ຢາຖູແຂ້ວແຕ່ລະຍີ່ຫໍ້ດີແຕກຕ່າງກັນ

- advert banner 728 90 728x90 - ຢາຖູແຂ້ວແຕ່ລະຍີ່ຫໍ້ດີແຕກຕ່າງກັນ

ຢາຖູແຂ້ວມີຫລາກຫລາຍຍີ່ຫໍ້ ບາງຍີ່ຫໍ້ກໍເນັ້ນຟລູອໍໄຣ ບາງຍີ່ຫໍ້ກໍເສີມສານຫລຸດການເຂັດແຂ້ວ ຫລື ບາງຍີ່ຫໍ້ກໍເນັ້ນວັດຖຸດິບທີ່ມາຈາກທຳມະຊາດ ແຕ່ຖ້າເຮົາຈະຟັງແຕ່ຄຳໂຄສະນາພຽງຢ່າງດຽວກໍຄົງຈະຫາຄຳຕອບບໍ່ໄດ້ ເພາະແຕ່ລະຍີ່ຫໍ້ກໍລ້ວນແຕ່ໂຄສະນາຈຸດເດັ່ນໆຂອງໂຕເອງ ບໍ່ມີໃຜບອກຂໍ້ເສຍຂອງໂຕເອງອອກມາ. ດັ່ງນັ້ນຖ້າທ່ານຢາກຮູ້ວ່າຢາຖູແຂ້ວຍີ່ຫໍ້ໃດດີແທ້ ຍີ່ຫໍ້ໃດດີຫລອກ ມາເບິ່ງຂໍ້ມູນເຫລົ່ານີ້ຈາກຜູ້ຊ່ຽວຊານດ້ານທັນຕະກຳດັ່ງຕໍ່ໄປນີ້ :

