7 ວິທີຊ່ວຍຖະໜອມມືໃຫ້ງາມຢູ່ສະເໝີ

- 011212 2017 - 7 ວິທີຊ່ວຍຖະໜອມມືໃຫ້ງາມຢູ່ສະເໝີ
- Untitled design - 7 ວິທີຊ່ວຍຖະໜອມມືໃຫ້ງາມຢູ່ສະເໝີ

ເມື່ອອາກາດໜາວໃກ້ຈະມາເຖິງກໍຕ້ອງຮັບມືກັບບັນຫາຜິວໜັງແຫ້ງແຕກ ແລະ ລອກເປັນເກັດ ມື້ນີ້ພວກເຮົາຈຶ່ງມີ 7 ວິທີຖະ ໜອມມືໃຫ້ງາມມາແນະນຳທ່ານ.

  1. ເຮັດຄວາມສະອາດມືຢູ່ສະເໝີ : ໂດຍໃຊ້ແປງ ຫລື ບູຫລົດຜັດຖູມື ແລະ ເລັບຄ່ອຍໆ, ແຕ່ບໍ່ຄວນແຊ່ມືໃນນຳ້ດົນໆ ຫລື ແຊ່ຫລາຍເທື່ອ ເພາະຈະເຮັດໃຫ້ມືແຫ້ງ ແລະ ຫ່ຽວ.
  2. ພະຍາຍາມຜັດລອກພາກສ່ວນທ່ີແຫ້ງກະແດ້ງອອກຈາກຜິວມືອາທິດລະເທື່ອ : ສູດງ່າຍໆແມ່ນປະສົມໝາກຖົ່ວອາວມັອນບົດກັບນຳ້ເຜິ້ງ ແລະ ນຳ້ໝາກນາວ ຈາກນັ້ນກໍຮຸກຖູໃສ່ໃຫ້ທົ່ວມື ແລ້ວຈຶ່ງລ້າງອອກ.
  3. ຄວນນວດມືດ້ວຍໂລຊັ່ນບຳລຸງມືໂດຍສະເພາະຢູ່ສະເໝີ : ເພື່ອເພີ່ມຄວາມຊຸ່ມຊື່ນ ເພາະມືແມ່ນບໍລິເວນໜຶ່ງຂອງຮ່າງກາຍທີ່ມີຕ່ອມຜະລິດນຳ້ມັນໜ້ອຍ.
  4. ລະມັດລະວັງແສງແດດທຳລາຍຜິວມື : ໂດຍການໃຊ້ຄຣີມທີ່ມີສານປ້ອງກັນແສງແດດໃນລະດັບ SPF ບໍ່ຕໍ່າກ່ວາ 15 ທຸກເທື່ອທີ່ຕ້ອງອອກໄປຕາກແດດ ຫລື ຢູ່ກາງແຈ້ງ.
  5. ຄວນໃສ່ຖົງມືຢາງໃນການເຮັດຄວາມສະອາດທຸກຊະນິດ : ບໍ່ວ່າຈະເປັນວຽກນ້ອຍໆກໍຕາມ ແຕ່ກໍບໍ່ຄວນໃສ່ຖົງມືຢາງດົນເກີນໄປ ເພາະຈະເຮັດໃຫ້ມືືມີເຫື່ອ ແລະ ມີອາການມືແຫ້ງຕາມມາ.
  6. ບໍລິເວນເນື້ອເຍື່ອຫຸ້ມກົກເລັບ : ຄວນໄດ້ຮັບການນວດໂດຍໂລຊັ່ນ ຫລື ຄຣີມບຳລຸງເປັນປະຈຳເພື່ອກະຕຸ້ນໃຫ້ເລືອດໄຫລວຽນດີ ສົ່ງຜົນເຖິງເລັບຈະໄດ້ບໍ່ຈີກ ແລະ ບໍ່ຫັກງ່າຍ.

7. ປ່ຽນນິໄສໃນການໃຊ້ມື : ການເອົາມືຈົກຖົງໂສ້ງ ຫລື ຈົກກະເປົ໋າເພື່ອເອົາສິ່ງຂອງ ກໍຄວນປ່ຽນເປັນເປີດກະເປົ໋າ ແລ້ວຊອກຫາກ່ອນຈະຈັບສິ່ງຂອງນັ້ນຂຶ້ນມາຊ້າໆ ເພາະການຟ້າວຟັ່ງໃຊ້ມືໂດຍ ບໍ່ລະວັງອາດນຳມາເຊິ່ງອຸປະຕິເຫດທີ່ອາດເຮັດໃຫ້ຜິວມືໄດ້ຮັບບາດເຈັບ ແລະ ເປັນບາດເປັນແປ້ວໄດ້.

- Wave100S AD to Website 2020 0 - 7 ວິທີຊ່ວຍຖະໜອມມືໃຫ້ງາມຢູ່ສະເໝີ
- WhatsApp Image 2020 05 27 at 5 - 7 ວິທີຊ່ວຍຖະໜອມມືໃຫ້ງາມຢູ່ສະເໝີ
- WhatsApp Image 2020 05 27 at 5 - 7 ວິທີຊ່ວຍຖະໜອມມືໃຫ້ງາມຢູ່ສະເໝີ
  • 1095 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!