ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ

- budget -  ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ
- Untitled design -  ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ

ກອງປະຊຸມຄະນະກໍາມະການຄຸ້ມຄອງຫຼັກຊັບ (ຄຄຊ) ຄັ້ງທີ III ປະຈໍາປີ 2017 ໄດ້ຈັດຂຶ້ນໃນຕອນຂອງວັນທີ 14 ທັນວານີ້ ທີ່ທະນາຄານແຫ່ງ ສປປລາວ (ທຫລ)  ພາຍໃຕ້ການເປັນປະທານຂອງທ່ານ ສົມດີ ດວງດີ ຮອງ​ນາຍົກລັດຖະມົນຕີ, ລັດຖະມົນຕີກະຊວງ ການເງິນ ທັງເປັນປະທານ ຄຄຊ, ພ້ອມນີ້ ກໍມີທ່ານ ສົມພາວ ໄຟສິດ ຜູ້ວ່າການ ທຫລ, ຮອງປະທານ ຄຄຊ  ແລະ ພາກສ່ວນກ່ຽວຂ້ອງຕ່າງໆເຂົ້າຮ່ວມນຳດ້ວຍ.

ໃນກອງປະຊຸມໃນ ທ່ານ ນາງ ສາຍສະໝອນ ຈັນທະຈັັກ ຫົວໜ້າສໍານັກງານ ຄຄຊ ໄດ້ລາຍງານການຈັດຕັ້ງປະຕິ ບັດມະຕິກອງປະຊຸມ ຄຄຊ ຄັ້ງທີ II ປີ 2017,  ລາຍງານຄວາມຄືບໜ້າກ່ຽວກັບການເກັບກຳຂໍ້ມູນການສ້າງບັນ ຊີລາຍຊື່ເປົ້າໝາຍບໍລິສັດຈົດທະບຽນ ແລະ ໄດ້ນໍາສະເໜີບັນຫາຕ່າງໆ ເພື່ອໃຫ້ທີ່ປະຊຸມຄົ້ນຄວ້າພິຈາລະນາ ແລະ ຮັບຮອງເອົາ (ຮ່າງ) ຂໍ້ຕົກລົງວ່າດ້ວຍການກຳນົດລາຄາຮຸ້ນຂອງບໍລິສັດທີ່ມີຈຸດປະສົງອອກຈຳໜ່າຍຮຸ້ນ; (ຮ່າງ)ຂໍ້ຕົກລົງວ່າດ້ວຍຕົວແທນຜູ້ຖືຮຸ້ນກູ້; ລາຍງານຄວາມຄືບໜ້າກ່ຽວກັບ ການເຮັດວຽກຮ່ວມກັບຕະຫຼາດຫຼັກຊັບ ສ.ເກົາຫລີໃນການພັດທະນາຕະຫຼາດທຶນລາວ;ລາຍງານຄວາມຄືບໜ້າການກະກຽມ ສະໝັກເຂົ້າເປັນສະມາຊິກຂອງອົງການຄຸ້ມຄອງວຽກງານຫຼັກຊັບສາກົນ (IOSCO); ແລະ ອື່ນໆ.

ໃນໂອກາດນີ້ທ່ານຮອງ​ນາຍົກລັດຖະມົນຕີ, ໄດ້ແນະນຳວ່າ: ໃນຜ່ານມາຕະຫຼາດທຶນລາວ ໄດ້ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ  ລາວ ໃຫ້ມີຄວາມໝັ້ນທ່ຽງ ແລະ ມີສະຖຽນລະພາບໄປຄຽງຄູ່ກັບຕະຫຼາດເງິນ; ສະນັ້ນລັດຖະບານ ຈຶ່ງໄດ້ເອົາໃຈໃສ່ໃນການພັດທະນາຕະຫຼາດທຶນ ໂດຍສະເພາະຄະນະ ຄຄຊ ກໍໄດ້ມີການປຶກສາຫາລືກັນຢ່າງເປັນປົກກະຕິ.

- Wave100S AD to Website 2020 0 -  ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ

ແຕ່ເຖິງຢ່າງໃດກໍ່ຕາມ ຜ່ານການເຄື່ອນໄຫວຕົວຈິງເຫັນວ່າຕະຫຼາດທຶນ ຍັງບໍ່ທັນພົ້ນເດັ່ນເທົ່າທີ່ຄວນ ເປັນຕົ້ນ ຈຳນວນຜະລິດຕະພັນຍັງຈຳກັດ, ມູນຄ່າ ແລະ ປະລິມານການຊື້-ຂາຍຍັງບໍ່ສູງເທົ່າທີ່ຄວນ ແລະ ເພື່ອສືບຕໍ່ພັດທະນາຕະຫຼາດ ທຶນໃຫ້ມີຄວາມເຂັ້ມເເຂງ ແລະ ມີປະສິດທິພາບຂຶ້ນກວ່າເກົ່າ, ຈົ່ງພ້ອມກັນ​ຮີບຮ້ອນ​ປະສານ​ສົມທົບ ​ແລະ ຜັນ​ຂະຫຍາຍ​ເນື້ອ​ໃນ​ຈິດ​ໃຈ​ກອງ​ປະຊຸມໃຫ້ເປັນ​ໜ້າວຽກ​ລະອຽດ ​ແລະ ຈັດ​ຕັ້ງ​ເຊື່ອມ​ຊຶມ​ໃຫ້​ເປັນ​ເອກະ​ພາບກັນ; ຈັດ​ຕັ້ງ​ປະຕິ ບັດ​ຕາມ​ເນື້ອ​ໃນ​ຈິດ​ໃຈ​ດັ່ງກ່າວ​ໃຫ້​ເປັນ​ຮູບ​ປະ​ທໍາດ້ວຍ​ຈິດ​ໃຈ​ເປັນ​ເຈົ້າ​ການ ​ແລະ ຄວາມ​ຮັບຜິດຊອບ​ສູງ, ​ມີ​ການ​ຕິດຕາມ​ກວດກາ ​ແລະ ສະຫຼຸບ​ຖອດ​ຖອນ​ບົດຮຽນ​ໃນການຈັດຕັ້ງປະຕິບັດແຕ່​ລະ​ໄລຍະ​ໃຫ້​ມີ​ປະສິດທິ​ຜົນ​ສູງ. # ຂ່າວ-ພາບ: ຣັດສະໝີ ດວງສັດຈະ

 

- WhatsApp Image 2020 05 27 at 5 -  ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ
- WhatsApp Image 2020 05 27 at 5 -  ຕະຫຼາດທຶນລາວຄຽງຄູ່ກັບຕະຫຼາດເງິນປະກອບສ່ວນສຳຄັນຕໍ່ການພັດທະນາເສດຖະກິດ-ສັງຄົມຂອງຊາດ
error: Alert: ເນື້ອຫາຂ່າວມີລິຂະສິດ !!