ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

- 45744 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້
- Untitled design - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

ປີທ່ອງທ່ຽວລາວ 2018 ກໍນັບມື້ໃກ້ເຂົ້າມາທຸກຂະນະ, ກ່ອນຈະເຖິງປີໃໝ່ສາກົນ 2018 ທິດກ່ຳໄດ້ໄປເລາະສຳພັດບາງ ບ່ອນໃນຂອບເຂດນະຄອນ ຫລວງ ແລະ ໃນບາງທ້ອງຖິ່ນ ຢູ່ ຕ່າງແຂວງເຫັນພາບບັນຍາ ກາດແຫ່ງປີທ່ອງທ່ຽວເລີ່ມຄຶກຄັກແຕ່ຫົວທີ, ບາງແຂວງກໍເລີ່ມ ເປີດປີທ່ອງທ່ຽວຂອງຕົນໄປ ແລ້ວເຊັ່ນ: ນະຄອນຫລວງວຽງ ຈັນກໍຖືໂອກາດບຸນນະມັດສະ ການພະທາດຫລວງ 2017 ທີ່ຜ່ານມາ, ແຂວງບໍລິຄຳໄຊ ກໍຈັດພິທີເປີດໃນໂອກາດບຸນພະ ບາດໂພນສັນ, ແຂວງສະຫວັນນະເຂດກໍຖືເອົາໂອກາດບຸນພະ ທາດອີງຮັງທີ່ຫາກໍຜ່ານພົ້ນ ໄປບໍ່ພໍເທົ່າໃດວັນມານີ້. ສ່ວນ ແຂວງອື່ນໆກໍຈະເລີ້ມທະຍອຍກັນເປີດນັບແຕ່ນີ້ໄປຫາຕົ້ນປີ 2018 ແມ່ນຈະສຳເລັດໃນທົ່ວປະເທດ.

- 23167877 1072049022932466 5229209985013960486 n - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

+ ຂອດບໍລິການທີ່ບໍ່ຄວນເບິ່ງຂ້າມ

+ ບັນຫານ້ອຍໆ ແຕ່ບໍ່ຄວນເບິ່ງຂ້າມ

ອີກສິ່ງໜຶ່ງ, ທີ່ທິດກ່ຳໄດ້ ເຫັນພາບ ບັນຍາກາດເລີ່ມຄຶກ ຄັກແຕ່ຫົວທີນັ້ນ, ແມ່ນການໂຄ ສະນາໃຫ້ປີທ່ອງທ່ຽວຖືວ່າວົງການສື່ທຸກລະດັບນັບແຕ່ຂັ້ນ ສູນກາງລົງຮອດທ້ອງຖິ່ນ, ວິ ທະຍຸ, ໂທລະພາບ, ທັງໜັງສືພິມ ທຸກປະເພດ, ທັງສື່ອອນລາຍ ຕ່າງໆ ກໍໄດ້ພາກັນອ່ວຍໜ້າ ໄປຫາປີທ່ອງທ່ຽວລາວດ້ວຍ ຄວາມພ້ອມພຽງ ແລະ ເບີກ ບານມ່ວນຊື່ນ. ປະກົດການທີ່ ທິດກ່ຳໄດ້ເຫັນອີກສິ່ງໜຶ່ງກໍ ຄືການປົວແປງຖະໜົນຫົນ ທາງທີ່ເປ່ເພໃນຊ່ວງຍາມຝົນ ຜ່ານມາກໍໄດ້ລົງມືຫລາຍບ່ອນ ຫລາຍທີ່ແລ້ວ, ເປັນຕົ້ນບາງ ເສັ້ນທາງຢູ່ໃນນະຄອນຫລວງ ວຽງຈັນ ແລະ ຕາມສາຍທາງ 13 ໃຕ້ຍ່ານເຂດແຂວງບໍລິຄຳ ໄຊ ແລະ ບ່ອນອື່ນໆ ກໍພວມ ເລີ້ມລົງມືໃນຫລາຍທ້ອງຖິ່ນ ແລະ ຫລາຍເຂດແຂວງ, ຄາດ ກະວ່າການເດີນທາງໄປມາ ໃນໂອກາດປີທ່ອງທ່ຽວລາວ 2018 ຫລາຍຈຸດຫລາຍບ່ອນ ກໍຈະມີແຕ່ຄວາມສະດວກສະ ບາຍຕາມແຜນການວາງໄວ້. ຈຳນວນນັກທ່ອງທ່ຽວທີ່ຈະ ເຂົ້າມາລາວ ແລະ ຈຳນວນລາຍ ຮັບທີ່ຈະໄດ້ເປັນກອບເປັນກຳ ນັ້ນກໍອາດບໍ່ໄກເກີນເອື້ອມ.

 

- 15078868 984309065028350 2592495129951631594 n 1 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

