ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ

- thpc5 - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ
- Untitled design - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ

- thpc5 - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ

ບົດ​ລາຍ​ງານ​ຂອງ​ລັດຖະບານ​ໃຫ້​ຮູ້​ວ່າ: ​ໃນ​ປີ 2017 ນີ້, ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້​ປະມານ 29 ພັນ​ລ້ານ​ກິ​ໂລ​ວັດ​ໂມງ ​ເທົ່າ​ກັບ 96,84% ຂອງ​ແຜນການ​ປີ​ວາງ​ໄວ້ ​ເນື່ອງ​ຈາກ​ໂຄງການ​ເຊ​ກະ​ໝານ 3 ຍັງ​ຢູ່​ໃນ​ການ​ປັບປຸງ ​ແລະ ບໍ່​ໄດ້​ດຳ​ເນີນ​ການ​ຜະລິດ​ກະ​ແສ​ໄຟຟ້າ.

ສະ​ເພາະ 6 ​ເດືອນ​ຕົ້ນປີ​ນີ້ ລາວ​ເຮົາ​ສາມາດ​ສົ່ງ​ອອກ​ກະ​ແສ​ໄຟຟ້າ​ໄດ້​ຫລາຍ​ກວ່າ 10.800 ລ້ານ​ກິ​ໂລ​ວັດ​ໂມງ ຕົກ​ເປັນ​ມູນ​ຄ່າ​ສູງ​ເຖິງ 596 ລ້ານ​ໂດ​ລາ​ສະຫະລັດ ​ແລະ ຄາດ​ວ່າ​ໝົດ​ປີ​ຈະ​ສົ່ງ​ອອກ​ໄດ້​ທັງ​ໝົດ 23.300 ກວ່າ​ລ້ານ​ກິ​ໂລ​ວັດ​ໂມງ.

ມາ​ຮອດ​ປັດຈຸບັນ ປະ​ເທດ​ເຮົາ​ມີ​ໂຄງການ​ຜະລິດ​ກະ​ແສ​ໄຟຟ້າ​ນັບ​ແຕ່ 1 ​ເມ​ກາ​ວັດ​ຂຶ້ນ​ໄປ​ຈຳນວນ 46 ​ແຫ່ງ ລວມມີ​ກຳລັງ​ຕິດຕັ້ງທັງ​ໝົດ 6.757 ​ເມ​ກາ​ວັດ, ​ໃນ​ແຕ່ລະ​ປີ​ສາມາດ​ຜະລິດ​ກະ​ແສ​ໄຟຟ້າ​ໄດ້​ທັງ​ໝົດ 35.600 ລ້ານ​ກວ່າ​ກິ​ໂລ​ວັດ​ໂມງ, ​ໃນ​ນັ້ນມີ​ເຂື່ອນ​ພະລັງງານ້ຳ 43 ​ແຫ່ງ, ພະລັງງານ​ຄວາມ​ຮ້ອນ​ຈາກ​ຖ່ານ​ຫີນ 1 ​ແຫ່ງ ​ແລະ ຈາກ​ກາກ​ອ້ອຍ 2 ​ແຫ່ງ. ພ້ອມ​ນີ້​ຍັງ​ມີ​ເຂື່ອນ​ທີ່​ມີ​ກຳລັງ​ຕິດຕັ້ງຕໍ່າ​ກວ່າ 1 ​ເມ​ກາ​ວັດ​ອີກ​ຈຳນວນ​ໜຶ່ງ ຄື​ເຂື່ອນ​ປາກ​ມອງ, ຫ້ວຍ​ແສ້, ນ້ຳສາດ, ນ້ຳສານ, ນ້ຳ​ແອດ ​ແລະ ອື່ນໆ.

- Wave100S AD to Website 2020 0 - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ

​ໃນ​ປັດຈຸບັນ ລາວ​ພວມ​ດຳ​ເນີນ​ການ​ກໍ່ສ້າງ​ເຂື່ອນ​ລະດັບ​ໃຫຍ່​ຕ່າງໆ ຄື​ເຂື່ອນ​ນ້ຳຂອງ ​ແຂວງ​ໄຊ​ຍະ​ບູລີ ມີ​ກຳລັງ​ຕິດຕັ້ງ 1.285 ​ເມ​ກາ​ວັດ ສຳ​ເລັດ​ແລ້ວ​ປະມານ 85%, ​ເຂື່ອນ​ເຊ​ຂະ​ໝານ 1 ​ແລະ ຊານ​ໄຊ​ມີ​ກຳລັງ​ຕິດຕັ້ງ 32 ​ເມ​ກາ​ວັດ ສຳ​ເລັດ 95%, ​ເຂື່ອນ​ນ້ຳງຽບ 1 ມີ​ກຳລັງ​ຕິດຕັ້ງ 272 ​ເມ​ກາ​ວັດ ສຳ​ເລັດ 68,41%, ​ເຂື່ອນ​ນ້ຳຈຽນ​ມີ​ກຳລັງ​ຕິດຕັ້ງ 104 ​ເມ​ກາ​ວັດ ສຳ​ເລັດ 95%, ​ເຂື່ອນ​ນ້ຳງື່ມ 3 ມີ​ກຳລັງ​ຕິດຕັ້ງ 460 ​ເມ​ກາ​ວັດ ສຳ​ເລັດ 38,93%, ​ເຂື່ອນ​ນ້ຳລີກ 1 ມີ​ກຳລັງ​ຕິດຕັ້ງ 64 ​ເມ​ກາ​ວັດ ສຳ​ເລັດ​ແລ້ວ 56%, ​ເຂື່ອນ​ນ້ຳທາ 1 ມີ​ກຳລັງ​ຕິດຕັ້ງ 168 ​ເມ​ກາ​ວັດ ສຳ​ເລັດ​ແລ້ວ 85,23% ​ແລະ ​ເຂື່ອນ​ດອນ​ສະ​ໂຮງ​ມີ​ກຳລັງ​ຕິດຕັ້ງ 260 ​ເມ​ກາ​ວັດ ສຳ​ເລັດ​ແລ້ວ 20%.

 

- WhatsApp Image 2020 05 27 at 5 - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ
- WhatsApp Image 2020 05 27 at 5 - ປີ 2017 ການ​ຜະລິດ​ໄຟຟ້າ​ຂອງ​ລາວ​ຈະ​ບັນລຸ​ໄດ້ 96,84% ຂອງ​ແຜນ
error: Alert: ເນື້ອຫາຂ່າວມີລິຂະສິດ !!