ອາຣັບບີ ຊາອຸດິດ ອະນຸຍາດຜູ້ຍິງຂີ່ລົດຈັກໄດ້

- Saudi woman driving 854767190 - ອາຣັບບີ ຊາອຸດິດ ອະນຸຍາດຜູ້ຍິງຂີ່ລົດຈັກໄດ້
- 174233 - ອາຣັບບີ ຊາອຸດິດ ອະນຸຍາດຜູ້ຍິງຂີ່ລົດຈັກໄດ້

ຜູ້ຍິງ​ອາຣັບບີ ຊາ​ອຸ​ດິດ ຈະ​ໄດ້​ຮັບ​ອະນຸຍາດ​ໃຫ້​ຂັບ​ຂີ່​ລົດຈັກ ​ແລະ ລົດ​ບັນທຸກ​ໄດ້​ເຊັ່ນ​ກັນ ຈາກ​ການ​ປະກາດ​ຂອງ​ທາງ​ການ​ອາຣັບບີ ຊາ​ອຸ​ດິດ ​ໃນ​ວັນ​ທີ 15 ທັນວາ 3 ​ເດືອນ​ຫລັງ​ຈາກ​ປະກາດ​ການ​ຕັດສິນ​ໃຈຄັ້ງປະຫວັດສາດ ຍົກ​ເລີກ​ຂໍ້​ຫ້າມ​ຜູ້ຍິງ​ອາຣັບບີ ຊາ​ອຸ​ດິດຂັບ​ຍີ່​ລົດຍົນ.

ສຳນັກ​ຂ່າວ AFP ລາຍ​ງານ​ຈາກ​ນະຄອນຫລວງຣິຍາດ ປະ​ເທດ​ອາຣັບບີ ຊາ​ອຸ​ດິດ ​ໃນ​ວັນ​ທີ 16 ທັນວາວ່າ: ​ເດືອນ​ກັນຍາ​ຜ່ານ​ມາ, ກະສັດຣິຊັລມານ ​ແຫ່ງ​ອາຣັບບີ ຊາ​ອຸ​ດິດ ມີ​ຄຳ​ສັ່ງ​ອະນຸຍາດ​ໃຫ້​ຜູ້ຍິງ​ຂັບ​ຂີ່​ລົດຍົນ​ໄດ້ ​ໂດຍ​ຈະ​ເລີ່​ມມີ​ຜົນ​ໃນ​ເດືອນ​ມິຖຸນາ​ປີໜ້າ ສ່ວນ​ໜຶ່ງ​ຂອງ​ແຜນການ​ປະຕິ​ຮູບ​ສັງຄົມ ​ໃນ​ລາຊະ​ອານາຈັກ​ອະນຸລັກ​ນິຍົມ.

ສຳນັກງານ​ຈະລາຈອນ​ອາຣັບບີ ຊາ​ອຸ​ດິດ ປະກາດ​ໃນ​ຄືນ​ວັນ​ທີ 15 ທັນວາ​ວ່າ: ຈະ​ອະນຸຍາດ​ໃຫ້​​ຜູ້ຍິງ​ຂັບ​ຂີ່​ລົດຈັກ ​ແລະ ລົດ​ບັນທຸກ​ໄດ້ ​ເພື່ອ​​ໃຫ້​ເປັນ​ໄປ​ຕາມຄຳ​ສັ່ງ​ຂອງ​ກະສັດ ທີ່​ກຳນົດ​ໃຫ້​ກົດໝາຍ​ຈະລາຈອນ​ຕ້ອງ​ໃຫ້ “ຄວາມ​ເທົ່າ​ທຽມ” ສຳລັບ​ຜູ້ຍິງ ​ແລະ ຜູ້​ຊາຍ. ຜູ້ຍິງ​ທີ່​ພົວພັນ​ກັບ​ອຸປະຕິ​ເຫດ ຫລື ລະ​ເມີດ​ກົດ​ຈະລາຈອນ ຈະ​ຖືກ​ດຳ​ເນີນ​ການ​ຢູ່​ສູນ​ພິ​ເສດ ທີ່​ສ້າງຕັ້ງຂຶ້ນ ​ແລະ ຄວບ​ຄຸມ​ເບິ່ງ​ແຍງ​ໂດຍ​ຜູ້ຍິງ.

- Wave100S AD to Website 2020 0 - ອາຣັບບີ ຊາອຸດິດ ອະນຸຍາດຜູ້ຍິງຂີ່ລົດຈັກໄດ້

ອາຣັບບີ ຊາ​ອຸ​ດິດ ​ເປັນ​ປະ​ເທດ​ດຽວ​ໃນ​ໂລກ​ທີ່​ມີ​ຂໍ້​ຫ້າມ​ຜູ້ຍິງ​ຂັບ​ຂີ່​ລົດຍົນ ​ການ​ຕັດສິນ​ໃຈ​ຍົກ​ເລີກ​ຂໍ້​ຫ້າມ ​ເຊິ່ງຈະ​ມີ​ຜົນ​ນັບ​ແຕ່​ເດືອນ​ມິຖຸນາ​ປີໜ້າ ​ໄດ້​ຮັບ​ສຽງ​ຊື່ນ​ຊົມ​ໃນ​ວົງ​ກວ້າງ ທັງ​ພາຍ​ໃນ ​ແລະ ພາຍ​ນອກ​ປະ​​ເທດ. ອາຣັບບີ ຊາ​ອຸ​ດິດ ​ເປັນ​ໜຶ່ງ​ໃນ​ປະ​ເທດ​ທີ່​ມີ​ຂໍ້​ຈຳກັດ​ຕໍ່​ຜູ້ຍິງ​ເຂັ້ມງວດ​ທີ່​ສຸດ​ໃນ​ໂລກ ພາຍ​ໃຕ້​ລະບົບ​ຜູ້​ພິທັກ​ຂອງ​ປະ​ເທດ, ສະມາຊິກ​ຄອບຄົວ​ທີ່​ເປັນ​ຜູ້​ຊາຍ ​ເຊິ່ງມັກ​ເປັນ​ພໍ່, ຜົວ ຫລື ອ້າຍ​, ນ້ອງ​ຊາຍ ຈະ​ເປັນ​ຜູ້​ມີ​ອຳນາດ​ໃຫ້​ການ​ຍິນ​ຍອມ ສຳລັບ​ການ​ສຶກສາ, ການ​ເດີນທາງ ຫລື ກິດຈະກຳ​ອື່ນໆ​ຂອງ​ຜູ້ຍິງ​ໃນ​ຄອບຄົວ.

- WhatsApp Image 2020 05 27 at 5 - ອາຣັບບີ ຊາອຸດິດ ອະນຸຍາດຜູ້ຍິງຂີ່ລົດຈັກໄດ້
error: Alert: Content is protected !!