ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ

- 32763895934 bc38196133 b - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ
- Untitled design - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ

ແບບຢ່າງ ແລະ ຄຸນສົມ ບັດຂອງປະທານ ໄກສອນ ພົມ ວິຫານ ສະແດງອອກຢ່າງ ໃສ ແຈ້ງແມ່ນມີຢູ່ 3 ປະການຄື: ອັນ ທີໜຶ່ງເພິ່ນຖືເອົາຜົນປະໂຫຍດ ສ່ວນລວມສູງກວ່າຜົນ ປະໂຫຍດ ສ່ວນຕົວ. ອັນທີ່ພິເສດ ແລະ ຍິ່ງ ໃຫຍ່ທີ່ສຸດກໍແມ່ນເພິ່ນມີຄວາມ ສັດຊື່ ແລະ ຈົ່ງຮັກພັກດີຕໍ່ອຸດົມ ຄະຕິປະຕິວັດ,ມີຄວາມສະໝັກໃຈ ແລະ ຈິ່ງໃຈເຮັດໃຫ້ອຸດົມຄະຕິ ນັ້ນ ເກີດດອກອອກຜົນເປັນຕົນເປັນ ໂຕ,ມີສຸຂະທັດນິຍົມ (ມອງໃນແງ່ ດີ) ມີຄວາມໝັກແໜ້ນ, ເຊື່ອໝັ້ນ ຕໍ່ການປະຕິວັດ, ມີສະຕິ ແລະ ລະ ບຽບວິໄນເຄັ່ງຄັດ, ອັນທີສອງ ເພິ່ນເປັນຄົນດຸໝັ່ນ, ຂະຫຍັນບຸກ ບືນໃນກິດຈະກຳທີ່ຕົນເຮັດໃນສັງ ຄົມ ໃນຊີວິດຈິ່ງຂອງເພິ່ນ ໄດ້ຜ່ານ ວຽກງານຫລາຍຢ່າງ, ມີຫລາຍ ຕຳແໜ່ງ ແລະ ກ້າວເປັນຜູ້ນຳ ສູງສຸດຂອງປະເທດ. ໃນການບໍລິ ຫານວຽກງານຂອງເພິ່ນບໍ່ແມ່ນ ເພື່ອສະເພາະຖານະຕຳແໜ່ງ ຂອງຕົນເອງ, ແຕ່ເຮັດໃນນາມ ເພື່ອສ່ວນລວມ ແລະ ເພື່ອປະຊາ ຊົນ ແລະ ເພື່ອປະເທດຊາດ, ສາມ ປະທານ ໄກສອນ ພົມວິຫານ ເພິ່ນພຽບພ້ອມໄປດ້ວຍຄວາມ ຮັກຊາດ, ຮັກໝູ່ຄະນະຖືຜູ້ຄົນ ໃນໝູ່ ປະຊາຊົນຄືຍາດພີ່ນ້ອງ ຜູ້ໃກ້ຊິດ. ນອກຈາກນັ້ນ, ເພິ່ນເອງ ຍັງມີຈິດໃຈສາກົນນິຍົມບໍ່ມີອະຄະ ຕິກັບຜູ້ອື່ນໆ. ອັນສຳຄັນທີ່ສຸດ ເພິ່ນເບິ່ງຄົນ ຫລື ເບິ່ງພະນັກງານ ຢ່າງມີວິໄສທັດຕົວຢ່າງຄວາມ ດີ ຫລື ຄວາມຊົ່ວມັນກໍມີໂອກາດ ປ່ຽນແປງໄປໃນທາງທີ່ກ້າວໜ້າໄດ້. ສະນັ້ນຕ້ອງຮັກແພງກັນ ແລະ ສ້າງເອົາກັນໃຫ້ທຸກຄົນມີຄວາມກ້າວໜ້າບໍ່ກຽດຊັງ ແລະ ບໍ່ບຽດ ບຽນ ເຊິ່ງກັນ ແລະ ກັນ. ຄົນເຮົາ ທຸກຄົນທີ່ເກີດມາຍ່ອມມີຜູ້ທຸກ, ຜູ້ຮັ່ງ, ມີຖານະທີ່ແຕກຕ່າງກັນ. ແຕ່ສິ່ງເຫລົ່ານັ້ນມັນແມ່ນເກີດ ມາໃນສະພາບ ແວດລ້ອມຖືກກົດ ຂີ່ຂູດຮີດຖືກດູຖູກມິ່ນປະໝາດ ຈາກລັດທິລ່າເມືອງຂຶ້ນຂອງສັກດີນາ ແລະ ຈັກກະພັດຜູ້ຮຸກຮານ ແລະ ຖືກເຂົາໃຊ້ຄືງົວຄືຄວາຍ. ແຕ່ໃນເມື່ອປະເທດຊາດໄດ້ຮັບ ການປົດປ່ອຍຢ່າງສົມບູນແລ້ວ, ເຂົາເຈົ້າເຫລົ່ານັ້ນ, ໄດ້ກັບກາຍ ມາເປັນເຈົ້າຂອງປະເທດຊາດ ພ້ອມກັນສ້າງບ້ານແປງເມືອງ ໃຫ້ຈະເລີນຮຸ່ງເຮືອງໄປພາຍໜ້າ.

