ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?

- 031412 2017 - ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?
- Untitled design - ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?

ເຈັບຫົວ, ມີໄຂ້ ເປັນອາການສະແດງທີ່ພົບໄດ້ທົ່ວໄປໃນທຸກຄົນ ສ່ວນຫລາຍມັກເປັນອາການເລີ່ມຕົ້ນຂອງຄວາມບໍ່ສະບາຍຕ່າງໆ ເຊິ່ງເກີດໄດ້ຈາກຫລາຍໆສາເຫດ ເຊັ່ນ : ໄຂ້ຫວັດຈາກການຕິດເຊື້ອໄວຣັສ, ເຈັບປ່ວຍຈາກການຕິດເຊື້ອແບັກທີເຣຍ, ຄວາມເຄັ່ງຄຽດ ເປັນຕົ້ນ. ອາການເຈັບຫົວ, ມີໄຂ້ ເບື້ອງຕົ້ນສາມາດກິນຢາເພື່ອຊ່ວຍຫລຸດຜ່ອນອາການໄດ້ ມີຢາຢູ່ 2 ຊະນິດທີ່ເຮົາຮູ້ຈັກກັນວ່າໃຊ້ເປັນຢາແກ້ເຈັບຫົວ, ຫລຸດໄຂ້ໄດ້ ນັ້ນກໍແມ່ນຢາພາຣາເຊຕາໂມນ ແລະ ຢາແອສໄພຣິນ, ແຕ່ມີຄຳຖາມວ່າ  ຢາໃດດີກ່ວາກັນ ?

  1. ຢາພາຣາເຊຕາໂມນ :

– ການອອກລິດ : ໄປຂັດຂວາງການສ້າງສານໂພຣສຕຣາແກລນດິນ (Prostaglandin) ໃນສະໝອງ ເໝາະສົມສຳລັບຫລຸດຜ່ອນອາກາດປວດໃນລະດັບໜ້ອຍຈົນເຖິງປານກາງ ເຊັ່ນ : ເຈັບຫົວ,  ເຈັບຈາກອາການຂໍ້ເສື່ອມ, ເຈັບປວດກ້າມຊີ້ນ, ຟົກຊຳ້.

– ການໃຊ້ຢາ : ສຳລັບຜູ້ໃຫຍ່ຕໍ່ການກິນຢາ 1 ເທື່ອ ຄວນມີໂຕຢາພາຣາເຊຕາໂມນບໍ່ເກີນ 650 ມິນລີກຣາມ ຫາກອາການເຈັບປວດຍັງຄົງຢູ່ ການກິນຢາຊຳ້ຕ້ອງໃຫ້ຫ່າງກັນ 4 – 6 ຊົ່ວໂມງ ໂດຍຂະໜາດຢາສູງສຸດຕໍ່ວັນຕ້ອງບໍ່ເກີນ 2.600 ມີນລີກຣາມ, ບໍ່ຄວນກິນຢາພາຣາເຊຕາໂມນຕິດຕໍ່ກັນ 5 – 7 ວັນ ເພື່ອປ້ອງກັນບໍ່ໃຫ້ເກີດອັນຕະລາຍຈາກການກິນຢາເກີນຂະໜາດ ສາມາດທີ່ຈະກິນຢາໄດ້ທັນທີເມື່ອມີອາການ ເພາະຢາບໍ່ມີຜົນລະຄາຍເຄືອງກະເພາະອາຫານ.

– ຂໍ້ຄວນລະວັງ : ລະວັງໃນຜູ້ປ່ວຍທີ່ມີການເຮັດວຽກຂອງຕັບບົກພ່ອງ ຫລື ຜູ້ທີ່ດື່ມເຫລົ້າຊຳ້ເຮື້ອ ອາດຕ້ອງມີການປັບຫລຸດຂະໜາດຢາລົງໃນກຸ່ມຜູ້ປ່ວຍເຫລົ່ານີ້ ລະວັງໃນການໃຊ້ຮ່ວມກັບຢາອື່ນທີ່ມີສ່ວນປະກອບຂອງພາຣາເຊຕາໂມນຢູ່ນຳ ເຊັ່ນ : ຢາແກ້ປວດ  ຄາຍກ້າມຊີ້ນ ຫລື ຢາຫລຸດຜ່ອນອາການໄຂ້ຫວັດບາງຍີ່ຫໍ້ທີ່ອາດເຮັດໃຫ້ໄດ້ຮັບພາຣາເຊຕາໂມນຫລາຍເກີນຂະໜາດ ນຳໄປສູ່ການເກີດພິດຕໍ່ຕັບໄດ້.

  1. ແອສໄພຣິນ :

– ການອອກລິດ : ໄປຂັດຂວາງເອັນໄຊໃນຮ່າງກາຍທີ່ເຮັດໃຫ້ເກີດການສ້າງສານອັກເສບ ສົ່ງຜົນໃຫ້ຫລຸດຜ່ອນອາການປວດ ແລະ ອັກເສບ ລວມເຖິງມີຜົນເຮັດໃຫ້ເກັດເລືອດຈັບກຸ່ມກັນໄດ້ຍາກ.

