ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ

- MS Agriculture - ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ
- Untitled design - ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ

ໃນວັນທີ 11 ທັນວານີ້, ທ່ານ ບຸນຂວາງ ຄໍາບຸນເຮືອງ ຮອງລັດຖະມົນຕີ ກະຊວງກະສິກໍາ ແລະປ່າໄມ້, ໄດ້ລົງຊຸກຍູ້ການຜະລິດລະດູແລ້ງ ແຂວງສາລະວັນ ແລະ ໄດ້ຮັບຟັງການລາຍງານຈາກຄະນະພະແນກກະສິກໍາ ແລະ ປ່າໄມ້ ແຂວງ ໃຫ້ຮູ້ວ່າ: ຜ່ານມາ, ພະແນກກະສິກໍາ ແລະ ປ່າໄມ້ ແຂວງ ໄດ້ເອົາໃຈໃສ່ຈັດຕັ້ງປະຕິບັດວຽກງານຄໍ້າປະກັນສະບຽງອາຫານ ແລະ ການຜະລິດເປັນສິນຄ້າ ໂດຍເລັ່ງໃສ່ບັນດາເມືອງ ທີ່ນອນໃນເຂດທົ່ງຮາບເຊໂດນ, ເຂດທີ່ມີຊົນລະປະທານສະໜອງນໍ້າໄດ້ສະດວກ. ສໍາລັບເຂົ້ານາປີ ສາມາດຜະລິດໄດ້ທັງໜົດ 359 ພັນກວ່າໂຕນ, ເທົ່າ 95% ຂອງແຜນປີ, ສາມາດປູກເຂົ້ານາແຊງໄດ້ 13.000 ເຮັກຕາ, ປະຕິບັດໄດ້ 10 ພັນກວ່າເຮັກຕາ. ເຂົ້າເປັນສິນຄ້າສົ່ງອອກ ສປ ຈີນ ປະຕິບັດໄດ້ 6 ພັນກວ່າໂຕນ ແລະ ທົ່ວແຂວງມີຟາມລ້ຽງສັດແບບຄອບຄົວ 83 ຟາມ ແລະ ບໍລິສັດ 1 ຟາມ. ນອກນີ້, ການ​ຜະລິດພືດ​ເປັນ​ສິນຄ້າ​ມີ​ການ​ຂະຫຍາຍຕົວ​ດີ​ ໃນນັ້ນ​ເດັ່ນກວ່າໝູ່ແມ່ນການຜະລິດ: ກາ​ເຟ, ມັນຕົ້ນ ແລະ ສາລີແຂງ​.

ໃນໂອກາດນີ້, ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ໄດ້ເນັ້ນໃຫ້ພະແນກເອົາໃຈໃສ່ຕື່ມ ຕໍ່ວຽກງານຄໍ້າປະກັນສະບຽງອາຫານ ແລະ ການຜະລິດເປັນສິນຄ້າ ໂດຍຊຸກຍູ້ສົ່ງເສີມໃຫ້ປະຊາຊົນມີສ່ວນຮ່ວມຫຼາຍກວ່າເກົ່າ, ສຸມໃສ່ສິນຄ້າທີ່ເປັນທ່າແຮງຂອງແຂວງ ແລະ ສິນຄ້າທີ່ມີຕະຫຼາດຮອງຮັບທີ່ແນ່ນອນ ເພື່ອຮັບປະກັນໃຫ້ປະຊາຊົນມີລາຍຮັບທີ່ສະໝໍາສະເໜີ. ນອກນີ້, ໃຫ້ເອົາໃຈໃສ່ຕື່ມ ຕໍ່ວຽກງານສ້າງສູນ, ສະຖານີບໍລິການເຕັກນິກກະສິກໍາ ເພື່ອຊ່ວຍເຫຼືອຊາວກະສິກອນ ໂດຍການແນະນໍາໃຫ້ຄວາມຮູ້ດ້ານການປູກ-ການລ້ຽງ ລວມທັງຮັກສາສຸຂະພາບສັດໃຫ້ມີຜົນ. ໃນໂອກາດດັ່ງກ່າວ ຮອງລັດຖະມົນຕີ ພ້ອມຄະນະ ໄດ້ລົງຢ້ຽມຢາມຄອບຄົວຕົວແບບປູກຜັກສວນຄົວ ແລະ ປູກກ້ວຍ, ມັນດ່າງ ໃນລະດູແລງເປັນສິນຄ້າອີກດ້ວຍ.

- Wave100S AD to Website 2020 0 - ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ

 

- WhatsApp Image 2020 05 27 at 5 - ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ
- WhatsApp Image 2020 05 27 at 5 - ການນໍາກະຊວງກະສິກໍາ ລົງຊຸກຍູ້ການຜະລິດລະດູແລ້ງ ແຂວງສາລະວັນ
error: Alert: ເນື້ອຫາຂ່າວມີລິຂະສິດ !!