- 32763895934 bc38196133 b - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ

 

+ ປະທານ ໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວທັງຊາດ

+ ຊີວິດ ​ແລະ ການ​ເຄື່ອນ​ໄຫວ​ປະຕິວັດ​ຂອງ​ປະທານ ​ໄກສອນ ພົມວິຫານ (​ເນື່ອງ​ໃນ​ໂອກາດ​ລະນຶກ​ວັນ​​​ເກີດ​ຄົບຮອບ 97 ປີ)

ຈາກຄຸນສົມບັດທີ່ເປັນຕົ້ນ ແບບຂອງປະທານ ໄກສອນ ພົມວິຫານ ນັ້ນ, ຈຶ່ງບໍ່ຢຸດຢັ້ງໃນ ການຮຽກຮ້ອງໃຫ້ປະຊາຊົນບັນດາເຜົ່າຈົ່ງສາມັກຄີປອງດອງ ກັນ. ລົບລ້າງຄວາມອາຄາດ ບາດໝາງທີ່ເຄີຍມີມາແຕ່ກີ້ແຕ່ ກ່ອນ, ບໍ່ສະເພາະແຕ່ຮຽກຮ້ອງ ປະຊາຊົນພາຍໃນປະເທດ,ຍັງ ຮຽກ ຮ້ອງໃຫ້ປະຊາຊົນ ລາວ ສາມັກຄີກັບ ເພື່ອນມິດໃນທົ່ວ ໂລກ; ໃຫ້ຄວາມສະໜັບສະໜູນ ຊ່ວຍເຫລືອເພື່ອນມິດໃນຂອບ ເຂດແຫ່ງຄວາມຮູ້, ຄວາມສາ ມາດຂອງຕົນເອງ ມີຫລາຍຄັ້ງ ທີ່ຜູ້ຂຽນໄດ້ສຳພັດ ແລະ ຟັງ ການຊີ້ແນະໂອ້ລົມຂອງປະທານ ໄກສອນ ພົມວິຫານ ຟັງຍາມໃດ ກໍເສຍທີ່ແຕ່ເວລາມັນ ຈຳກັດ. ຄຳຄິດເຫັນຊີ້ນຳຂອງເພິ່ນທຸກ ຄຳທຸກປະໂຫຍກແມ່ນລ້ວນ ແລ້ວແຕ່ມີຄຸນຄ່າ ແລະ ທັງ ເປັນ ບົດຮຽນຢ່າງໃຫຍ່ຫລວງ. ຕົວ ຢ່າງໃນກອງປະຊຸມເປີດກວ້າງ ຂອງລັດຖະບານຄັ້ງໜຶ່ງຜູ້ ຂຽນມີໂອກາດໄດ້ເຂົ້າຮ່ວມຟັງ ຄວາມຄິດເຫັນ ແລະ ຊີ້ແນະ ຂອງເພິ່ນ,ໃນມື້ນັ້ນມີລັດຖະ ມົນຕີທ່ານໜຶ່ງກ່າວຄຳສະເໜີ ວ່າ: ບໍ່ຢາກໃຫ້ການນຳຂັ້ນກຳມະ ການສູນກາງໄປມີສ່ວນຮ່ວມ ກັບນັກທຸລະກິດ ເພາະອາດຈະ ເສຍບົດບາດຂອງພັກ ແລະ ທັງ ເສຍພາບພົດທາງການເມືອງ ຂອງພະນັກງານແກນນຳ. ປະ ທານ ໄດ້ຟັງແລ້ວກໍລຸກຂຶ້ນທັງ ມີຄຳເຫັນວ່າ: ຫ້າມກຳມະການ ສູນກາງ ຫລື ລັດຖະມົນຕີສະ ຫາຍໃດໄປແອບອ້າງ ແລະ ມີ ສ່ວນຮ່ວມນຳນັກທຸລະກິດຢ່າງ ເດັດຂາດ. ຕໍ່ໄປນີ້ຖ້າເຫັນຜູ້ໃດ ເຮັດໃຫ້ມາລາຍງານເຮົາວ່າຊັ້ນ ຜູ້ຂຽນຟັງຢູ່ແຖວຫລັງເກືອບວ່າຕັບລີບອີກຄັ້ງໜຶ່ງແມ່ນຕອນ ພາຍຫລັງປິດກອງປະຊຸມໃຫຍ່ ແນວລາວສ້າງຊາດທົ່ວປະເທດ ປະທານໄກສອນ ພົມວິຫານ ໄດ້ຮຽກປະຊຸມກົມການເມືອງ ທັງເຊີນເອົາອົງການຈັດຕັ້ງມະ ຫາຊົນທີ່ກ່ຽວຂ້ອງເຂົ້າຮ່ວມ ເພື່ອຊີ້ແນະໃນການກະກຽມ ກອງປະຊຸມໃຫຍ່ທາງ ລຸງພູມີ ວົງວິຈິດ ໄດ້ສະເໜີວ່າ ມີຜູ້ແທນ ແນວລາວທີ່ມາຈາກເຂດຜາ ລະແວກຕອນເພິ່ນມາກໍໄດ້ເອົາ ຍົນໄປຮັບເອົາບາດຕອນເພິ່ນກໍ ຈະກັບໄດ້ເອົາໄປສົ່ງແຕ່ເພິ່ນສະ ເໜີຂໍສັງກະສີລັດຖະບານ 30 ແຜ່ນ ໄປມຸງເຮືອນ ລຸງໄກສອນ ເພິ່ນກໍ ຕອບທັງໃຫ້ຄຳເຫັນວ່າ: ຊື້ໃຫ້ເພິ່ນໂລດ, ຊື້ສັງກະສີແລ້ວ ຕ້ອງຊື້ເຫລັກຕາປູນຳ, ຊື້ຄ້ອນ ຕີໃຫ້ພ້ອມ.
ນີ້ແມ່ນຕົ້ນແບບທັງເປັນໂຕແບບໃນວຽກໃຫຍ່ວຽກນ້ອຍ, ວຽກຂອງຊາດບ້ານເມືອງປະ ກົດວ່າ ປະທານ ໄກສອນ ເພິ່ນຮູ້ ທຸກຢ່າງ ແລະ ກໍສາມາດເຮັດໄດ້ ທຸກຢ່າງນັບແຕ່ສິ່ງທີ່ເຮົາບໍ່ທັນ ຄິດເພິ່ນຮູ້ໄວ້ກ່ອນແລ້ວ.

