ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ

- 1513233535385 960x0 - ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ
- Untitled design - ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ

ທ່ານ ອັນ​ໂຕ​ນິ​ໂອ ກູ​ເຕີ​ເຣສ ​ເລຂາທິການສະຫະ​ປະຊາ​ຊາດ ກ່າວ​ໃນ​ວັນ​ທີ 14 ທັນວາ​ນີ້​ວ່າ: ມາດ​ຕະການ​ຂວ້ຳບາດ​ຂອງ​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ​ເພື່ອ​ຕອບ​ໂຕ້​ໂຄງການ​ນິວ​ເຄຼຍ ​ແລະ ລູກ​ສອນ​ໄຟ ສປປ ​ເກົາຫລີ ​ເປັນ​ສິ່ງ​ທີ່ ສປປ ​ເກົາຫລີ ​ແລະ ປະ​ເທດ​ຕ່າງໆ​ຕ້ອງ​ປະຕິບັດ​ຕາມ​ຢ່າງ​ເຂັ້ມງວດ​ທັງ​ໝົດ.

ທ່ານ ກູ​ເຕີ​ເຣສ ຖະ​ແຫລ​ງຕໍ່​ສື່​ມວນ​ຊົນ​ພາຍຫລັງ​ພົບ​ກັບ​ນາຍົກລັດຖະມົນຕີ ຊິນ​ໂຊ ອາ​ເບະ ຂອງ​ຍີ່ປຸ່ນ ຢູ່​ນະຄອນຫລວງ​ໂຕ​ກຽວ, ພາຍຫລັງ​ກ່ອນ​ໜ້າ​ນີ້ ທ່ານ ​ເຣັກ ທິລ​ເລີ​ສັນ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ສະ​ເໜີ​ວ່າ: ພ້ອມ​ເລີ່​ມ​ເຈລະຈາ​ກັບ ສປປ ​ເກົາຫລີ ​ໂດຍ​ບໍ່​ມີ​ເງື່ອນ​ໄຂ. ​ເຖິງ​ຢ່າງ​ໃດ​ກໍ​ຕາມ, ທຳນຽບຂາວ​ອາ​ເມ​ລິ​ກາ​ຖະ​ແຫລ​ງວ່າ: ຍັງ​ບໍ່​ມີ​ການ​ເຈລະຈາ​ກັບ ສປປ ​ເກົາຫລີ ຈົນ​ກວ່າ​ຈະ​ປັບປຸງ​ພຶດຕິ​ກຳ​ໃຫ້​ດີ​ຂຶ້ນ ​ແລະ ປະຕິ​ເສດ​ທີ່​ຈະ​ຢືນຢັນ​ວ່າ: ປະທານາທິບໍດີ​ ​ໂດ​ນັນ ທຣຳ ​ເຊິ່ງມີ​ທ່າ​ທີ​ແຂງ​ກະດ້າງ​ກັບ ສປປ ​ເກົາຫລີ ຈະ​ຍອມ​ເຫັນ​ພ້ອມ​ກັບ​ຄຳ​ກ່າວ​ຂອງ​ລັດຖະມົນຕີ​ຕ່າງປະ​ເທດອາ​ເມ​ລິ​ກາ ຫລື ບໍ່. ຂະນະ​ທີ່​ຍີ່ປຸ່ນ​ຢັນ​ຢັນ​ວ່າ: ປັດຈຸບ​ັນທຸກ​ຝ່າຍ​ຕ້ອງ​ຮ່ວມ​ມື​ກັນ​ກົດ​ດັນ ສປປ ​ເກົາຫລີ ​ໃຫ້​ຫລາຍ​ທີ່​ສຸດ ​ແລະ ບໍ່​ແມ່ນ​ໄລຍະ​ເວລາ​ຂອງ​ການ​ເຈລະຈາ​ກັນ. ທ່ານ ​ເຈ​ຟຟຣີ ​ເຟລ​ແມນ ຜູ້ອຳນວຍການ​ຝ່າຍ​ການ​ເມືອງ​ສະຫະ​ປະຊາ​ຊາດ ​ເຊິ່ງຢ້ຽມຢາມ​ນະຄອນຫລວງ​ພຽງ​ຢາງ ​ໃນ​ອາທິດ​ຜ່ານ​ມາ ກ່າວ​ວ່າ: ​ເຈົ້າໜ້າ​ທີ່​ລະດັບ​ສູງ ສປປ ​ເກົາຫລີ ຍັງ​ບໍ່​ຢືນຢັນ​ເລື່ອງ​ການ​ເຈລະຈາ, ​ແຕ່​ເຊື່ອ​ວ່າ​ຍັງ​ມີ​ຫົນທາງ​ຢູ່.

- Wave100S AD to Website 2020 0 - ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ
- WhatsApp Image 2020 05 27 at 5 - ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ
- WhatsApp Image 2020 05 27 at 5 - ເລຂາ UN ເນັ້ນຕ້ອງປະຕິບັດຕາມແຜນ ຂວ້ຳບາດສປປ ເກົາຫລີ ຢ່າງເຂັ້ມງວດ
error: Alert: ເນື້ອຫາຂ່າວມີລິຂະສິດ !!