ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການລະຫວ່າງວັນທີ 19-21 ທັນວາ 2017

- Untitled design - ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການລະຫວ່າງວັນທີ 19-21 ທັນວາ 2017

ໂດຍຕອບສະໜອງຕາມການເຊື້ອແຊີນຂອງສະຫາຍ ຫງວຽນ ຟູ ຈ້ອງ, ເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ ແລະ ສະຫາຍ ເຈີ່ນ ດ້າຍ ກວາງ ກຳມະການກົມການເມືອງສູນກາງພັກ, ປະທານປະເທດແຫ່ງ ສສ ຫວຽດນາມ, ໃນຕອນເຊົ້າວັນທີ 19 ທັນວານີ້, ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍຄະນະຜູ້ແທນຂັ້ນສູງພັກ, ລັດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການ, ເຊິ່ງການຢ້ຽມຢາມແຕ່ວັນທີ 19-21 ທັນວາ 2017.

ເຂົ້າຮ່ວມໃນຄະນະໄປຢ້ຽມຢາມຄັ້ງນີ້, ມີສະຫາຍ ຄຳພັນ ພົມມະທັດ ກຳມະການກົມການເມືອງສູນກາງພັກ, ເລຂາທິການສູນກາງພັກ, ຫົວໜ້າຫ້ອງວ່າການສູນກາງພັກ, ສະຫາຍ ສອນໄຊ ສີພັນດອນ ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີແຫ່ງ ສປປ ລາວ; ສະຫາຍຫົວໜ້າຄະນະໂຄສະນາອົບຮົມສູນກາງພັກ, ສະຫາຍຮອງລັດຖະມົນຕີກະຊວງປ້ອງກັນປະເທດ, ສະຫາຍຫົວໜ້າຫ້ອງວ່າການສຳນັກງານປະທານປະເທດ, ສະຫາຍຫົວໜ້າຄະນະພົວພັນຕ່າງປະເທດສູນກາງພັກ, ສະຫາຍລັດຖະມົນຕີກະຊວງອຸດສະຫະກຳ ແລະ ການຄ້າ, ສະຫາຍລັດຖະມົນຕີວ່າການກະຊວງການຕ່າງປະເທດ, ສະຫາຍລັດຖະມົນຕີກະຊວງສຶກສາທິການ ແລະ ກິລາ, ສະຫາຍປະທານກຳມາທິການ ເສດຖະກິດ-ການເງິນ, ງົບປະມານ, ກວດສອບສະພາແຫ່ງຊາດ, ປະທານສະມາຄົມມິດຕະພາບລາວຫວຽດນາມຂັ້ນສູນກາງ, ສະຫາຍລັດຖະມົນຕີກະຊວງແຜນການ ແລະ ການລົງທຶນ, ສະຫາຍຮອງລັດຖະ ມົນຕີກະຊວງປ້ອງກັນຄວາມສະຫງົບ, ສະຫາຍເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ ແລະ ພະນັກງານຂັ້ນສູງຈຳນວນໜຶ່ງ.

