ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ

- 031512 2017 - ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ
- Untitled design - ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ

ຄົນທີ່ປະສົບຄວາດສຳເລັດ ແລະ ມີຄວາມສຸກໃນຊີວິດດຕ້ອງພັດທະນາຕົນເອງໃຫ້ເຕີບໃຫຍ່ຂຶ້ນໄປເລື້ອຍໆຢ່າງບໍ່ມີຂີດຈຳກັດ ແຕ່ເຮັດແນວໃດຈຶ່ງຈະສຳເລັດຜົນນັ້ນ ຄວາມສະໝໍ່າສະເໝີແມ່ນຫົວໃຈທີ່ສຳຄັນທີ່ສຸດ.

ໂອກາດ, ແຮງບັນດານໃຈ ຫລື ຄວາມຈູງໃຈ ເຮັດໃຫ້ເຮົາມີພະລັງທີ່ຈະລຸກຂຶ້ນມາລິເລີ່ມເຮັດສິ່ງຕ່າງໆ, ແຕ່ບໍ່ດົນບໍ່ນານ ຄວາມກະຕືລືລົ້ນກໍອາດຜ່ອນລົງ ຈົນກະທັ້ງເຊົາໄປໃນທີ່ສຸດ ຫາກຂາດວິໄນໃນການລົງມືເຮັດຢ່າງສະໝໍ່າສະເໝີ. ຄົນຈຳນວນຫລາຍທີ່ຕົກຢູ່ໃນວັງວົນແບບນີ້ຈຶ່ງໄປບໍ່ໄດ້ໄກເທົ່າທີ່ຄວນ.

ການໝັ່ນທົບທວນຕົນເອງຢູ່ເລື້ອຍໆໃນແຕ່ລະໄລຍະເວລາຂອງຊີວິດ ຈະເຮັດໃຫ້ເຮົາໄດ້ໃຊ້ເວລາຢ່າງເປັນປະໂຫຍດ ແລະ ພັດທະນາເຕີບໃຫຍ່ຂຶ້ນໄປຈາກຈຸດທີ່ເປັນຢູ່ ບໍ່ເຜີປ່ອຍໃຫ້ຖົດຖອຍລົງຍ້ອນຄວາມກຽດຄ້ານ ຫລື ປະໝາດລອງພິຈາລະນາຕົນເອງ  ໃນ 4 ດ້ານຕໍ່ໄປນີ້ :

