ກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11 ຈັດຂຶ້ນທີ່ແຂວງບິງເຟືອກ ສສຫວຽດນາມ

- Untitled design - ກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11 ຈັດຂຶ້ນທີ່ແຂວງບິງເຟືອກ ສສຫວຽດນາມ

ໃນວັນທີ 18 ທັນວານີ້, ຄະນະຜູ້ແທນລາວນໍາໂດຍ, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ, ປະທານຄະນະກຳມະການປະສານງານຮ່ວມເຂດສາມຫລ່ຽມພັດທະນາກຳປູເຈຍ-ລາວ-ຫວຽດນາມຂອງ ສປປ ລາວ ໄດ້ເຂົ້າຮ່ວມກອງປະຊຸມລັດຖະມົນຕີຄະນະກຳມະການປະສານງານຮ່ວມເຂດສາມຫຼ່ຽມພັດທະນາກຳປູເຈຍ-ລາວ-ຫວຽດນາມ (CLV DTA) ຄັ້ງທີ 11 ທີ່ແຂວງບິງເຟືອກ, ສສ ຫວຽດນາມໃນວັນທີ 19 ທັນວານີ້. ເພື່ອທົບທວນຄືນຄວາມຄືບໜ້າການຈັດຕັ້ງປະຕິບັດຜົນກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກຳປູເຈຍ-ລາວ-ຫວຽດນາມ (JCC) ຄັ້ງທີ 10 ໃນເດືອນທັນວາ 2015 ທີ່ແຂວງຈໍາປາສັກ ແລະ ກອງປະຊຸມສຸດຍອດເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມຄັ້ງທີ 9 ໃນເດືອນພະຈິກ 2016 ທີ່ສຽມລຽບກຳປູເຈຍ, ພ້ອມທັງປຶກສາຫາລືກ່ຽວກັບບັນດາຂໍ້ຄົງຄ້າງ ແລະ ສິ່ງທ້າທາຍຕ່າງໆທີ່ເປັນອຸປະສັກຕໍ່ການພັດທະນາເສດຖະກິດ-ສັງຄົມຂອງ 3 ປະເທດ ກໍຄືໃນ 13 ແຂວງດັ່ງກ່າວເພື່ອແນໃສ່ກຳນົດທິດທາງການຮ່ວມມືໃນຕໍ່ໜ້າ ແລະ ເພື່ອຮັດແໜ້ນສາຍພົວພັນມິດຕະພາບອັນເປັນມູນເຊື້ອລະຫວ່າງ 3 ຊາດ ແລະ ຊ່ວຍກະຕຸກຊຸກຍູ້ການພັດທະນາເຂດສາມຫລ່ຽມດັ່ງກ່າວໃຫ້ນັບມື້ຫລຸດພົ້ນອອກຈາກຄວາມທຸກຍາກ ເທື່ອລະກ້າວ.

ເພື່ອກະກຽມໃຫ້ແກ່ກອງປະຊຸມລັດຖະມົນຕີຄັ້ງດັ່ງກ່າວ, ໄດ້ມີກອງປະຊຸມປິ່ນອ້ອມທີ່ສຳຄັນຕ່າງໆ ຄື: ກອງປະຊຸມເຈົ້າໜ້າທີ່ອາວຸໂສເຂດສາມຫລ່ຽມພັດທະນາ ກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11, ກອງປະຊຸມອະນຸກຳມະການຄວາມໝັ້ນຄົງ ແລະ ວຽກງານການຕ່າງປະເທດຄັ້ງທີ 10, ກອງປະຊຸມອະນຸກຳມະການດ້ານເສດຖະກິດຄັ້ງທີ 10, ກອງປະຊຸມອະນຸກຳມະການດ້ານສັງຄົມ ແລະ ສິ່ງແວດລ້ອມຄັ້ງທີ 8, ກອງປະຊຸມອະນຸກຳມະການປະສານງານລະດັບແຂວງຄັ້ງທີ 9, ກອງປະຊຸມສໍາມະນາວ່າດ້ວຍການສົ່ງເສີມການຄ້າ, ການລົງທຶນ ແລະ ການທ່ອງທ່ຽວ. ນອກນັ້ນ, ຍັງມີກອງປະຊຸມໜ່ວຍງານວິຊາການຄັ້ງທີ 2 ກ່ຽວກັບແຜນປະຕິບັດງານເຊື່ອມຈອດເສດຖະກິດ CLV ຮອດປີ 2030, ເວທີປຶກສາຫາລືຊາວໜຸ່ມ ແລະ ງານວາງສະແດງສິນຄ້າ ແລະ ການທ່ອງທ່ຽວນໍາດ້ວຍ.

- Wave100S AD to Website 2020 0 - ກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11 ຈັດຂຶ້ນທີ່ແຂວງບິງເຟືອກ ສສຫວຽດນາມ
- WhatsApp Image 2020 05 27 at 5 - ກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11 ຈັດຂຶ້ນທີ່ແຂວງບິງເຟືອກ ສສຫວຽດນາມ
- WhatsApp Image 2020 05 27 at 5 - ກອງປະຊຸມຄະນະກຳມະການປະສານງານຮ່ວມເຂດສາມຫລ່ຽມພັດທະນາກໍາປູເຈຍ-ລາວ-ຫວຽດນາມ (CLV DTA) ຄັ້ງທີ 11 ຈັດຂຶ້ນທີ່ແຂວງບິງເຟືອກ ສສຫວຽດນາມ
error: Alert: ເນື້ອຫາຂ່າວມີລິຂະສິດ !!