ຕາມເຮົາຄິດ, ເມື່ອກ່າວ ເຖິງການທ່ອງທ່ຽວແລ້ວສະຖານທີ່ ທີ່ເຮົາບໍຄວນລືມໃນ ຫລາຍບ່ອນນັ້ນ, ກໍແມ່ນເຂດ ອານຸສອນສະຖານທາງປະ ຫວັດສາດອັນສຳຄັນຂອງ ຊາດ. ເປັນຕົ້ນອານຸສອນສະ ຖານຂອງວິລະກະສັດໄດ້ແກ່ ພະຍາເຈົ້າຟ້າງຸ່ມມະຫາລາດ, ເຈົ້າອານຸວົງ ແລະ ຜູ້ອື່ນໆ ທີ່ມີ ຢູ່ພາຍໃນປະເທດ. ສ່ວນບັນດາ ທ່ານ ຜູ້ນຳຕ່າງໆກໍແມ່ນອານຸ ສອນສະຖານປະທານ ໄກສອນ ພົມວິຫານ, ປະທານ ສຸພານຸວົງ, ບັນດາທ່ານຜູ້ນຳອື່ນໆ ທີ່ມີຢູ່ ນະຄອນຫລວງວຽງຈັນ, ເຂດ ທີ່ໝັ້ນການປະຕິວັດ ຫລື ຢູ່ຕ່າງ ແຂວງໃນທົ່ວປະເທດ. ອັນສຳ ຄັນທີ່ສຸດຄືໃນວັນທີ 13 ເດືອນ ທັນວາຂອງທຸກປີເປັນວັນເກີດ ຂອງທ່ານ ປະທານ ໄກສອນ ພົມວິຫານ ວິລະບູລຸດຂອງ ຊາດລາວພວກເຮົາຍິ່ງມີການ ຈັດຕັ້ງນຳພາລູກຫລານ, ນ້ອງ ນ້ອຍເຍົາວະຊົນ, ຊາວໜຸ່ມ, ນັກ ຮຽນນັກສຶກສາເຂົ້າໄປຄາລະ ວະ ແລະ ສຳພັດເພື່ອສຶກສາ ຄົ້ນຄວ້າພາລະກິດຂອງເພິ່ນທີ່ ມີຕໍ່ຊາດບ້ານ ເມືອງ, ດີແທ້ການ ນຳໃນແຕ່ລະສະ ຖາບັນການ ສຶກສາ, ແຕ່ລະຂັ້ນຕ້ອງໄດ້ ສ້າງແຜນເປັນກິດຈະກຳໜຶ່ງທີ່ ສຳຄັນ ແລະ ຂາດບໍ່ໄດ້, ເຊິ່ງໃນ ຜ່ານມາ ທິດກ່ຳ ກໍບໍ່ຄ່ອຍເຫັນ ພໍເປັນຂະບວນກວ້າງຂວາງ ເທົ່າທີ່ຄວນ ຖ້າທຽບໃສ່ປະເທດ ຫວຽດນາມກັບປະເທດຈີນ. ສ່ວນຫລາຍ ທິດກ່ຳ ເຫັນແຕ່ເພິ່ນ ພາກັນໂຫ່ເຂົ້າຮ້ານອາຫານ, ຮ້ານເຫລົ້າ, ຮ້ານເບຍ ເວົ້າສະ ເພາະແມ່ນຊາວ ໜຸ່ມນັກຮຽນ- ນັກສຶກສາຂັ້ນ ມປາຍ, ວິທະຍາ ໄລ ແລະ ມະຫາວິທະຍາໄລບໍ່ ວ່າພາກລັດ ແລະ ເອກະຊົນ, ທິດກ່ຳຂໍເວົ້າຄວາມຈິງນັກຮຽນ- ນັກສຶກສາເຮົາດຽວນີ້ມີຈຳນວນ ບໍ່ໜ້ອຍບໍ່ຄ່ອຍຮູ້ຮອດວິລະບູ ລຸດ ແລະ ຜູ້ນຳຂອງຕົນເອງບໍ່ ວ່າຕົວເມືອງ ຫລື ແຖວຊົນນະ ບົດຫລາຍບ່ອນ ທິດກ່ຳ ໄດ້ມີ ໂອກາດຖາມນັກຮຽນ- ນັກສຶກ ສາຫລາຍຄົນວ່າ: ປະທານ ໄກ ສອນ ພົມວິຫານ ແມ່ນໃຜ? ປະ ທານ ປະເທດເຮົາ ແລະ ນາຍົກ ເຮົາຄົນປັດຈຸບັນແມ່ນໃຜເຂົາ ກໍຕອບເປັນທຳນອງດຽວກັນ ວ່າ: “ບໍ່ຮູ້” ເມື່ອເຂົາຕອບໄປ ແລ້ວກໍບໍ່ມີໃຜຈະສົນໃຈຢາກ ຊອກຮູ້ພາກັນກົ້ມໜ້າເບິ່ງໂທ ລະສັບພໍໃຜພໍມັນ,ນີ້ຄືປະກົດ ການລ້ຳໜ້າຢ່າງສຽບຂາດ ຂອງນັກຮຽນນັກສຶກສາຍຸກ ໃໝ່ໄຟແຮງ.

- Wave100S AD to Website 2020 0 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

ແນວໃດກໍຕາມ, ໃນໂອ ກາດປີທ່ອງທ່ຽວປີ 2018 ທີ່ ຈະມາເຖິງນີ້ຄິດວ່າຖ້າຫາກຂັ້ນ ນຳການສຶກສາໃນແຕ່ລະຂັ້ນ ຫາກມີຈິດສຳນຶກຍິງປືນລູກ ດຽວໄດ້ນົກ 2 ໂຕ ຄິດຢາກສ້າງ ກິດ ຈະກຳຖືເອົາການທັດສະນະ ສຶກສາໃນຮູບແບບທ່ອງທ່ຽວ ກໍອາດມີຜົນດີໃນການສ້າງ ຄົນໃນເງື່ອນໄຂບ້ານເມືອງເຮົາ ພວມພັດທະນາ.

 

- 45744 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້

 

ໂດຍ: ທິດກ່ຳ

- WhatsApp Image 2020 05 27 at 5 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້
- WhatsApp Image 2020 05 27 at 5 - ເຂດອານຸສອນສະຖານໜຶ່ງໃນແຫລ່ງທ່ອງທ່ຽວທີ່ໃຫ້ຄວາມຮູ້
error: Alert: ເນື້ອຫາຂ່າວມີລິຂະສິດ !!