ໃນໄລຍະຢູ່ຢ້ຽມຢາມ, ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດແຫ່ງ ສປປ ລາວ ຈະໄດ້ພົບປະກັບການນຳຂັ້ນສູງສຸດຂອງຫວຽດນາມ: ສະຫາຍ ຫງວຽນຟູຈ້ອງ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ, ສະຫາຍ ເຈີ່ນດ້າຍກວາງ ກຳມະການກົມການເມືອງສູນກາງພັກ, ປະທານປະເທດແຫ່ງ ສສ ຫວຽດນາມ ແລະ ເຂົ້າຮ່ວມພິທີປິດປີສາມັກຄີມິດຕະພາບລາວ-ຫວຽດນາມ 2017, ພົບປະກັບສະຫາຍ ຫງວຽນຊວນຟຸກ ກຳມະການກົມການເມືອງສູນກາງພັກ, ນາຍົກລັດຖະມົນຕີແຫ່ງ ສສ ຫວຽດນາມ ແລະ ສະຫາຍ ນາງ ຫງວຽນທິກິມເງິນ ກຳມະການກົມການເມືອງສູນກາງພັກ, ປະທານສະພາແຫ່ງຊາດຫວຽດນາມ, ພົບປະຢ້ຽມຢາມໂອ້ລົມບັນດາສະຫາຍອະດີດການນຳຂັ້ນສູງຂອງພັກ-ລັດຫວຽດນາມ, ຕ້ອນຮັບການເຂົ້າຢ້ຽມຂ່ຳນັບຂອງສະມະຄົມມິດຕະພາບຫວຽດນາມ-ລາວຂັ້ນສູນກາງ, ພົບປະໂອ້ລົມບັນດາຜູ້ຕາງໜ້າອະດີດທະຫານອາສາສະໝັກ ແລະ ຊ່ຽວຊານຫວຽດນາມ, ພ້ອມດ້ວຍຜູ້ຕາງໜ້າຊາວໜຸ່ມຫວຽດນາມ, ນັກສຶກສາລາວທີ່ພວມຮຽນຢູ່ ສສ ຫວຽດນາມ. ນອກຈາກເຄື່ອນໄຫວຢູ່ນະຄອນຫລວງຮ່າໂນ້ຍແລ້ວ, ຄະນະຈະໄດ້ຢຽມຢາມແຂວງເຫງະອານ.

- Wave100S AD to Website 2020 0 - ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການລະຫວ່າງວັນທີ 19-21 ທັນວາ 2017

ການຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການຂອງສະຫາຍເລຂາທິການໃຫ່ຍຄະນະບໍລິຫານງານສູນກາງພັກປະຊາຊົນປະຕິວັດລາວ ພ້ອມດ້ວຍຄະນະເປັນເຫດການທີ່ສຳຄັນໃນການພົວພັນລະຫວ່າງສອງພັກ, ສອງລັດ, ປະຊາຊົນສອງຊາດລາວ-ຫວຽດນາມ ເພາະດຳເນີນໄປໃນທາມກາງບັນຍາກາດທີ່ທັງສອງປະເທດ ພວມຕັ້ງໜ້າຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກປະຊາຊົນປະຕິວັດລາວ ແລະ ມະຕິກອງປະຊຸມໃຫ່ຍ ຄັ້ງທີ Xll ຂອງພັກກອມມູນິດຫວຽດນາມຢ່າງເປັນຂະບວນຟົດຟື້ນ ແລະ ໃນບັນຍາກາດທີ່ປະຊາຊົນສອງຊາດພວມສະເຫລີມສະຫລອງ 2 ວັນປະຫວັດສາດນັ້ນຄື: ວັນສ້າງຕັ້ງສາຍພົວພັນການທູດຄົບຮອບ 55 ປີ, ວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງສອງປະເທດຄົບຮອບ 40 ປີໃນປີ 2017, ທັງເປັນການປະກອບສ່ວນອັນສຳຄັນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບທີ່ຍິ່ງໃຫ່ຍ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງຊາດ ແລະ ປະຊາຊົນສອງຊາດລາວ-ຫວຽດນາມ ທີ່ມີມາແຕ່ດົນນານແລ້ວນັ້ນໃຫ້ກ້າວສູ່ລະດັບສູງອັນໃໝ່.

- WhatsApp Image 2020 05 27 at 5 - ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການລະຫວ່າງວັນທີ 19-21 ທັນວາ 2017
- WhatsApp Image 2020 05 27 at 5 - ສະຫາຍ ບຸນຍັງ ວໍລະຈິດ ເລຂາທິການໃຫ່ຍຄະນະບໍລິຫານງານສູນກາງພັກ ປປ ລາວ ປະທານປະເທດແຫ່ງ ສປປ ລາວ ຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການລະຫວ່າງວັນທີ 19-21 ທັນວາ 2017
error: Alert: ເນື້ອຫາຂ່າວມີລິຂະສິດ !!