ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ

- Finance service - ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ
- Untitled design - ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ

ໃນວັນທີ 13 ທັນວານີ້, ກະຊວງການເງິນ, ໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດການອຳນວຍຄວາມສະດວກໃນການພິຈາລະນາເອກະສານຕ່າງໆຂອງກະຊວງການເງິນ, ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງດັ່ງກ່າວ, ມີບັນດາຫົວໜ້າກົມ, ສະຖາບັນຕ່າງໆທີ່ກ່ຽວຂ້ອງເຂົ້າຮ່ວມນໍາດ້ວຍ, ເພື່ອປຶກສາຫາລືກ່ຽວກັບການຈັດຕັ້ງປະຕິບັດການອຳນວຍຄວາມສະດວກໃນການພິຈາລະນາເອກະສານຕ່າງໆຂອງກະຊວງການເງິນ, ແນໃສ່ແກ້ໄຂຫາງສຽງຂອງສັງຄົມກ່ຽວກັບຂອດບໍລິການເອກະສານຕ່າງໆຂອງບັນດາຜູ້ປະກອບການທີ່ດຳເນີນທຸລະກິດຢູ່ສປປ ລາວ ແລະ ບັນດານິຕິກໍາຕ່າງໆທີ່ກະຊວງການເງິນຄຸ້ມຄອງຕິດພັນກັບທຸລະກິດການລົງທຶນ ເພື່ອອຳນວຍຄວາມສະດວກຜູ້ປະກອບການທີ່ດຳເນີນທຸລະກິດຢູ່ ສປປ ລາວຕິດພັນກັບວຽກງານສ່ວຍສາອາກອນ, ພາສີ, ຄັງເງິນແຫ່ງຊາດ, ກົມຄຸ້ມຄອງຊັບສິນ, ກົມການເງິນຕ່າງປະເທດ ແລະ ອື່ນໆໄປຕາມຂັ້ນຕອນ, ມີແບບແຜນ ແລະ ວິທີເຮັດວຽກເຂັ້ມແຂງ, ວ່ອງໄວ, ໂປ່ງໃສ, ທັນສະໄໝ, ສາມາດຕິດຕາມກວດກາ ແລະ ຕອບສະໜອງຄວາມຮຽກຮ້ອງຕ້ອງການຂອງວຽກງານຕົວຈິງ ແລະ ຮັກສາໄດ້ເອກະສານລັບທາງການ, ກະຊວງການເງິນ ຈຶ່ງໄດ້ອອກຂໍ້ຕົກສະບັບເລກທີ 4321/ກງ ລົງວັນທີ 12 ທັນວາ 2017 ວ່າດ້ວຍລະບຽບການຄຸ້ມຄອງເອກສານທາງການແບບເອເລັກໂຕຣນິກຂອງກະຊວງການເງິນ ເພື່ອໃຫ້ການຄຸ້ມຄອງເອກະສານ, ການຕິດຕາມຄວາມຄືບໜ້າ ຫລື ຜົນສໍາເລັດຂອງການຄົ້ນຄວ້າພິຈາລະນາເອກະສານ ໂດຍຜ່ານລະບົບການຄຸ້ມຄອງເອກະສານປະຕູດຽວຢ່າງມີປະສິດທິພາບ, ແນໃສ່ເຮັດໃຫ້ຂັ້ນຕອນຕ່າງໆຂອງການດໍາເນີນເອກະສານຜ່ານລະບົບດັ່ງກ່າວໃຫ້ໄດ້ຮັບຜົນດີ ແລະ ສອດຄ່ອງຕາມລະບຽບການ.

ໂອກາດດັ່ງກ່າວ, ທ່ານ ບຸນໂຈມ ອຸບົນປະເສີດ ໄດ້ມີຄໍາເຫັນຊີ້ນຳໃຫ້ບັນດາກົມເອົາໃຈໃສ່ແກ້ໄຂຂອດບໍລິການເອກະສານໃນກະຊວງການເງິນໃຫ້ມີຄວາມວ່ອງໄວທັນສະໄໝ, ສາມາດກວດສອບໄດ້ ແລະ ຮັບປະກັນໃຫ້ແກ່ການນຳໃຊ້ໃນວຽກງານຕົວຈິງ ແລະ ຄາດວ່າການນຳໃຊ້ລະບົບດັ່ງກ່າວໄດ້ເລີ່ມຈັດຕັ້ງປະຕິບັດເປັນທາງການໃນວັນທີ 1 ມັງກອນ 2018 ເປັນຕົ້ນໄປ.

- Wave100S AD to Website 2020 0 - ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ
- WhatsApp Image 2020 05 27 at 5 - ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ
- WhatsApp Image 2020 05 27 at 5 - ກະຊວງການເງິນຈະເລັ່ງແກ້ຂອດບໍລິການເອກະສານຕ່າງໆໃຫ້ວ່ອງໄວໂປ່ງໃສ
error: Alert: ເນື້ອຫາຂ່າວມີລິຂະສິດ !!