ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ

- 1513151505242 960x0 - ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ
- Untitled design - ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ

ທາງ​ການ​ຕວກກີ​ຮຽກຮ້ອງ​ໃນ​ວັນ​ທີ 13 ທັນວາ​ນີ້ ​ໃຫ້​ທົ່ວ​ໂລກ​ຮັບຮອງ​ສະຖານະ​​ເຢລູຊາ​ເລ​ມຕາ​ເວັນ​ອອກ​ເປັນ​ເມືອງຫລວງ​ຂອງ​ລັດ​ປາ​ແລັສຕິນ, ຂະນະ​ເປີດ​ກອງ​ປະຊຸມ​ປະ​ເທດ​ອິດສະ​ລາມ ​ເຊິ່ງມີ​ຂຶ້ນ​ເພື່ອ​ຕອບ​ໂຕ້​ທີ່​ອາ​ເມ​ລິ​ກາ​ປະກາດ​ຮັບຮອງ​ເຢລູຊາ​ເລ​ມ​ເປັນ​ເມືອງ​ຫລວງ​ອິດສະ​ລາ​ແອນ.

ທ່ານ ​ເມ​ຟລຸດ ຄາ​ວູ​ໂຊກ​ລູ ລັດຖະມົນຕີ​ຕ່າງປະ​ເທດ​ຕວກກີ ກ່າວ​ໃນ​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ກ່ອນ​ໜ້າ​ກອງ​ປະຊຸມ​ສຸດ​ຍອດ​ຢ່າງ​​ເຕັມ​ຮູບ​ແບບ​ວ່າ: ທຸກ​ປະ​ເທດ​ຕ້ອງ​ຮັບຮອງ​ສະຖານະ​ລັດ​ປາ​ແລັສຕິນກ່ອນ, ຈາກ​ນັ້ນ​ໃຫ້​ຮັບຮອງ​ດິນ​ແດນ​ເຢລູຊາ​ເລ​ມຕາ​ເວັນ​ອອກ​ເປັນ​ເມືອງ​ຫລວງ​ຂອງ​ປາ​ແລັສຕິນ. ​ເຢລູຊາ​ເລ​ມຖື​ເປັນ​ດິນ​ແດນ​ສັກສິດ​ຂອງ​ຊາວ​ຢິວ, ຊາວ​ຄຣິສ ​ແລະ ຊາວ​ມຸດ​ສະ​ລິ​ມ ລວມທັງ​ເປັນ​ບັນຫາ​ສຳຄັນ​ຂອງ​ຄວາມ​ຂັດ​ແຍ່ງ​ລະຫວ່າງ​ອິດສະ​ລາ​ແອນ​ກັບປາ​ແລັສຕິນມາ​ຫລາຍ​ສິບ​ປີ, ອິດສະ​ລາ​ແອນ​ເຂົ້າຍຶດຄອງ​ດິນ​ແດນ​​ເຢລູຊາ​ເລ​ມຕາ​ເວັນ​ອອກ​ໃນ​ສ່ວນ​ຂອງ​ອາຣັບ​ໄລຍະ​ສົງຄາມ​ຕາ​ເວັນ​ອອກ​ກາງ​ປີ 1967 ​ແລະ ​ໄດ້​ລວບ​ລາມ​ດິນ​ແດນ​ນັບ​ແຕ່​ນັ້ນ, ​ແຕ່​ເປັນ​ການ​ກະທຳ​ທີ່​ບໍ່​ໄດ້​ຮັບ​ການ​ຮັບຮອງ​ຈາກ​ບັນດາ​ປະ​ເທດ. ຕວກກີ​ເຊີນ​ຜູ້ນຳ​ປະ​ເທດ​ອົງການ​ການ​ຮ່ວມ​ມື​ອິດສະ​ລາມ ​ເຊິ່ງມີ​ສະມາຊິກ​ກວ່າ 50 ປະ​ເທດ​ມາ​ຮ່ວມ​ກອງ​ປະຊຸມ ຢູ່​ນະຄອນ​ອິສຕັນ​ບູນ ​ໃນ​ວັນ​ທີ 13 ທັນວາ ​ເພື່ອ​ສະ​ແດງ​ທ່າ​ທີ​ຮ່ວມ​ກັນ​ໃນ​ການ​ຕອບ​ໂຕ້​ການ​ຕັດສິນ​ໃຈ​ຂອງ​ປະທານາທິບໍດີ ​ໂດ​ນັນ ທຣຳ ຜູ້ນຳ​ອາ​ເມ​ລິ​ກາ.

- Wave100S AD to Website 2020 0 - ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ
- WhatsApp Image 2020 05 27 at 5 - ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ
- WhatsApp Image 2020 05 27 at 5 - ຕວກກີຂໍໃຫ້ທົ່ວໂລກຮັບຮອງເຢລູຊາເລມ ຕາເວັນອອກເປັນເມືອງຫລວງປາແລັສຕິນ
error: Alert: ເນື້ອຫາຂ່າວມີລິຂະສິດ !!