ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ

- DQ48Wc1WkAENEa5 - ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ
- Untitled design - ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ

ທະນາຄານ​ໂລກ​ຖື​ເປັນ​ອົງ​ກອນ​ການ​ເງິນ​ລະດັບ​ໂລກ​ແຫ່ງ​ທຳ​ອິດ ທີ່​ກຽມ​ຢຸດ​ການ​ຊ່ວຍ​ເຫລືອ​ແກ່​ໂຄງການ​ສຳ​ຫລວດ ​ແລະ ຂຸດ​ເຈາະ​ນ້ຳມັນ ​ແລະ ​ແກັສທຳ​ມະ​ຊາດ ພາຍຫລັງ​ປີ 2019 ​ເປັນ​ຕົ້ນ​ໄປ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ປາຣີ ປະ​ເທດ​ຝຣັ່ງ ​ໃນ​ວັນ​ທີ 13 ທັນວາ​ວ່າ: ທະນາຄານ​ໂລກ (WB) ອອກ​ຖະ​ແຫລ​ງການ​ໃນ​ວັນ​ທີ 12 ທັນວາ ກຽມ​ຢຸດ​ການ​ມອບ​ການ​ສະໜັບສະໜູນ​ດ້ານ​ການ​ເງິນ​ໃຫ້​ແກ່​ໂຄງການ​ສຳ​ຫລວດ ​ແລະ ຂຸດ​ເຈາະ​ນ້ຳມັນ ​ແລະ ​ແກັສທຳ​ມະ​ຊາດ ຫລັງ​ຈາກ​ປີ 2019 ​ເປັນຕົ້ນ​ໄປ ​ເພື່ອ​ໃຫ້​ສອດຄ່ອງ​ກັບ​ຈຸດ​ຢືນ​ຂອງ​ອົງ​ກອນ​ໃນ​ການ​ສະໜັບສະໜູນ​ຂໍ້​ຕົກລົງ​ປາຣີ ສະບັບ​ປີ 2015 ວ່າ​ດ້ວຍ​ການ​ຄວບ​ຄຸມ​ລະດັບ​ອຸນຫະພູມ ​ເພື່ອ​ບໍ່​ໃຫ້​ສົ່ງ​ຜົນ​ຕໍ່​ການ​ປ່ຽນ​ແປງ​ສະພາບ​ອາກາດ​ໂລກ.

​ເຖິງ​ຢ່າງ​ໃດ​ກໍ​ຕາມ, ລາຍ​ງານ​ຂອງ​ທະນາຄານ​ໂລກ​ລະບຸ​ເຖິງ “ຂໍ​້ຍົກ​ເວັ້ນ” ​ໃນ​ການ​ມອບ​ການ​ຊ່ວຍ​ເຫລືອ​ແກ່​ໂຄງການ​ດັ່ງກ່າວ​ຂອງ​ໜ່ວຍ​ງານ​ໃດ​ກໍ​ຕາມ ​ເພື່ອ​ຜົນ​ປະ​ໂຫຍ​ດຂອງ​ປະຊາຊົນ​ໃນ​ປະ​ເທດ​ທີ່​ທຸກ​ຍາກ ​ເຊິ່ງຍັງ​ມີ “ຄວາມ​ຈຳ​ເປັນ” ຕ້ອງ​ໃຊ້​ພະລັງງານ​ດັ່ງກ່າວ ​ແລະ ​ໂຄງການ​ທີ່​ມີ​ແນວທາງ​ດຳ​ເນີນ​ງານ​ເປັນ​ໄປ​ຕາມ​ຂໍ້​ບັງຄັບ​ຂອງ​ຂໍ້​ຕົກລົງ​ປາຣີ.

ການ​ເຄື່ອນ​ໄຫວ​ດັ່ງກ່າວ​ຂອງ​ທະນາຄານ​ໂລກ​ຖື​ເປັນ​ອົງ​ກອນ​ການ​ເງິນ​ລະດັບ​ໂລກ​ແຫ່ງ​ທຳ​ອິດ ທີ່​ຮ່ວມ​ສະ​ແດງ​ບົດບາດ​ຢ່າງ​ຈິງ​ຈັງ​ເພື່ອ​ສະໜັບສະໜູນ​ຂໍ້​ຕົກລົງ​ປາຣີ. ຂະນະ​ດຽວ​ກັນ ທະນາຄານ​ໂລກ​ຍັງ​ເປີດ​ເຜີຍ​ເຖິງ​ຄວາມ​ຄືບ​ໜ້າ​ຂອງ​ການ​ເຂົ້າ​ໃກ້​ເປົ້າໝາຍ​ ​ໃນ​ການຈັດ​ສັນ​ງົບປະມານ 28% ​ເພື່ອ​ສະໜັບສະໜູນ​ໂຄງການ​ຮັກສາ ​ແລະ ພັດທະນາ​ດ້ານ​ສິ່ງ​ແວດ​ລ້ອມ ພາຍ​ໃນ​ປີ 2020 ນຳ​ອີກ.

 

- WhatsApp Image 2020 05 27 at 5 - ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ
- WhatsApp Image 2020 05 27 at 5 - ທະນາຄານໂລກກຽມເລີກສະໜັບສະໜູນ ໂຄງການປິໂຕຣລຽມຕົ້ນນ້ຳ
error: Alert: ເນື້ອຫາຂ່າວມີລິຂະສິດ !!