UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ

- 9c168250 de2e 428f 8b9f d67e992cdaba 16x9 788x442 - UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ
- Untitled design - UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ

ສະຫະ​ປະຊາ​ຊາດ “ຍັງ​ບໍ່​ສະຫລຸບ” ວ່າ​ຈະ​ຫລວດ​ທີ່​ຖະຫລົ່ມ​ຮູ​ຕີຍິງ​ຂ້າມ​ຊາຍ​ແດນ​ຈາກ​ເຢ​ເມນ​ມາ​ຕົກລົງ​ໃນ​ອານາ​ເຂດ​ຂອງ​ອາຣັບບີ ຊາ​ອຸ​ດິດ “ຢ່າງ​ໜ້ອຍ 2 ຄັ້ງ​ໃນ​ປີ​ນີ້” ​ເປັນ​ອາວຸດ​ທີ່​ຜະລິດ​ຂຶ້ນ​ໂດຍ​ອີຣານ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 12 ທັນວາ​ວ່າ: ​ເນື່ອງ​ຈາກ​ກໍລະນີ​ທີ່​ອາ​ເມ​ລິ​ກາ ​ແລະ ອາຣັບບີ ຊາ​ອຸ​ດິດ ຮ້ອງ​ຮຽນ​ຕໍ່​ສະຫະ​ປະຊາ​ຊາດ​ວ່າ: ຈະ​ຫລວດ 2 ລູກ ​ເຊິ່ງຖືກ​ຍິງ​ຂ້າມ​ຊາຍ​ແດນ​ຈາກ​ອານາ​ເຂດ​ຂອງ​ກຸ່ມ​ກະບົດ​ຮູ​ຕີ​ຢູ່​ເຢ​ເມນ ​ແລ້ວ​ຕົກລົງ​ໃກ້​ກັບ​ສະໜາມ​ບິນ​ສາກົນຣິຍາດ ​​ໃນ​ວັນ​ທີ 22 ກໍລະກົດ ​ແລະ 4 ພະຈິກຜ່ານ​ມານັ້ນ ​ເປັນ​ອາວຸດ​ທີ່​ຜະລິດ​ຂຶ້ນຢູ່​ອີຣານ ​ແລະ ຖື​ເປັນ​ພຶດຕິ​ກຳ​ທີ່​ລະ​ເມີດ​ມະຕິ​ການ​ຂວ້ຳບາດ​ດ້ານ​ອາວຸດ​ຂອງ UN ​ເຊິ່ງຍັງ​ມີ​ຜົນ​ບັງຄັບ​ໃຊ້​ກັບ​ລັດຖະບານ​ເຕຮາ​ລານ ນອກຈາກ​ມາດ​ຕະການ​ຂວ້ຳບາດ​ທາງ​ເສດຖະກິດ​ທີ່​ມີ​ການ​ຍົກ​ເລີກ​ແລ້ວ​​ເກືອບ​ທັງ​ໝົດ​ຕາມ​ຂໍ້​ຕົກລົງ​ນິວ​ເຄຼຍ​ແລ້ວນັ້ນ.

- Wave100S AD to Website 2020 0 - UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ

ທ່ານ ອັນ​ໂຕ​ນິ​ໂອ ກູ​ເຕ​ເຣສ ​ເລຂາທິການ UN ສະ​ເໜີ​ລາຍ​ງານ​ຜົນ​ການກວດ​ສອບ​ເຫດການ​ດັ່ງກ່າວ​ຕໍ່​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ​ໃນ​ທ້າຍ​ອາທິດ​ຜ່ານ​ມາ​ວ່າ: ​ເຈົ້າໜ້າ​ທີ່​ຂອງ UN ​ໄດ້​ລົງພື້ນທີ່​ເກີດ​ເຫດ ​ເພື່ອ​ກວດ​ສອບ​ຫລັກ​ຖານ​ທັງ​ໝົດ ພົບ​ວ່າ​ຈະ​ຫລວດ​ທັງ​ສອງ​ລູກ​ທີ່​ມີ​ໂຄງ​ສ້າງ ​ແລະ ຮູບ​ແບບ​ການ​ຜະລິດ “ຄ້າຍຄື” ກັບ​ລູກ​ສອນ​ໄຟ​ສະກັດ ​ແລະ ອີຣານມີ​ລູກ​ສອນ​ໄຟ​ໄລຍະ​ໃກ້​ທີ່​ຜະລິດ​ຂຶ້ນ​ເອງ​ຊື່ Qiam-1 ​ເຊິ່ງຖື​ເປັນ​ຮຸ່ນ​ໜຶ່ງ​ຂອງ​ລູກ​ສອນ​ໄຟ​ສະກັດ.

- WhatsApp Image 2020 05 27 at 5 - UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ
- WhatsApp Image 2020 05 27 at 5 - UN ຍັງບໍ່ສະຫລຸບຈະຫລວດທີ່ຮູຕີ ຍິງໃສ່ອາຣັບບີ ຊາອຸດິດຜະລິດຢູ່ອີຣານ
error: Alert: ເນື້ອຫາຂ່າວມີລິຂະສິດ !!