- Wave100S AD to Website 2020 0 - ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ
  1. ເຮົາຈຳເປັນຕ້ອງປັບປຸງຕົນເອງໃນເລື່ອງຫຍັງ : ຖ້າເຮົາຢາກເຂົ້ານອນທຸກມື້ຢ່າງມີຄວາມສຸກ ເຮົາກໍຄວນຕື່ນນອນດ້ວຍຄວາມຕັ້ງໃຈໃນທຸກໆເຊົ້າ, ການພັດທະນາຕົນເອງທຸກໆມື້ເປັນສິ່ງຮັບປະກັນວ່າອະນາຄົດຂອງເຮົາຈະເຕັມໄປດ້ວຍສິ່ງທີ່ເປັນໄປໄດ້ ເມື່ອເຕີບໃຫຍ່ຂຶ້ນ ໂລກຂອງເຮົາກໍຈະຂະຫຍາຍໂຕຕາມໂອກາດ ແລະ ທາງເລືອກສັກກະຍະພາບຕ່າງໆກໍຈະຕາມມາ.
  2. ເຮົາຄວນຈະປັບປຸງໂຕເອງແນວໃດ : ເບິ່ງວ່າໂຕເອງມີບຸກຄະລິກກະພາບເໝາະສົມກັບຄວາມຈູງໃຈແບບໃດ, ແຕ່ລະຄົນມີຈຸດແຂງບໍ່ຄືກັນ ຢ່າຄາດຫວັງສູງເກີນໄປ ຫລື ໄວເກີນໄປ ອາດເຮັດໃຫ້ທໍ້ຖອຍໄດ້ ໂດຍຝຶກໃນເລື່ອງທີ່ເປັນໄປໄດ້ ແລະ ໃຫ້ເລີ່ມກັບເລື່ອງທີ່ງ່າຍໆກ່ອນ ຄ່ອຍໆສະສົມຄວາມສຳເລັດຈາກເລື່ອງນ້ອຍໆນັ້ນ ທຸກຢ່າງຈະຍາກກ່ອນທີ່ຈະກາຍເປັນຄວາມງ່າຍ ຈຶ່ງຕ້ອງມີຄວາມອົດທົນ ແລະ ຄວາມຕັ້ງໃຈ ໃນລະຫ່ວາງທາງກໍໃຫ້ຄຸນຄ່າກັບຂະບວນການທີ່ໄດ້ຮຽນຮູ້ ເພາະສິ່ງທີ່ກຸ້ມຄ່າໃນຊີວິດມັກຕ້ອງອາໄສຄວາມທຸ້ມເທ ແລະ ເວລາສະເໝີ.
  3. ເປັນຫຍັງເຮົາຈຶ່ງຕ້ອງປັບປຸງຕົນເອງ : ການຮູ້ເຖິງປະໂຫຍດທີ່ຈະໄດ້ຮັບຈາກການປັບປຸງຕົນເອງໃນເລື່ອງທີ່ເລືອກຈະເຮັດໃຫ້ເຮົາຮູ້ວ່າເປັນຫຍັງຈຶ່ງຄວນປັບປຸງຕົນເອງຕໍ່ໄປ ເຖິງວ່າຈະພົບກັບຄວາມຍາກລຳບາກ ຄວາມເບື່ອໜ່າຍ ຫລື ທໍ້ຖອຍ ຄວາມຈູງໃຈເປັນເຄື່ອງຫລໍ່ລ້ຽງໃຫ້ກ້າວຕໍ່ໄປໄດ້ ເຊັ່ນ : ຄິດເຖິງຜົນທີ່ຈະໄດ້ຮັບຈາກສິ່ງທ່ີເຮັດວ່າຈະຊ່ວຍເຮົາໄດ້ແນວໃດ ບໍ່ວ່າຈະເປັນດ້ານອາຊີບການງານ, ສຸຂະພາບ, ຄວາມສຳພັນກັບບຸກຄົນຕ່າງໆ, ການຮັບມືກັບຄວາມບໍ່ແນ່ນອນໃນໂລກນີ້ ຫລື ຄວາມສຸກທາງໃຈ ເປັນຕົ້ນ.
  4. ເມື່ອໃດເຮົາຄວນຈະປັບປຸງຕົນເອງ : ເຮົາຈະບໍ່ມີມື້ປ່ຽນແປງຊີວິດໄດ້ຫາກບໍ່ປ່ຽນໃນສິ່ງທີ່ເຮັດໃນແຕ່ລະມື້ ສະນັ້ນ ໃຫ້ເລີ່ມຕົ້ນຕັ້ງແຕ່ມື້ນີ້ ແລະ ເຮັດຕໍ່ໄປຢ່າງສະໝໍ່າສະເໝີຈົນກາຍເປັນອຸປະນິໄສ ໃນທີ່ສຸດແລ້ວອຸປະນິໄສຂອງເຮົານີ້ກໍຈະກຳນົດອະນາຄົດຂອງເຮົາ ໃຫ້ລອງພິຈາລະນາເບິ່ງວ່າມີຫຍັງແດ່ທີ່ເຮົາເຮັດໃນແຕ່ລະມື້ທີ່ຄວນຈະປ່ຽນແປງ ບໍ່ວ່າຈະເປັນການລິເລີ່ມເຮັດສິ່ງດີໆ ຫລື ເຊົາເຮັດໃນສິ່ງທີ່ບໍ່ດີ.
- WhatsApp Image 2020 05 27 at 5 - ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ
- WhatsApp Image 2020 05 27 at 5 - ພັດທະນາຕົນເອງ + ຄວາມສະໝໍ່າສະເໝີ = ຄວາມສຳເລັດ
  • 1096 Posts
  • 0 Comments
iLike/LPN/20
error: Alert: ເນື້ອຫາຂ່າວມີລິຂະສິດ !!