ລີ ກວນ ຢູ ກັບແນວຄວາມຄິດ “ມືສະອາດ”

- 25188344 549060068778751 1410958412 n - ລີ ກວນ ຢູ ກັບແນວຄວາມຄິດ “ມືສະອາດ”
- Untitled design - ລີ ກວນ ຢູ ກັບແນວຄວາມຄິດ “ມືສະອາດ”

ທ່ານ ລີ ກວນ ຢູ (Lee Kuan Yew) ແມ່ນຜູ້ນຳທີ່ໄດ້ຮັບຄວາມເຄົາລົບນັບຖືຂອງຊາວສິງກະໂປ ແລະຊາວໂລກ, ແມ່ນຜູ້ນຳທີ່ສ້າງປະເທດ ສິງກະໂປ ຈາກປະເທດທີ່ທຸກຍາກ ກາຍມາເປັນປະເທດ ທີ່ຮັ່ງມີພາຍໃນຊົ່ວຄົນດຽວ, ເພາະສະນັ້ນ ເລື່ອງລາວຂອງຜູ້ນຳທ່ານນີ້ ຈຶ່ງເລົ່າບໍ່ໝົດສ້ຽງຈັກເທື່ອ.

ເນື່ອງຈາກໃນປັດຈຸບັນ ລັດຖະບານ ສປປລາວເຮົາ ແມ່ນມີຄວາມພະຍາຍາມຢ່າງຍິ່ງທີ່ຈະຫັນ ການປົກຄອງປະເທດໃຫ້ເປັນລະບຽບຮຽບຮ້ອຍ ໂດຍສະເພາະ ເວົ້າເລື່ອງການຈຳກັດ “ຊ່ອງຫວ່າງ” ຂອງການຮົ່ວໄຫຼລາຍຮັບຂອງຊາດ ແລະອື່ນໆ, ເພາະສະນັ້ນ ຜູ້ຂຽນຂໍນຳສະເໜີ ບາງແນວຄວາມຄິດ ກ່ຽວກັບການປົກຄອງປະເທດດ້ວຍ “ມືສະອາດ” ຂອງ ທ່ານ ລີ ກວນ ຢູ ຜູ້ເຊິ່ງມີຊື່ສຽງເລື່ອງຄວາມບໍລິສຸດ ຄົນໜຶ່ງ.

ທ່ານ ລີ ກວນ ຢູ ແມ່ນເປັນ ຂວັນໃຈ ຂອງ ທ່ານ ວະລາດີເມຍ ປູຕິນ ຜູ້ນຳລັດເຊຍ ແລະຜູ້ນຳຮຸ່ນສືບທອດຂອງ ສປ ຈີນ ຕ່າງກໍຂໍຄຳປຶກສາ ເພາະເຫັນວ່າ ທ່ານ ລີ ກວນ ຢູ ສາມາດນຳພາປະເທດໄປສູ່ຄວາມຮັ່ງມີ ໂດຍປາສະຈາກຂໍ້ສົງໄສໃດໆກ່ຽວກັບ “ເລື່ອງປາຊາທິປະໄຕ”.

ເປັນທີ່ຮັບຮູ້ຢ່າງກວ້າງຂວາງວ່າ “ແບບຢ່າງສິງກະໂປ” ແມ່ນຜະລິດຕະພັນໂດຍກົງຈາກ ນິໄສໃຈຄໍ ຂອງ ທ່ານ ລີ ກວນ ຢູ ທີ່ຖືເອົາຄວາມບໍລິສຸດຜຸດຜ່ອງມາເປັນອັນດັບໜຶ່ງໃນການນຳພາ, ສັນຍາຫຍັງໄວ້ ກັບປະຊາຊົນ ກໍເຮັດໃຫ້ໄດ້ແທ້ໆ, ພາຍຫຼັງປະເທດສິງກະໂປໄດ້ຮັບເອກະລາດ, ທ່ານກໍໄດ້ປະກາດທີ່ຈະສ້າງປະເທດ ສິງກະໂປ ໃຫ້ມີຄວາມເຂັ້ມແຂງ, ມີກົດລະບຽບທີ່ເຂັ້ມງວດ, ເນັ້ນໃສ່ການຈັດຕັ້ງປະຕິບັດ (ບໍ່ແມ່ນທິດສະດີ) ແລະສາມາດກຸ້ມຕົນເອງ (ດັ່ງແນວທາງຂອງພັກ-ລັດເຮົາ).

