ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ

- laos vietnam - ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ
- Untitled design - ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ

ກອງປະຊຸມປຶກສາຫາລືດ້ານການເມືອງລະດັບລັດຖະມົນຕີຄັ້ງທີ 4 ລະຫວ່າງລາວ ແລະ ຫວຽດນາມໄດ້ຈັດຂຶ້ນເມື່ອບໍ່ດົນມານີ້, ທີ່ນະຄອນຫລວງຮ່າໂນ້ຍ ສສ ຫວຽດນາມ, ຝ່າຍລາວນໍາໂດຍທ່ານລັດຖະມົນຕີກະຊວງການຕ່າງປະເທດ ສະເຫລີມໄຊ ກົມມະສິດ ແລະ ຝ່າຍຫວຽດນາມ ນໍາໂດຍທ່ານ ຟາມບິ່ງມິງ ຮອງນາຍົກລັດຖະມົນຕີ, ລັດຖະມົນຕີກະຊວງການ ຕ່າງປະເທດຫວຽດນາມ.

​ໃນກອງປະຊຸມ, ສອງຝ່າຍໄດ້ພ້ອມກັນຕີລາຄາ ແລະ ທົບທວນ ຄືນການຮ່ວມມືກັນໃນໄລຍະຜ່ານມາ ແລະ ເປັນເອກະພາບກັນໃນຫລາຍບັນຫາເປັນຕົ້ນ: ດ້ານການເມືອງ, ເສດຖະກິດ, ວັດທະນາທໍາ-ສັງຄົມ,​ ວຽກງານປ້ອງກັນຊາດ-ປ້ອງກັນຄວາມສະຫງົບ ແລະ ຂົງເຂດອື່ນໆ, ພ້ອມທັງໄດ້ມີການແລກປ່ຽນການຢ້ຽມຢາມເຊິ່ງກັນ ແລະ ກັນໃນຫລາຍລະດັບ, ແຕ່ສູນກາງຮອດທ້ອງຖິ່ນ ແລະ ໄດ້ຈັດຫລາຍກິດຈະກຳທີ່ເປັນມູນເຊື້ອເພື່ອຮັດແໜ້ນຄວາມສາມັກຄີພິເສດຂອງສອງຊາດລາວ-ຫວຽດນາມ. ນອກນັ້ນ, ຍັງໄດ້ປຶກສາຫາລືເພື່ອສົ່ງເສີມການຮ່ວມມືກັນຫລາຍຂຶ້ນໃນດ້ານການລົງທຶນ, ການຄ້າ ແລະ ການສຶກສາ ໃຫ້ມີປະສິດທິຜົນດີຂຶ້ນກວ່າເກົ່າ, ສອງຝ່າຍໄດ້ຢືນຢັນຈະສືບຕໍ່ຮ່ວມມືກັນຢ່າງໃກ້ຊິດ ເພື່ອເປັນເສນາທິການໃຫ້ແກ່ການນຳຂັ້ນສູງສອງຝ່າຍ ເພື່ອເສີມຂະຫຍາຍສາຍພົວພັນຮ່ວມມືລະຫວ່າງສອງປະເທດໃຫ້ຂະຫຍາຍຕົວໄປເລື້ອຍໆລວມທັງຊຸກຍູ້ບັນດາຂະແໜງການຕ່າງໆສືບຕໍ່ຈັດຕັ້ງປະຕິບັດບັນດາເອກະສານຮ່ວມມືທີ່ສອງຝ່າຍໄດ້ລົງນາມຮ່ວມກັນແລ້ວໃຫ້ໄດ້ຮັບການຈັດຕັ້ງປະຕິບັດຢ່າງມີປະສິດທິຜົນ ແລະ ໃນໄວໆນີ້ແມ່ນຈະປະສານສົມທົບກັບທຸກໆຂະແໜງການຂອງທັງສອງປະເທດເພື່ອກະກຽມໃຫ້ແກ່ການຢ້ຽມຢາມຂອງການນຳຂັ້ນສູງລະຫວ່າງສອງປະເທດ, ໂດຍສະເພາະໃນເດືອນທັນວານີ້ຈະມີການຢ້ຽມຢາມ ແລະ ເຂົ້າຮ່ວມພິທີປິດປີສາມັກຄີມິດຕະພາບ 2017 ຂອງສະຫາຍເລຂາທິການໃຫຍ່, ປະ ທານປະເທດ ບຸນຍັງ ວໍລະຈິດ ລວມເຖິງກອງປະຊຸມຂອງສອງກົມການເມືອງ ແລະ ກອງປະຊຸມຄັ້ງທີ 40 ຂອງຄະນະກຳມະການຮ່ວມມືລາວ-ຫວຽດນາມທີ່ຈະມີຂຶ້ນໃນຕົ້ນປີ 2018.

- Wave100S AD to Website 2020 0 - ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ

ໃນໂອກາດການຢ້ຽມຢາມນີ້, ທ່ານລັດຖະມົນຕີຕ່າງປະເທດ ສະເຫລີມໄຊ ກົມມະສິດ ໄດ້ເຂົ້າຢ້ຽມຂ່ຳນັບທ່ານນາຍົກລັດຖະມົນຕີ ສສ ຫວຽດນາມ ຫງວຽນ ຊວນ ຝຸກ ແລະ ໃນໄດ້ປາຖະກະຖາໃນຫົວຂໍ້: “70 ປີ ການທູດລາວ ແລະ 55 ປີວັນສ້າງຕັ້ງການທູດລາວ-ຫວຽດນາມ” ໂດຍມີນັກການທູດ, ນັກສຶກສາລາວ ແລະ ຫວຽດນາມເຂົ້າຮ່ວມຮັບຟັງຫລາຍກວ່າ 200 ຄົນ. ໃນໂອກາດນີ້, ກະຊວງການຕ່າງປະເທດແຫ່ງ ສປປ ລາວ ໄດ້ປະດັບຫລຽນໄຊແຮງງານ ຊັ້ນ 1 ໃຫ້ແກ່ທ່ານ ຫງວຽນ ແໝ້ງ ຮຸ່ງ ອະດີດເອກອັກຄະລັດຖະທູດແຫ່ງ ສສ ຫວຽດນາມ ປະຈຳລາວ ໄລຍະ 2012-2016 ທີ່ມີຜົນງານດີເດັ່ນໃນການປະກອບສ່ວນເຂົ້າໃນການພັດທະນາເສດຖະກິດລາວ ແລະ ສົ່ງເສີມສາຍພົວພັນມິດຕະພາບອັນຍິ່ງໃຫຍ່, ຄວາມມັກຄີພິເສດ ແລະ ການຮ່ວມມືຮອບດ້ານລະຫວ່າງ ລາວ-ຫວຽດນາມໃຫ້ນັບມື້ຂະຫຍາຍຕົວງອກງາມຍິ່ງໆຂຶ້ນ.

- WhatsApp Image 2020 05 27 at 5 - ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ
- WhatsApp Image 2020 05 27 at 5 - ລາວ-ຫວຽດນາມ ທົບທວນການຮ່ວມມືວຽກງານຕ່າງປະເທດ
error: Alert: ເນື້ອຫາຂ່າວມີລິຂະສິດ !!