ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ

- 021412 2017 - ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ
- Untitled design - ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ

ນຳ້ມັນທີ່ເຮົາໃຊ້ຈືນອາຫານຫລາຍໆເທື່ອຊຳ້ແລ້ວຊຳ້ອີກນັ້ນ ຮູ້ຫລືບໍ່ວ່ານຳ້ມັນເຫລົ່ານີ້ຈະມີຄຸນສົມບັດທີ່ເສື່ອມລົງ ທັງສີ, ກິ່ນ ແລະ ລົດຊາດ ແລະ ໃນລະຫ່ວາງທີ່ເຮົາຈືນຈະມີສານໂພລາເກີດຂຶ້ນ ເຊິ່ງເກີດຈາກການແຕກໂຕຂອງນຳ້ມັນ. ສານໂພລານີ້ສາມາດເຂົ້າໄປສະສົມໃນຮ່າງກາຍ ແລະ ສົ່ງຜົນກະທົບຕໍ່ການເຮັດວຽກຂອງແຊນນຳອີກ. ການສຶກສາໃນສັດທົດລອງພົບວ່າສານທີ່ເກີດຈາກການເສື່ອມຂອງນຳ້ມັນທີ່ເຮົາຈືນອາຫານຊຳ້ຫລາຍໆຮອບ ເປັນສານກໍ່ກາຍພັນ ແລະ ເຮັດໃຫ້ເກີດມະເຮັງຜິວໜັງ, ເກີດຊີ້ນປົ່ງໃນຕັບ ແລະ ປອດ ທັງຍັງກໍ່ໃຫ້ເກີດມະເຮັງເມັດເລືອດຂາວໃນໜູທົດລອງນຳອີກ. ນອກຈາກນີ້, ສານໂພລາກໍຍັງເປັນໂຕວັດແທກການເສື່ອມສະພາບຂອງນຳ້ມັນໂດຍລວມໄດ້.

ຕໍ່ມາໄດ້ມີການສຳຫລວດໂຕຢ່າງນຳ້ມັນຈືນອາຫານຫລາຍໆ ໂຕຢ່າງພົບວ່າມີຮ້ານອາຫານ ຫລື ອາຫານຫລາຍຊະນິດມີສານໂພລາເກີນກຳນົດ ໂດຍຄິດໄລ່ເປັນໂຕເລກຢູ່ໃນລະດັບອ່າວສູງ.

ຜົນກະທົບຈາກນຳ້ມັນຈືນອາຫານຊຳ້ຕໍ່ສຸຂະພາບມີດັ່ງນີ້ : ການຈະເລີນເຕີບໃຫຍ່ຫລຸດລົງ, ຕັບ ແລະ ໝາກໄຂ່ຫລັງມີຂະໜາດໃຫຍ່, ມີການສະສົມໄຂມັນໃນຕັບ,  ການຫລັ່ງນຳ້ຍ່ອຍທຳລາຍສານພິດໃນກະເພາະອາຫານມີຫລາຍຂຶ້ນ. ນອກຈາກນັ້ນ ໄຂມັນທີ່ຖືກອັອກຊິໄດໃນປະລິມານສູງອາດຈະເຮັດໃຫ້ໄລໂປໂປຣຕິນຊະນິດ LDL ມີໂອກາດເກີດອະນຸມູນອິດສະລະຫລາຍຂຶ້ນ ສາເຫດພວກນີ້ອາດເຮັດໃຫ້ເຮົາເປັນພະຍາດຫົວໃຈ ແລະ ຫລອດເລືອດໄດ້ ຖ້າເຮົາບໍລິໂພກຈຳພວກນີ້ສະສົມເປັນເວລາດົນ. ນອກຈາກນີ້ ຍັງມີສ່ວນຂອງອາຍລະເຫີຍຈາກນຳ້ມັນຈືນຊຳ້ ຫາກສືບດົມດົນໆອາດເຮັດໃຫ້ເປັນມະເຮັງປອດໄດ້.

ຄຳແນະນຳ 10 ວິທີໃນການໃຊ້ນຳ້ມັນໃນການຈືນອາຫານ :

- Wave100S AD to Website 2020 0 - ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ
  1. ບໍ່ໃຊ້ນຳ້ມັນທີ່ຈືນອາຫານຊຳ້ເກີນ 2 ເທື່ອ.
  2. ບໍ່ຈືນອາຫານໂດຍການໃຊ້ໄຟແຮງໆ.
  3. ຮັກສາລະດັບນຳ້ມັນໃນການຈືນໃນແຕ່ລະເທື່ອ.
  4. ດູດນຳ້ບໍລິເວນຜິວຂອງອາຫານທີ່ດິບອອກ ເພື່ອຮັກສາຄຸນນະພາບຂອງນຳ້ມັນ.
  5. ໝັ່ນກອງເອົາກາກອາຫານຖິ້ມໃນລະຫ່ວາງການປຸງແຕ່ງອາຫານ ແລະ ຫລັງປຸງແຕ່ງອາຫານ ແລ້ວທຸກເທື່ອ.
  6. ປ່ຽນນຳ້ມັນຈືນອາຫານປະເພດຊີ້ນສັດທີ່ມີເກືອ ຫລື ເຄື່ອງປຸງລົດຊາດໃຫ້ຫລາຍຂຶ້ນ.

7.​ ປິດໄຟທັນທີຫລັງຈືນອາຫານແລ້ວ ເພື່ອຫລຸດຜ່ອນການເສື່ອມສະພາບຂອງນຳ້ມັນ.

  1. ເກັບມ້ຽນນຳ້ມັນທີ່ຈືນແລ້ວໄວ້ໃນພາຊະນະແກ້ວ ຫລື ສະແຕນເລດໃຫ້ປິດສະໜິດ ໃນບ່ອນທີ່ບໍ່ຖືກແສງແດດ.
  2. ລ້າງກະທະ ຫລື ພາຊະນະທີ່ໃຊ້ຈືນອາຫານໃຫ້ສະອາດ ຖ້າລ້າງບໍ່ສະອາດ ອາດເກີດການຕົກຄ້າງຂອງນຳ້ມັນເກົ່າ ເຊິ່ງນຳ້ມັນເກົ່າມີສານອະນຸມູນອິດສະລະ ຖ້າລວມກັບນຳ້ມັນໃໝ່ຈະເຮັດໃຫ້ປະສິດທິພາບຂອງນຳ້ມັນໃໝ່ຫລຸດລົງ.

10. ຫລີກເວັ້ນການໃຊ້ກະທະທີ່ເປັນເຫລັກ, ທອງແດງ ຫລື ອະລູມີນຽມໃນການຈືນອາຫານ ເພາະຈະໄປເຮັດໃຫ້ປະສິດທິພາບຂອງນຳ້ມັນຫລຸດລົງນຳອີກ.

- WhatsApp Image 2020 05 27 at 5 - ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ
- WhatsApp Image 2020 05 27 at 5 - ນ້ຳມັນທີ່ໃຊ້ຈືນອາຫານແລ້ວ ບໍ່ຄວນເອົາມາໃຊ້ຈືນຊ້ຳອີກ
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!