເມືອງສະໄໝທີ XIII; ຜູ້ປະຈຳການຄະນະເລຂາທິການສະໄໝທີ XIII, ຮອງຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານສໍ້ລາດບັງຫລວງ, ຫຍໍ້ທໍ້.
- 21/10/2024: ສະພາແຫ່ງຊາດຊຸດທີ XV ເລືອກຕັ້ງເປັນປະທານປະເທດຫວຽດນາມ.
ເປັນກຳມະການສູນກາງພັກສະໄໝທີ XI, XII, XIII; ເລຂາທິການສູນກາງພັກສະໄໝທີ XII; ກຳມະການ ກົມການເມືອງສະໄໝທີ XIII.