ໃນສະໄໝທີ່ເພິ່ນເປັນນາຍົກລັດຖະມົນຕີນັ້ນ ເພິ່ນສາມາດສ້າງໃຫ້ພະນັກງານວິຊາການ ແລະການນຳຂັ້ນຕ່າງໆ ກາຍເປັນຜູ້ສືບທອດ ທີ່ປາສະຈາກແນວຄວາມຄິດໃດໆ ກ່ຽວກັບ ການສໍ້ລາດບັງຫຼວງ, ສາມາດນຳໃຊ້ພາສາອັງກິດເປັນເລີດ ແລະ ທຸກຄົນຕ້ອງຮູ້ແນວທາງການພັດທະນາປະເທດຢ່າງຈະແຈ້ງ ແລະເປັນເອກະພາບ.

- Wave100S AD to Website 2020 0 - ລີ ກວນ ຢູ ກັບແນວຄວາມຄິດ “ມືສະອາດ”

ທ່ານ ລີ ກວນ ຢູ ເຫັນວ່າ “ການປິດຊ່ອງຫວ່າງ ການສໍ້ລາດບັງຫຼວງນັ້ນ ຖ້າປາສະຈາກການກວດສອບທີ່ເຂັ້ມແຂງຂອງຝ່າຍກົງກັນຂ້າມ ຫຼື ອົງການກວດສອບທີ່ເປັນອິດສະຫຼະ, ປາສະຈາກສື່ທີ່ເປັນອິດສະຫຼະ ແລະປາສະຈາກຄວາມຢ້ານກົວຈາກການຖືກໄລ່ອອກຈາກວຽກຂອງພະນັກງານຍ້ອນພຶດຕິກຳ “ມືບໍ່ສະອາດ” ແລ້ວ ເມື່ອນັ້ນຜູ້ນຳສ່ວນຫຼວງຫຼາຍກໍຈະມີທ່າອ່ຽງສືບທອດໄປຕາມຫົນທາງແຫ່ງການສໍ້ລາດບັງຫຼວງ ແລະ ການກະທຳທີ່ຂີ້ຮ້າຍຫຼາຍໆອັນ.

ບົດຮຽນອັນດີຂອງການປາບປາມ ການສໍ້ລາດບັງຫຼວງບໍ່ສະເພາະແຕ່ເຫັນແບບຢ່າງຂອງ ສິງກະໂປ ແຕ່ ສປ ຈີນກໍເປັນແບບຢ່າງທີ່ໃຫ້ພວກເຮົາຮຽນຮູ້ຢ່າງຫຼວງຫຼາຍ, ແຕ່ບໍ່ມີສິ່ງໃດຈະເຮັດໃຫ້ເຮົາເຂັ້ມແຂງໄດ້ນອກເໜືອ ຈາກການລົງມືເຮັດ, ຖອດຖອນບົດຮຽນ ແລະກ້າວເດີນໄປຂ້າງໜ້າຢ່າງເຂັ້ມແຂງກວ່າເກົ່າ.

- WhatsApp Image 2020 05 27 at 5 - ລີ ກວນ ຢູ ກັບແນວຄວາມຄິດ “ມືສະອາດ”
- WhatsApp Image 2020 05 27 at 5 - ລີ ກວນ ຢູ ກັບແນວຄວາມຄິດ “ມືສະອາດ”
error: Alert: ເນື້ອຫາຂ່າວມີລິຂະສິດ !!