ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18

- rwdim6xp - ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18
- Untitled design - ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18

ກົມ​ພັດທະນາ​ການທ່ອງທ່ຽວ ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ຄວ້າ​ແຊ້ມການ​ແຂ່ງຂັນ​ບານ​ເຕະ​ຍິງ U-18 ປີ 2017 ຫລັງ​ບຽດ​ເອົາ​ຊະນະ ​ເມືອງ​ມະນີ ​ເອັຟຊີ ຫວຸດ​ຫວິດ 2-1 ​ໃນ​ນັດ​ສຸດ​ທ້າຍ ​ໃນ​ວັນ​ທີ 16 ທັນວາ ທີ່​ສະຫະພັນ​ບານ​ເຕະ​ແຫ່ງ​ຊາດ​ລາວ.

​ໄຊຊະນະ​ນັດ​ສຸດ​ທ້າຍ ສົ່ງ​ຜົນ​ໃຫ້ ກົມ​ພັດທະນາ​ການທ່ອງທ່ຽວ ​ເກັບ​ເພີ່ມ​ເປັນ 16 ຄະ​ແນນ​ຈາກ​ການ​ລົງ​ສະໜາມ 6 ນັດ, ​ໃນ​ນັ້ນຊະນະ 5 ​ແລະ ສະ​ເໝີ 1 ນັດ ຄວ້າ​ແຊ້ມ​ໄປ​ຄອງ, ສ່ວນ ​ເມືອງ​ມະນີ ຍັງ​ມີ 15 ຄະ​ແນນ ຄວ້າ​ອັນ​ດັບ 2 ​ໄປ​ຄອງ.

ການ​ແຂ່ງຂັນ​ລາຍການ​ນີ້​ເລີ່​ມ​ແຂ່ງຂັນ​ນັບ​ແຕ່​ວັນ​ທີ 18 ພະຈິກ 2017 ​ເຊິ່ງ​ໃນ​ຕອນ​ແລງ​ວັນ​ທີ 16 ທັນວາ 2017 ​ໄດ້​ມີ​ພິທີ​ປິດ​ ​ໃຫ້​ກຽດມອບ​ຂັນ​ລາງວັນ​ຂອງ​ທ່ານ ຄຳ​ໄພ ປຣະ​ເສີດ ຮອງ​ປະທານ​ສະຫະພັນ​ບານ​ເຕະ​ແຫ່ງ​ຊາດ, ທ່ານ​ນາງ ກັນຍາ ​ແກ້ວມະນີ ຫົວໜ້າ​ອະນຸ​ກຳມະການ​ບານ​ເຕະ​ຍິງ.

- Wave100S AD to Website 2020 0 - ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18

ສະຫລຸບຜົນ​ການ​ແຂ່ງຂັນ​ບານ​ເຕະ​ຍິງ U-18 ປີ 2017: ອັນ​ດັບ 1 ກົມ​ພັດທະນາ​ການທ່ອງທ່ຽວ ​ໄດ້​ຮັບ​ຂັນ ​ແລະ ​ເງິນສົດ 5.000.000 ກີບ, ອັນ​ດັບ 2 ​ເມືອງ​ມະນີ ​ເອັຟຊີ ​ໄດ້​ເງິນສົດ 4.000.000 ກີບ, ອັນ​ດັບ 3 ມະຫາວິທະຍາ​ໄລ​ແຫ່ງ​ຊາດ ​ໄດ້​ຮັບ​ເງິນສົດ 3.000.000 ກີບ, ອັນ​ດັບ 4 ມະຫາວິທະຍາ​ໄລ​ວິທະຍາສາດ​ສຸຂະພາບ, ອັນ​ດັບ 5 ມສ ສາລະ​ຄຳ, ອັນ​ດັບ 6 ມປ ວຽງ​ຈັນ-​ໂຮ່ຈີ​ມິ​ງ ​ແລະ ອັນ​ດັບ 7 ມສ ວຽງ​ຈັນ.

- WhatsApp Image 2020 05 27 at 5 - ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18
- WhatsApp Image 2020 05 27 at 5 - ກົມພັດທະນາການທ່ອງທ່ຽວ ຊະນະ ເມືອງມະນີ 2-1 ຄວ້າແຊ້ມບານເຕະຍິງ U18
error: Alert: ເນື້ອຫາຂ່າວມີລິຂະສິດ !!