ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ

- 031312 2017 - ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ
- Untitled design - ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ
  1. ອ່ານອອກສຽງໃຫ້ລູກຟັງ : ອ່ານໜັງສືນິທານໃຫ້ລູກຟັງເປັນປະຈຳ, ຕອນອ່ານນັ້ນກໍໃຫ້ລູກເປີດໜ້າໜັງສື ແລະ ເບິ່ງຮູບໃນໜັງສືໄປນຳ ລູກຈະໄດ້ປຽບທຽບສຽງກັບຮູບພາບທີ່ລູກເຫັນໃນໜັງສື ເຮັດໃຫ້ຮຽນຮູ້ໄດ້ໄວຂຶ້ນ, ໝັ່ນຖາມລູກວ່າລູກຄິດວ່າຈະເກີດຫຍັງຂຶ້ນຕໍ່ໄປ ເຮັດແບບນີ້ເລື້ອຍໆເປັນການຝຶກໃຫ້ລູກໃຊ້ວິທີຈື່ຈາກການປຽບທຽບສຽງກັບສິ່ງທີ່ລູກເຫັນ ຄືກັບການຈັບຄູ່ສິ່ງຂອງ.
  2. ລົມກັບລູກຕະຫລອດເວລາ : ລົມກັບລູກໂດຍການຕັ້ງຄຳຖາມ, ການຖາມຈະເຮັດໃຫ້ລູກຄິດຈາກສິ່ງທີ່ໄດ້ຍິນ ແລະ ພະຍາຍາມຮຽບຮຽງອອກມາເປັນຄຳເວົ້າຕາມຈິນຕະນາການຂອງລູກເອງ, ຢ່າຂັດຈັງຫວະການເວົ້າ ເຖິງວ່າລູກຈະເວົ້າຜິດກໍຕາມ, ປະເດັນສຳຄັນແມ່ນໃຫ້ລູກໄດ້ຝຶກເວົ້າຢ່າງໝັ້ນໃຈໂດຍບໍ່ຕ້ອງຢ້ານຜິດ.
  3. ຮ້ອງເພງໃຫ້ລູກຟັງ : ທຸກເຮືອນທີ່ມີເດັກນ້ອຍຕ້ອງເຄີຍໄດ້ຍິນສຽງເພງກ່ອມລູກ ເຊິ່ງກໍມີຫລາຍໆເພງທີ່ນິຍົມເອົາມາຮ້ອງ ກ່ອມລູກ ເພາະຊ່ວຍໃຫ້ລູກອອກສຽງໄດ້ງ່າຍ ທັງຄົນຮ້ອງກໍສາມາດເຮັດທ່າທາງຕາມເພງທີ່ຮ້ອງຈົນລູກຄິດມ່ວນ ແລະ ເຮັດນຳ, ລູກຈະຮຽນຮູ້ວ່າສິ່ງທີ່ຮ້ອງນັ້ນສະແດງເຖິງຫຍັງ, ເຖິງສັດ, ສິ່ງຂອງ ແລະ ມີທ່າທາງແນວໃດ ຫລື ທ່ານອາດຈະແຕ່ງເພງທີ່ມີທ່າທາງ ແລະ ທຳນອງຂອງໂຕເອງໃຫ້ເຂົ້າກັບສິ່ງທີ່ທ່ານຢາກສະແດງໃຫ້ລູກເຮັດໄປນຳກໍໄດ້.
  4. ຫລິ້ນເກມຄຳສັບ : ກໍຄ້າຍຄືກັບການຮ້ອງເພງແລ້ວໃຫ້ອອກສຽງນຳ, ແຕ່ເລືອກໄປເຮັດຢູ່ນອກເຮືອນ ເຊັ່ນ : ຕາມສະຖານທີ່ສາທາລະນະ ຫລື ສວນເດັກຫລິ້ນທີ່ທ່ານຄິດວ່າໜ້າຈະມີຫຍັງທີ່ດຶງດູດຄວາມສົນໃຈລູກໃຫ້ອອກສຽງ ແລະ ເຮັດນຳໄດ້ງ່າຍ, ສິ່ງສຳຄັນຕ້ອງເຮັດໃຫ້ມ່ວນ ລູກຈຶ່ງຈະມັກ ແລະ ຮຽນຮູ້ໄດ້ໄວ.
  5. ຫ້າມລົມແບບບໍ່ເປັນພາສາອີກຕໍ່ໄປ : ກ່ອນທີ່ທ່ານຈະຮຽກຮ້ອງຄວາມສົນໃຈຂອງລູກ ແລະ ຝຶກໃຫ້ເວົ້ານຳໄດ້ຕ້ອງໃຊ້ເວລາ ແລະ ຄວາມອົດທົນພໍສົມຄວນ. ດັ່ງນັ້ນ,​ ຢ່າເບື່ອໜ່າຍແລ້ວກັບໄປລົມກັບລູກແບບບໍ່ເປັນພາສາອີກຕໍ່ໄປ ເພາະຈະເຮັດໃຫ້ລູກບໍ່ຮຽນຮູ້ຄຳສັບໃໝ່ໆ ແລະ ເຮັດໃຫ້ທ່ານເສຍເວລາລ້າ.
  6. ໃຊ້ໜັງສືມີຮູບປະກອບ : ໜັງສືມີຮູບປະກອບເຮັດຂຶ້ນມາ ເພື່ອຊ່ວຍການຮຽຮູ້ຂອງເດັກ ຫາໜັງສືທີ່ເໝາະສົມກັບໄວຂອງລູກ ແລະ ໃຊ້ມັນໃຫ້ເປັນປະໂຫຍດ, ໜັງສືຮູບປະກອບທີ່ມີສີສັນສົດໃສຊ່ວຍໃຫ້ລູກຈື່ຮູບຮ່າງ ແລະ ການອອກສຽງ, ການໃຫ້ລູກພະຍາຍາມອະທິບາຍເຖິງສິ່ງທີ່ໄດ້ເຫັນຕາມຮູບແບບຂອງເຂົາເອງເປັນການທົບທວນຄວາມຈື່ຈຳຂອງລູກ ເຊິ່ງຊ່ວຍໃນຂະບວນການຮຽນຮູ້ໄດ້ດີ.

7. ຄຳສັບປະຈຳມື້ນີ້ : ເລືອກຄຳສັບປະຈຳວັນ ແລະ ໃຊ້ຄຳສັບ ຄຳນັ້ນກັບລູກເລື້ອຍໆໃນມື້ນັ້ນ, ໃຫ້ລູກເວົ້າ ແລະ ຍົກໂຕຢ່າງຄຳສັບນັ້ນເອງ ເມື່ອລູກເວົ້າໄດ້ຄວນຍ້ອງຍໍຊົມເຊີຍ ແລະ ໃຫ້ລາງວັນ.

- WhatsApp Image 2020 05 27 at 5 - ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ
- WhatsApp Image 2020 05 27 at 5 - ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ
- Wave100S AD to Website 2020 0 - ເຄັດລັບຊ່ວຍໃຫ້ລູກຮຽນຮູ້ພາສາຫລາຍຂຶ້ນ
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!