ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ

- foriegn ministry meeting - ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ
- Untitled design - ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ

ໃນວັນທີ 14-16 ທັນວານີ້, ຄະນະຜູ້ແທນ ສປປ ລາວ ນໍາໂດຍທ່ານ ສະເຫລີມໄຊ ກົມມະສິດ ລັດຖະມົນຕີວ່າການກະຊວງການຕ່າງປະເທດ, ໄດ້ເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ, ພາຍໃຕ້ການເປັນປະທານຮ່ວມຂອງ ທ່ານ ຫວາງ ອີ້ (Wang Yi) ລັດຖະມົນຕີກະຊວງການຕ່າງປະເທດແຫ່ງ ສປ ຈີນ ແລະ ທ່ານ ປຣາກ ໂຊຄົນ (PRAK Sokhonn) ລັດຖະມົນຕີອາວຸໂສ, ລັດຖະມົນຕີກະຊວງການຕ່າງປະເທດ ແລະ ການຮ່ວມມືສາກົນແຫ່ງລາຊະອານາຈັກກໍາປູເຈຍ ແລະ ມີບັນດາລັດຖະມົນຕີຕ່າງປະເທດ, ພ້ອມດ້ວຍຄະນະຈາກປະເທດສະມາຊິກຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄື: ກຳປູເຈຍ, ສປ ຈີນ, ສປປ ລາວ, ມຽນມາ, ໄທ ແລະ ສສ. ຫວຽດນາມ ເຂົ້າຮ່ວມຢ່າງພ້ອມພຽງ.

ກອງປະຊຸມໄດ້ພ້ອມກັນທົບທວນຄືນການຈັດຕັ້ງປະຕິບັດຜົນຂອງກອງປະຊຸມຜູ້ນໍາປະເທດແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 1 ແລະ ຜົນຂອງກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 2 ໂດຍສະເພາະແມ່ນຖະແຫລງການຊັນຍາ, ບັນດາໂຄງການທີ່ໄດ້ຮັບຜົນໄວທີ່ລັດຖະບານຂອງ ສປຈີນ ໄດ້ໃຫ້ການສະໜັບສະໜູນໃນປີຜ່ານມາ. ສປປ ລາວ ກໍໄດ້ເຂົ້າຮ່ວມຈັດຕັ້ງປະຕິບັດຫລາຍໂຄງການ ແລະ ຈໍານວນໜຶ່ງກໍຖືກຈັດຕັ້ງປະຕິບັດ ຢູ່ ສປປ ລາວ ເຊັ່ນ: ໂຄງການປິ່ນປົວແກ່ນຕາຂຸ້ນ ແລະ ໂຄງການທົດລອງແກ້ໄຂຄວາມທຸກຍາກໃນ ສປປ ລາວ-ຈີນ. ພ້ອມນີ້, ກອງປະຊຸມກໍໄດ້ປຶກສາຫາລືທິດທາງການຮ່ວມມືໃນຕໍ່ໜ້າໃນກອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ເປັນຕົ້ນແມ່ນການກະກຽມດ້ານຕ່າງໆໃຫ້ກອງປະຊຸມຜູ້ນໍາຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 2 ເຊິ່ງຈະຈັດຂື້ນໃນເດືອນມັງກອນ 2018 ທີ່ກໍາປູເຈຍ.

ການເຂົ້າຮ່ວມກອງປະຊຸມໃນຄັ້ງນີ້, ໄດ້ຮັບຮອງເອົາ 3 ເອກະສານສໍາຄັນ ຄື: (1) ບົດຖະແຫລງຂ່າວຮ່ວມຂອງກອງປະຊຸມລັດຖະມົນຕີຕ່າງປະເທດ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ຄັ້ງທີ 3 (Joint Press Communiqué of the Third Langcang-Mekong Cooperation (LMC) Foreign Ministers’ Meeting), (2). ບັນດາໂຄງການທີ່ໄດ້ຮັບການສະໜັບສະໜູນຈາກກອງທຶນພິເສດ ຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງ ສົກປີ 2017 (List of the Projects supported by LMC Special Fund of 2017) ແລະ (3). ຂໍ້ມູນຕິດຕໍ່ສາຍດ່ວນກອງເລຂາແມ່ນໍ້າຂອງ-ແມ່ນໍ້າລ້ານຊ້າງ ຂອງແຕ່ລະປະເທດ (Hotline Platform of LMC National Secretariats and Coordination Units) ເພື່ອເປັນພື້ນຖານການຮ່ວມມືໃນຕໍ່ໜ້າ.

- Wave100S AD to Website 2020 0 - ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ

 

- WhatsApp Image 2020 05 27 at 5 - ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ
- WhatsApp Image 2020 05 27 at 5 - ລັດຖະມົນຕີກະຊວງການຕ່າງປະເທດສໍາເລັດການເຂົ້າຮ່ວມກອງປະຊຸມລັດຖະມົນຕີຕ່າງປະເທດຂອບການຮ່ວມມືແມ່ນໍ້າຂອງ-ແມ່ນໍ້າລ້ານຊ້າງຄັ້ງທີ 3 ທີ່ຕ້າຫລີ່ ສປ ຈີນ
error: Alert: ເນື້ອຫາຂ່າວມີລິຂະສິດ !!