ບັນຫາໃໝ່ໆໃນຊີວິດຜົວໆເມຍໆ

- index - ບັນຫາໃໝ່ໆໃນຊີວິດຜົວໆເມຍໆ
- Untitled design - ບັນຫາໃໝ່ໆໃນຊີວິດຜົວໆເມຍໆ

ຫລາຍຄົນທີ່ເກີດໃໝ່ໃຫຍ່ລຸນອາດບໍ່ເຄີຍຟັງເພງ“ຍາມໜາວສາວຈົ່ມ” ເປັນເພງແຕ່ງ ແລະ ຮ້ອງກັນໃນເປີງ ລະບອບເກົ່າແຕ່ບໍ່ຄ່ອຍເຫັນມີໃຜສືບຕໍ່ ເສບ ແລະ ຮ້ອງຄືຫລາຍໆ ບົດ ເພງເກົ່າທີ່ໂດ່ງດັງໃນອະດີດ. ຖ້າຈະມີຜູ້ຄິດຄົ້ນເອົາເພງດັ່ງກ່າວມາຮ້ອງຄືນໃໝ່, ຜູ້ຂຽນ ຂໍອະນຸຍາດໃສ່ຊື່ໃໝ່ວ່າ “ຍາມໜາວບ່າວ-ສາວຈົມ”ເພາະ ແນ່ນອນໃນຍາມໜາວ ທັງບ່າວທັງ ສາວກໍຄົງຈົ່ມ (ຈົ່ມຢາກ ໄດ້ຜ້າຫົ່ມໂຕໂຕຫລືຜ້າຫົ່ມກາ ຄົນ!)ທີ່ເວົ້າມາເປັນພຽງອາລຳພະບົດເພື່ອຕໍ່ໃສ່ເລື່ອງຂໍ້ ກຳນົດກົດລະບຽບໃນການ ແຕ່ງດອງຢູ່ຕ່າງປະເທດ, ເຊິ່ງມີທັງບົດຮຽນ ທີ່ພວກເຮົາຄວນ ເບິ່ງໄວ້ວ່າ ມີຫຍັງພໍຖອດມາໃຊ້ ໄດ້ ແລະ ທັງບົດຮຽນທີ່ອາດບໍ່ ທັນເໝາະສົມກັບສັງຄົມບ້ານ ເຮົາເທື່ອ. ເປັນອັນວ່າມື້ນີ້ພວກ ເຮົາພາກັນເວົ້າ ເລ່ືອງເບົາໆບາງໆ ເພື່ອໃຫ້ເຂົ້າກັບລະດູ “ເຂົ້າໃໝ່ປາມັນ” ເອົາກັນເປັນຄູ່ຄອງ. ຂໍຫວນຄືນຫລັງສູ່ປີ 2015, ຢູ່ ມຽນມາ, ທ່ານ ເທນ ເຊນ (ປະທານາທິບໍດີເວລານັ້ນ)ໄດ້ລົງນາມປະກາດໃຊ້ກົດ ໝາຍກຳນົດ ໃຫ້ຄົນ ມຽນມາ ປະຕິບັດຫລັກການ “ຜົວດຽວ- ເມຍດຽວ” ພ້ອມທັງມີບົດລົງ ໂທດຕໍ່ຜູ້ທີ່ມີຄູ່ແຕ່ງດອງຫລາຍ ກວ່າໜຶ່ງຄົນ. ນອກຈາກກົດໝາຍ “ຜົວດຽວ-ເມຍດຽວ” ແລ້ວກໍຍັງມີກົດໝາຍຄວບຄຸມ ປະຊາກອນໂດຍສົ່ງເສີມໃຫ້ ແມ່ຍິງບາງສ່ວນມີລູກຫ່າງກັນແຕ່ ລະຄົນ 3 ປີ ອາດຈະຄ້າຍໆ ກັບ ແຜນລູກຫ່າງບ້ານເຮົາ ເຊິ່ງ ເປັນພຽງນະໂຍບາຍ ທີ່ຕິດພັນ ກັບການວາງແຜນຄອບຄົວບໍ່ ເປັນກົດໝາຍຄືຢູ່ມຽນມາ.

- image 16333 - ບັນຫາໃໝ່ໆໃນຊີວິດຜົວໆເມຍໆ
(ພາບປະກອບ)