- new3 - ຢາຖູແຂ້ວແຕ່ລະຍີ່ຫໍ້ດີແຕກຕ່າງກັນ
  1. Darlie : ສາມາດຂັດຂວາງເຊື້ອແບັກທີເຣຍທີ່ເປັນສາເຫດໃຫ້ເກີດແຂ້ວແມງ ແລະ ຊ່ວຍຫລຸດຄາບສະສົມໄດ້ນຳ.
  2. Colgate : ຜະລິດອອກມາຫລາຍແບບ, ແຕ່ຖ້າອັນໃດມີສານ Tricosan ເປັນສ່ວນປະກອບກໍບໍ່ຄວນໃຊ້ ເພາະອາດກໍ່ພະ ຍາດມະເຮັງໄດ້. ໃນເອີຣົບບາງປະເທດຈຶ່ງບໍ່ໃຊ້ຢາຖູແຂ້ວຍີ່ຫໍ້ນີ້.
  3. Colgate Sensitive : ຊ່ວຍຫລຸດອາການເຂັດແຂ້ວໄດ້, ແຕ່ຖ້າເປັນ Colgate Sensitive prorelief ຈະຍິ່ງຊ່ວຍ ຫລຸດອາການເຂັດແຂ້ວໄດ້ດີກ່ວາ.
  4. Sensodyne : ຊ່ວຍຫລຸດອາການເຂັດແຂ້ວໄດ້ເຊັ່ນກັນ, ແຕ່ເຮັດໄດ້ບໍ່ດີເທົ່າ Colgate ເພາະຊ່ວຍປິດທໍ່ຊີ້ນແຂ້ວໄດ້ບໍ່ດີເທົ່າ.
  5. Salz : ເນັ້ນລົດຊາດເຄັມ ແຕ່ດີ ຊ່ວຍຫ້າມເລືອດໄດ້ສຳລັບບາດແຜນ້ອຍໆ.
  6. Close up : ທີ່ມີສ່ວນປະກອບຂອງ Essential oil ຈະຊ່ວຍຫລຸດເຊື້ອພະຍາດໄດ້ ເຖິງວ່າຈະບໍ່ຫລາຍປານໃດກໍຕາມ.
  7. ຢາຖູແຂ້ວປະສົມສະໝຸນໄພທັງຫລາຍ ເຊັ່ນ : ດອກບົ່ວຄູ່, ພາໂຣດອນແທັກ, ເດັນທິສເຕ້ ເຫລົ່ານີ້ຈະບໍ່ມີຟລູອໍໄຣປະສົມ ຊ່ວຍເບິ່ງແຍງເຫືອກໄດ້, ແຕ່ບໍ່ຊ່ວຍປ້ອງກັນແຂ້ວແມງ ຫລື ແຂ້ວຜຸຜ່ອຍ. ດັ່ງນັ້ນ, ຖ້າຢາກຈະໃຊ້ກໍຄວນໃຊ້ສະຫລັບກັບຢາຖູແຂ້ວທີ່ມີຟລູອໍໄຣຈະດີກ່ວາ.
  8. ຢາຖູແຂ້ວທີ່ອ້າງວ່າຜະສົມສະໝຸນໄພບໍ່ຄ່ອຍດີປານໃດ ເພາະລິດຂອງສານຈະຢູ່ພຽງແຕ່ຕອນທີ່ປະສົມເທົ່ານັ້ນ, ແຕ່ເມື່ອມາເຖິງເຮົາກໍບໍ່ມີລິດຫຍັງພໍເທົ່າໃດແລ້ວ.
  9. Zact : ຊ່ວຍຜັດແຂ້ວໄດ້ດີ ແຕ່ຖ້າໃຊ້ທຸກໆມື້ຈະເຮັດໃຫ້ແຂ້ວເສື່ອມສະພາບໄດ້.
  10. Gentrez : ຊ່ວຍຫລຸດຄາບຫີນປູນໄດ້.
  11. ຢາຖູແຂ້ວເດັກນ້ອຍຄວນໃຊ້ພຽງແຕ່ຊະນິດດຽວ, ບີບພຽງ ແຕ່ຂະໜາດນ້ອຍໆເທົ່າເມັດຖົ່ວຂຽວກໍພໍ ເພາະຖ້າໃຊ້ຫລາຍ ແຂ້ວເດັກນ້ອຍຈະຕົກກະ.
  12. ຢາຖູແຂ້ວທີ່ເປັນຝຸ່ນ ຈິ້ມໆເອົາ ບໍ່ຄວນໃຊ້ ເພາະວ່າເປັນແຫ່ລງເພາະພັນເຊື້ອພະຍາດຈາກແປງຖູແຂ້ວໄດ້ງ່າຍຫລາຍ.

ແນວໃດກໍຕາມ, ຢ່າຟັງຄວາມຂ້າງດຽວ ເພາະນີ້ເປັນພຽງໜຶ່ງຄວາມຄິດເຫັນເທົ່ານັ້ນ ແຕ່ທີ່ມາບອກເລົ່າກັນໃນມື້ນີ້ກໍເພື່ອເພີ່ມ ຄວາມເຂົ້າໃຈໃຫ້ຫລາຍຂຶ້ນ ເພາະຖ້າຮູ້ໄວ້ກໍໜ້າຈະເປັນສິ່ງທີ່ດີກ່ວາ ລອງຄິດນຳເບິ່ງວ່າສິ່ງທີ່ເຮົາສະເໜີໄປນີ້ມັນກົງກັບຄວາມຮູ້ສຶກທີ່ທ່ານເຄີຍໃຊ້ຢາຖູແຂ້ວເຫລົ່ານີ້ມາແດ່ຫລືບໍ່ ເພື່ອຄວາມປອດໄພຂອງສຸຂະພາບທ່ານເອງ.

- lattana 1 - ຢາຖູແຂ້ວແຕ່ລະຍີ່ຫໍ້ດີແຕກຕ່າງກັນ
error: Content is protected !!