ທ່ານ ປູຕິນ ຕ້ອນຮັບທ່ານ ອັນວາ ຢ້ຽມຢາມຣັດເຊຍ ຫາລືທະວີພາຄີ ຫວັງຮັດແໜ້ນການພົວພັນກັບອາຊຽນ
ນາຍົກລັດຖະມົນຕີ ອັນວາ ອິບຣາຮິມ ຂອງມາເລເຊຍ ພົບປະຫາລືກັບປະທານາທິບໍດີ ວະລາດິເມຍ ປູຕິນ ຂອງຣັດເຊຍ ຢູ່ທໍານຽມເກຣມລິນ ນະຄອນຫລວງມົດສະກູ ໃນວັນທີ 14 ພຶດສະພາ ໃນການຢ້ຽມຢາມຣັດເຊຍຢ່າງເປັນທາງການລະຫວ່າງວັນທີ 13-16 ພຶດສະພາ.
ໂດຍທ່ານ ປູຕິນ ກ່າວວ່າ: ທ່ານ ແລະ ທ່ານ ອັນວາ ໄດ້ເຈລະຈາກັນໃນຫລາຍບັນຫາທະວີພາຄີ ລວມທັງບັນຫາສາກົນ ແລະ ແຜນສົ່ງເສີມການຮ່ວມມືລະຫວ່າງ ຣັດເຊຍ ແລະ ມາເລເຊຍ.
ຂະນະທີ່ທ່ານເນັ້ນເຖິງການສົ່ງເສີມການພົວພັນລະຫວ່າງສອງປະເທດ ແລະ ກ່າວວ່າ: ມົດສະກູຄາດຫວັງຈະຮັດແໜ້ນການພົວພັນກັບອາຊຽນໃຫ້ແໜ້ນແຟ້ນຍິ່ງຂຶ້ນໃນໄລຍະທີ່ມາເລເຊຍຍັງດໍາລົງຕໍາແໜ່ງປະທານອາຊຽນໃນປີນີ້.
ສ່ວນທ່ານ ອັນວາ ໄດ້ເຊີນທ່ານ ປູຕິນ ເຂົ້າຮ່ວມກອງປະຊຸມສຸດຍອດອາຊີຕາເວັນອອກ (East Asia Summit) ເຊິ່ງເປັນສ່ວນໜຶ່ງຂອງກອງປະຊຸມສຸດຍອດອາຊຽນ ທີ່ຈະມີຂຶ້ນຢູ່ມາເລເຊຍໃນທ້າຍປີນີ້ ໂດຍຊີ້ວ່າການເຂົ້າຮ່ວມປະຊຸມຂອງຣັດເຊຍ ຈະເປັນບາດກ້າວສໍາຄັນໃນການພັດທະນາການພົວພັນລະຫວ່າງ ຣັດເຊຍ ແລະ ມາເລເຊຍ ລວມທັງພາກພື້ນອາຊີຕາເວັນອອກນໍາອີກ.
ອ້າງອີງ:
- https://www.nst.com.my/news/nation/2025/05/1216220/putin-hails-strengthening-russia-malaysia-ties-during-anwars-visit
- https://theedgemalaysia.com/node/755202
- https://www.reuters.com/world/malaysia-pm-discusses-mh17-downing-with-russias-putin-2025-05-15/
