ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ

- 1513062964183 960x0 - ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ
- Untitled design - ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ

ສະມາຄົມ​ຜູ້​ຜະລິດ​​ເສື້ອຜ້າກຳປູ​ເຈຍ ສະ​ແດງ​ຄວາມ​ກັງວົນ​ວ່າ: ຈຳນວນ​ສົ່ງ​ອອກ​ເສື້ອຜ້າ​ໃນ​ປີໜ້າ​ຈະ​ໜ້ອຍ​ລົງ ​ເພາະ​ຜົນ​ກະທົບ​ຈາກ​ການ​ເລືອກ​ຕັ້ງ ​ແລະ ການ​ແຂ່ງຂັນ​ຈາກ​ປະ​ເທດ​ອື່ນ​ໃນ​ອາຊີ​ທີ່​ມີ​ຕົ້ນທຶນ​ຕໍ່າ​ກວ່າ ຫລື ມີປະສິດທິພາບ​ກວ່າ.

ສະມາຄົມ​ຜູ້​ຜະລິດ​ເສື້ອຜ້າ ​ເຊິ່ງ​ເປັນ​ຕົວ​ແທນ​ໂຮງງານ 600 ​ແຫ່ງ ຈ້າງກຳມະກອນ 700.000 ຄົນ ຄາດ​ວ່າ: ຈຳນວນ​ສົ່ງ​ອອກ​ເສື້ອຜ້າ​ປີໜ້າ​ອາດ​ຈະ​ຂະຫຍາຍຕົວ​ພຽງ 3-4% ຫລຸດ​ລົງ​ຈາກ 8% ​ໃນ​ໄລຍະ 9 ​ເດືອນ​ທຳ​ອິດ​ຂອງ​ປີ​ນີ້ ອັນ​ເປັນ​ຜົນ​ມາ​ຈາກ​ຄວາມ​ກັງວົນ​ຂອງ​ຜູ້​ຊື້​ໃນ​ຕ່າງປະ​ເທດ​ຈາກ​ເລື່ອງ​ການ​ເລືອກ​ຕັ້ງທົ່ວ​ໄປ​ໃນ​ວັນ​ທີ 29 ກໍລະກົດ​ປີໜ້າ ​ແລະ ການ​ແຂ່ງຂັນ​ຈາກ​ປະ​ເທດ​ຄູ່​ແຂ່ງ. ກຳປູ​ເຈຍ​ເສຍປຽບ​ບັງ​ກະລາ​ເທດ​ເລື່ອງ​ຄ່າ​ຈ້າງ​ຂັ້ນຕໍ່າ​ແພງ​ກວ່າ 2 ​ເທົ່າ, ຄ່າ​ຈ້າງຂັ້ນຕໍ່າ​ຂອງ​ກຳປູ​ເຈຍ​ເດືອນ​ລະ 153 ​ໂດ​ລາ​ສະຫະລັດ ​ແຕ່​ຂອງ​ບັງ​ກະລາ​ເທດ​ເດືອນ​ລະ 65 ​ໂດ​ລາ​ສະຫະລັດ. ຂະນະ​ດຽວ​ກັນ ຍັງ​ເສຍປຽບ​ຫວຽດນາມ​ທີ່​ມີຄ່າ​ຈ້າງ​ຂັ້ນຕໍ່າ​ພຽງ​ເດືອນ​ລະ 113,61-165,13 ​ໂດ​ລາ​ສະຫະລັດ ​ແຕ່​ມີ​ຕົ້ນທຶນ​ການ​ຜະລິດ​ຕໍ່າ​ກວ່າ ​ເນື່ອງ​ຈາກ​ມີ​ໂຮງງານ​ຜະລິດ​ເອງ, ຄ່າ​ໄຟ​ຖືກ, ​ໂຄງ​ລ່າງ​ພື້ນຖານ​ມີ​ປະສິດທິພາບ, ມີ​ການ​ຂົນ​ສົ່ງ​ຈາກ​ໂຮ່ຈີ​ມິ​ງ​ເຖິງ​ອາ​ເມ​ລິ​ກາ​ໂດຍ​ກົງ. ຂະນະ​ທີ່​ກຳປູ​ເຈຍ​ຕ້ອງ​ສົ່ງ​ຜ່ານ​ຮົງ​ກົງ ຫລື ມາ​ເລ​ເຊຍ.

- Wave100S AD to Website 2020 0 - ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ
- WhatsApp Image 2020 05 27 at 5 - ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ
- WhatsApp Image 2020 05 27 at 5 - ຄາດການສົ່ງອອກເສື້ອຜ້າ ກຳປູເຈຍຈະຊ້າລົງໃນປີໜ້າ
error: Alert: ເນື້ອຫາຂ່າວມີລິຂະສິດ !!