ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ

- Laos korea - ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ
- Untitled design - ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ

ສ.ເກົາຫລີໄດ້ສະໜອງ​ທຶນ 1 ລ້ານ​ໂດ​ລາ​ສະຫະລັດຊ່ວຍ​ເຫລືອ​ລາວ​ສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບ​ເຊ​ມາ​ອຸນຢູ່ 3 ບ້ານຂອງ​ເມືອງ​ປາກງື່ມນະຄອນຫລວງ​ວຽງ​ຈັນ, ​ເຊິ່ງພິທີ​ເຊັນ​ບົດ​ບັນທຶກຄວາມເຂົ້າໃຈດັ່ງກ່າວ, ​ໄດ້​ມີ​ຂຶ້ນ​ໃນ​ວັນ​ທີ 13 ທັນວານີ້ທີ່​ນະຄອນຫລວງ​ວຽງ​ຈັນລະ​ຫວ່າງທ່ານ ຫລ້າ​ສາຍ ນວນ​ທະ​ສິງ ຫົວໜ້າ​ພະ​ແນ​ກກະສິກຳ ​ແລະ ປ່າ​ໄມ້ນະຄອນຫລວງວຽງ​ຈັນ ກັບ​ທ່ານ ຈັນ ວູນ ຈ້ອງ ຜູ້ຕາງໜ້າ​ມູນ​ນິທິ​ເຊ​ມາ​ອຸນປະຈຳລາວ, ​ໂດຍ​ມີ​ ທ່ານ ​ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ​ນະຄອນ​ຫລວງ​ວຽງ​ຈັນເຂົ້າຮ່ວມເປັນສັກຂີພິຍານນໍາດ້ວຍ.

​  ໂຄງການ​ສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບດັ່ງກ່າວ, ​ແມ່ນ​​ສຸມ​ໃສ່​ພັດທະນາ 3 ບ້ານ​ຂອງ​ເມືອງ​ປາກງື່ມ ຄື: ບ້ານ​ເດື່ອ​ສິງ​ຫອມ, ບ້ານ​ດອນ​ວັງ​ໂພ ​ແລະ ບ້ານ​ໜາ​ກຮຽວ, ໂດຍ​ຈະ​ສ້າງ​ຕັ້ງ​ສູນ​ລວມບ້ານຂຶ້ນໃນແຕ່ລະ​ບ້ານ ​ເພື່ອ​ໃຫ້​ປະຊາຊົນ​ໄດ້​ນຳ​ໃຊ້​ສຳລັບ​ການ​ປະຊຸມ, ການ​ຝຶກ​ອົບຮົມ, ການ​ດຳ​ເນີນ​ກິດຈະກຳ​ຕ່າງໆ​ພາຍໃນ​ບ້ານ, ກໍ່ສ້າງ​ໂຮງ​ອົບ​ເຂົ້າ​ເປືອກຂຶ້ນທີ່​ບ້ານທ່າ​ເດື່ອ​ສິງ​ຫອມ, ພ້ອມທັງສ້າງສາ​ງ​ເຂົ້າເປືອກ, ສ້າງສາງເກັບ​ຄວາມ​ເຢັນ​ເພື່ອ​ເກັບ​ຮັກສາ​ສີນຄ້າ, ​ເຊິ່ງຈະ​ຊ່ວຍ​ໃຫ້​ປະຊາຊົນ​ສາມາດ​ເກັບ​ຜະລິດ​ຕະພັນ​ກະສິກຳ​ໄວ້​ໄດ້​ດົນ ​ແລະ ສ້າງສາ​ງ​ເກັບ​ມ້ຽນ​ຝຸ່ນ​ຊີວະ​ພາບ, ສ້າງ​ທາງ​ເຂົ້າ​ຫາ​ທົ່ງ​ນາ ​ເພື່ອ​ໃຫ້​ພາຫະນະ​ເຂົ້າ​ໄປ​ໄດ້​ງ່າຍ​ຂຶ້ນ ​ແລະ ອື່ນໆ.

 

- Wave100S AD to Website 2020 0 - ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ
- WhatsApp Image 2020 05 27 at 5 - ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ
- WhatsApp Image 2020 05 27 at 5 - ສ.ເກົາຫລີ ສະໜອງ​ທຶນ 1 ລ້ານ​ໂດ​ລາສ້າງ​ພື້ນຖານ​ໂຄງ​ລ່າງ​ບ້ານ​ຕົວ​ແບບໃນລາວ
error: Alert: ເນື້ອຫາຂ່າວມີລິຂະສິດ !!