- Wave100S AD to Website 2020 0 - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ

ຈົນມາຮອດທຸກວັນນີ້ເມື່ອ ຜູ້ຂຽນຄິດເຫັນລຸງ ໄກສອນ ພົມວິຫານ ກໍຄິດເຫັນເລື່ອງລາວ ແລະ ພາບທຸກຢ່າງ ທີ່ຈົດຈຳໄດ້ ຢ່າງບໍ່ມີວັນລືມ ແລະ ຍັງມີສິ່ງທີ່ ເດັດ ຫລາຍຢ່າງທີ່ຜູ້ຂຽນຍັງ ຈົດຈຳຕອນໄດ້ເຫັນ ແລະ ໄດ້ຟັງ ການໂອ້ລົມ ແລະ ໃຫ້ຄຳເຫັນ ຂອງເພິ່ນ.

ສິ່ງທີ່ຜູ້ຂຽນໄດ້ຍົກເອົາບາງຕອນກ່ຽວກັບແບບຢ່າງ ແລະ ຄຸນ ສົມບັດຂອງປະທານ ໄກສອນ ພົມວິຫານ ແມ່ນໄດ້ຄັດອອກມາ ຈາກປຶ້ື້ມຄຸນສົມບັດຂອງປະທານ ໄກສອນ ພົມວິຫານ ແລະ ທັງ ໄດ້ສຳພັດຕົວຈິງໃນຕອນເພິ່ນ ຍັງມີຊີວິດແຕ່ປີ 1985 ຈົນຕະ ຫລອດບັ້ນທ້າຍການຈາກໄປ ຂອງເພິ່ນ.

 

ໂດຍ: ກ້ອງສ່ອງ ອິດສະຫລະ

- WhatsApp Image 2020 05 27 at 5 - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ
- WhatsApp Image 2020 05 27 at 5 - ຮ່ຳຮຽນເອົາແບບຢ່າງຄຸນສົມບັດຂອງປະທານ ໄກສອນ ພົມວິຫານ
error: Alert: ເນື້ອຫາຂ່າວມີລິຂະສິດ !!