+ ຫລາຍສາເຫດການຢ່າຮ້າງຂອງແມ່ຍິງ

+ ເຊກອງສ້າງຄວາມເຂົ້າໃຈກ່ຽວກັບການສ້າງຄອບຄົວ ແລະ ບ້ານສາມັກຄີປອງດອງ

- Wave100S AD to Website 2020 0 - ບັນຫາໃໝ່ໆໃນຊີວິດຜົວໆເມຍໆ

ສ່ວນວ່າ ປະເທດຝຣັ່ງ ນັ້ນ ພັດມາລາຍຕ່າງ, ຄືມີນະໂຍບາຍເຮັດໃຫ້ຂະບວນການຢ່າ ຮ້າງກັນລະຫວ່າງຜົວເມຍງ່າຍດາຍຂຶ້ນ, ດ້ວຍການຕັດຂອດ ຕັດຂັ້ນຕອນທີ່ຮົກເຮື້ອພາໃຫ້ ຄູ່ຜົວເມຍທີ່ຕ້ອງການຢ່າຮ້າງ ຕ້ອງເສຍເວລາ ແລະ ເງິນຄຳ. ແຕ່ຂ່າວບອກວ່າກົດໝາຍ ດັ່ງກ່າວໄດ້ກຳນົດວ່າ: ຕ້ອງເປັນການຢ່າຮ້າງທີ່ທັງສອງຝ່າຍ ຍິນຍອມພ້ອມໃຈກັນ 100% ອີ່ຫລີ. ກ່ອນໜ້າມີກົດໝາຍ ສະບັບນີ້, ຖ້າຄູ່ຜົວເມຍໃດ ຢາກຢ່າຮ້າງກັນກໍຕ້ອງໄດ້ເສຍຄ່າ ທຳນຽມ 50 ເອີໂຣ (ປະມານ ເກືອບ 5 ແສນກີບ), ຄູ່ຜົວເມຍ ດັ່ງກ່າວຕ້ອງມີທະນາຍ ຄວາມຝ່າຍລະຄົນ ແລະ ສຸດທ້າຍກວ່າ ຈະຢ່າຮ້າງກັນໄດ້ກໍຕ້ອງມີຄຳ ສັ່ງຈາກຜູ້ພິພາກສາກ່ອນ.ລັດຖະບານຝຣັ່ງເຫັນວ່ານີ້ເປັນການ ເສຍເວລາ,ເສຍເງິນ ຄຳທີ່ບໍ່ຈຳເປັນ. ແນວໃດກໍດີ,ກົດໝາຍ ດັ່ງກ່າວກໍໄດ້ຮັບສຽງຄັດຄ້ານ ຕ້ານຄືນຈາກບັນດາສະມາຄົມປ້ອງກັນສະຖາບັນຄອບຄົວ ເພາະເຫັນວ່າການຢ່າຮ້າງ ກັນແບບງ່າຍດາຍເກີນໄປນັ້ນ ອາດເຮັດໃຫ້ຜູ້ເປັນລູກໆອັບປະໂຫຍດ. ປະເທດຝຣັ່ງມີການຢ່າ ຮ້າງກັນດ້ວຍຄວາມສະໝັກໃຈໂດຍສະເລ່ຍປີລະປະມານ 66 ພັນຄູ່ ຫລື ເທົ່າກັບ 54% ຂອງ ການຢ່າຮ້າງກັນ ໃນທົ່ວປະເທດ ປະຈຳປີ 2015. ບົດນີ້ໂງໄປເບິ່ງ ປະເທດແອດສະປາຍ (ສະເປນ) ແລະ ກົວເຕມາລາ ທີ່ ພ້ອມກັນປັບຂຶ້ນອາຍຸຕ່ຳສຸດສຳລັບໄວແຕ່ງດອງຄືຢູ່ ແອດສະປາຍ ໄດ້ປັບຂຶ້ນອາຍຸຂັ້ນຕ່ຳສຳລັບການແຕ່ງດອງຈາກ 14 ປີ ເປັນ16 ປີ ແຕ່ຕ້ອງໄດ້ຮັບການ ເຫັນດີຈາກສານກ່ອນ, ເພາະ ວ່າໂດຍທົ່ວໄປອາຍຸຂັ້ນຕ່ຳທີ່ ສັງຄົມ ແອດສະປາຍ ເຫັນວ່າ ເໝາະສົມສຳລັບສ້າງຄອບຄົວຮ່ວມກັນນັ້ນແມ່ນ 18 ປີ, ບໍ່ພຽງແຕ່ເທົ່ານັ້ນລັດຖະບານ ແອດສະປາຍຍັງໄດ້ປັບຂຶ້ນອາຍຸຕ່ຳ ສຸດໃນການມີສິດຮ່ວມປະເວນີ ກັນໄດ້ຈາກ 13 ປີ ເປັນ 14 ປີ ທັງນີ້ກໍເພື່ອຫລີກລ້ຽງຄວາມ ສ່ຽງໃນການລ່ວງລະເມີດທາງເພດວ່າຊັ້ນ!. ທາງເບື້ອງປະ ເທດ ກົວເຕມາລາ ນັ້ນ ໄດ້ປັບຂຶ້ນ ອາຍຸຕ່ຳສຸດສຳລັບແຕ່ງດອງ ຈາກ 14 ປີ (ສຳລັບແມ່ຍິງ), 16 ປີ (ສຳລັບຜູ້ຊາຍ) ມາເປັນ ເກນອາຍຸດຽວກັນຄື 18 ປີ. ແຕ່ ກົດໝາຍໄດ້ກຳນົດຂໍ້ຍົກເວັ້ນ ພິເສດສຳລັບບາງກໍລະນີໃຫ້ ເດັກຍິງແຕ່ງດອງໄດ້ໃນອາຍຸ 16 ປີແຕ່ຕ້ອງໄດ້ຮັບອະນຸຍາດ ຈາກຜູ້ພິພາກສາເສຍກ່ອນ.

- index - ບັນຫາໃໝ່ໆໃນຊີວິດຜົວໆເມຍໆ
(ພາບປະກອບ)
- WhatsApp Image 2020 05 27 at 5 - ບັນຫາໃໝ່ໆໃນຊີວິດຜົວໆເມຍໆ
- WhatsApp Image 2020 05 27 at 5 - ບັນຫາໃໝ່ໆໃນຊີວິດຜົວໆເມຍໆ
error: Alert: ເນື້ອຫາຂ່າວມີລິຂະສິດ !!