- Wave100S AD to Website 2020 0 - ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?

– ການໃຊ້ : ສຳລັບຜູ້ໃຫຍ່ ຢາແອສໄພຣິນໃນຂະໜາດທີ່ສູງໄດ້ແກ່ 325 – 650 ມິນລີກຣາມຕໍ່ຄັ້ງ ຈະໃຫ້ຜົນໃນການຫລຸດຜ່ອນອາກາດປວດ ແລະ ອັກເສບ ໃນຂະນະທີ່ຂະໜາດຢາຕໍ່າ ໄດ້ແກ່ 75 – 150 ມິນລີກຣາມຕໍ່ວັນ ໃຫ້ຜົນລົບກວນການເຮັດວຽກຂອງເກັດເລືອດບໍ່ໃຫ້ຈັບກຸ່ມກັນ ຈຶ່ງມີການນຳເອົາຢາແອສໄພຣິນໃນຂະໜາດຕໍ່າຫລາຍໃຊ້ເປັນຢາຕ້ານການຈັບກຸ່ມກັນຂອງເກັດເລືອດ, ຢາແອສໄພຣິນລະຄາຍເຄືອງຕໍ່ກະເພາະອາຫານ ຈຶ່ງຄວນກິນຢາຫລັງອາຫານທັນທີີ.

– ຂໍ້ຄວນລະວັງ : ຜູ້ທີ່ີມີພະຍາດປະຈຳໂຕພູມແພ້ຢູ່ ຄວນລະວັງການໃຊ້ຢາແອສໄພຣິນ ເນື່ອງຈາກອາດເຮັດໃຫ້ເກີດອາການຕຸ່ມຜື່ນໄດ້ງ່າຍກ່ວາຄົນທົ່ວໄປ. ນອກຈາກນີ້ ຕ້ອງຫລີກເວັ້ນການໃຊ້ຢາແອສໄພຣິນໃນຜູ້ປ່ວຍທີ່ກຳລັງເປັນໄຂ້ເລືອດອອກ ເນື່ອງຈາກລິດໃນການຕ້ານການຈັບກຸ່ມຂອງເກັດເລືອດອາດເຮັດໃຫ້ຜູ້ປ່ວຍເກີດມີເລືອດອອກຜິດປົກກະຕິ ແລະ ອັນຕະລາຍຈົນເຖິງຊີວິດໄດ້.

ສະຫລຸບວ່າ ເມື່ອທ່ານເຈັບຫົວ, ມີໄຂ້, ບໍ່ມີປະຫວັດແພ້ຢາໃດໆ ໃນເບື້ອງຕົ້ນແນະນຳໃຫ້ກິນຢາພາຣາເຊຕາໂມນກ່ອນ ເນື່ອງຈາກເປັນຢາທີ່ມີຄວາມປອດໄພສູງ ໂດຍສະເພາະຖ້າກິນຕາມຂະໜາດທີ່ເໝາະສົມ, ກ່ອນກິນຢາຮ່ວມກັບຢາອື່ນ ຄວນອ່ານສະຫລາກຜະລິດຕະພັນຢາທີ່ກິນຮ່ວມກັນໃຫ້ລະອຽດ ເພື່ອຫລີກເວັ້ນການກິນຊຳ້ຊ້ອນກັບຢາທີ່ມີພາຣາເຊຕາໂມນເປັນສ່ວນປະ ກອບ ເພາະຈະເຮັດໃຫ້ໄດ້ຮັບຢາພາຣາເຊຕາໂມນເກີນຂະໜາດ ແລະ ກິນຢາພາຣາເຊຕາໂມນຕິດຕໍ່ກັນເກີນ 5 ວັນ ອາດເຮັດໃຫ້ເກີດພິດຕໍ່ຕັບໄດ້. ນອກຈາກນີ້, ຫາກກິນຢາພາຣາເຊຕາໂມນໄປແລ້ວ ອາການໄຂ້ບໍ່ຫລຸດລົງຍັງຄົງມີໄຂ້ສູງຕິດຕໍ່ກັນປະມານ 3 – 7 ວັນ ຮ່ວມກັບມີປະຫວັດຖືກຍຸງກັດ ກໍຄວນໄປຮັບການກວດຢູ່ໂຮງໝໍ ເພາະອາດເປັນໄຂ້ເລືອດອອກ ຈະຕ້ອງປິ່ນປົວໃນໂຮງໝໍຕໍ່ໄປ.

- WhatsApp Image 2020 05 27 at 5 - ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?
- WhatsApp Image 2020 05 27 at 5 - ເຈັບຫົວ – ມີໄຂ້ ໃຊ້ຢາໃດດີກ່ວາກັນ ?
  • 1097 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!